YEHEZKIEL 8:11 - ALLAH NIHYET MEM TUNGWATU NYA

¹¹ Mben Israel ide nibou di ibie tut limwa nya ibou ningot muhwindacan cem ingat rin ei sirima bitut Yaazanya di Safan nipmot cem. Bikwop tungwagom-gom krau bokor di indig biei nggrai di ui-gwang kei eisi ba, nimmup brou.

YEHEZKIEL 8:11 ပူးပေါင်းရင်းမြစ်များ

NIBOU NDIG NYA GI NICAN 22:12

Bicuk Imam Hilkia kin Ahikam di Safan nipmot kin Akhbor di Mikha nipmot kin Safan di sekertaris gi gom kin Asaya di ya kui noni bipai biyok,

NIBOU NDIG NYA GI NICAN 22:14

Lene Hilkia kin Ahikam kin Akhbor kin Safan kin Asaya yahagom yuug hig ser Hulda. Sop dini ne nabi sop rin ba, noni bong ei hanjop di nijep ei minu ndig Yerusalem. Nijjep ninyeng Salum lene Salum nicig ninyeng Tikwa ba, Tikwa nicig ninyeng Harhas. Salum yai midyai ninyohou ig gudan di sinsun nibon midut jo keyam eisi ei tuhan De Ig. Yo dini ipai sut mun di pek kep mem yok pima hagom bak Hulda.

NIBOU NDIG NYA GI NICAN 22:3

Tirigi Yosia ninyeng tak kep timiei Yehuda nya mem ari bingwam simnaimuhwidip brimigtehiningai tu lene noni cuk Safan di nide sekertaris gi gom di Azalya nipmot lene Mesulam nignyon ug ei tuhan De Ig bipai binoni,

NIBOU NDIG NYA GI NICAN 22:8

Gima rino Safan ndat kep nibou ndig nicukti bak Hilkia leu api Hilkia pai bak bipia noni ngat tuhan de srat niggai serti ei tuhan De Ig. Noni yai srat dima bak Safan leu api Safan kwop nibokti.

NIBOU NDIG NYA GI NICAN 25:22

Nibou Ndig Nebukadnezar ta Gedalya nok nibou mem timiei Yehuda nya leu binhyepo ninyeng tak kep limwa nya di yuug sima ei minu Babel bi. No dini nicig ninyeng Ahikam ba, nignyon ninyeng Safan.

NIBOHON MBEN ISRAEL GI NICAN 26:16

Tirigi Nibou Ndig Uzia sindem bibor tu lene cut ei nillei-llau sut nontiti. Lene gima bindei timek ninyeng jei biborti cem. Noni tunggwei nide tuhan Allah de nicukti tug hon gi coi ug ei tuhan De Ig bindig biei nggrai di ui-gwang kei ei nimbar dima dip.

NIBOHON MBEN ISRAEL GI NICAN 26:19

Mpe dima lene Uzia no ya niyati dideu nimbar di ndig biei nggrai di ui-gwang eisi ei tuhan De Ig bikrau den di bindig biei nggrai eisi dima ei nindati. Tirigi ningon sibui sut imam dima yok nindig bibor rino ninggwen di buhun bibor di hwen ningkek dip gom kieng kros hak kep ningwak dip.

NIBOHON MBEN ISRAEL GI NICAN 34:20

Noni cuk Hilkia kin Ahikam di Safan nipmot kin Abdon di Mikha nipmot kin Safan di nok sekertaris minu Yehuda kin Asaya di hati tut nibou ndig pijum yahagom bipai biyok,

NEHEI LEUSI 24:1

Lene tuhan pai bak Musa “Ma akui nungug dini kwei ba, angat Da lo, abuwak Harun kin Nadab kin Abihu kin nibou mben Israel ibou ningot muhwindacan cem kwei. Noro nipou tirigi jikwei dideu Da bigyo lene jahagom jikuk je bijinggei sut Da.

NEHEI LEUSI 24:9

Lene noni kin Harun kin Nadab kin Abihu kin nibou nya ibou ningot muhwindacan yahagom ikui ug ei nungug dip dima.

YESAYA 44:13

Tukan biei nai biei ut gom nijeisi lene pas kwar ningwes eisi. Leu api ba nide oi mien beheu biei lene bindei ba, kwar niimaisi kei bibor. Leu api tas kwar dima ei nide ig.

YEREMIA 19:1

tuhan pai bida bipia duug pek dibijig gom. Leu api pai bu bipia duug buwak timiei Yehuda nya ide nibou kin imam di ibou tiei su nya ibou poi ba,

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 26:22

Noro Nibou Ndig Yoyakim pinak Elnatan di Akhbor nipmot kin yo di igya kui noni ba, yuug nggok Uria ei minu Mesir.

YEREMIA 26:24

Mbro nok gima lo, mun di kei pek kep mem da tug hon Ahikam di Safan nipmot di mpu da apino nibou nya ikes da ei ide limwa nya indati leu binhyepo igyai nimai bida bi.

YEREMIA 29:3

Diyai srat dima bak Elasa di Safan nipmot kin Gemarya di Hilkia nipmot di Zedekia di nok nibou ndig mem minu Yehuda pinak yok ba, yuug ngat Nebukadnezar di nibou ndig minu Babel. Srat dima nibimbiti pai,

YEREMIA 36:10

Lene Barukh kwop kep srat bokti di dipai binoni di pas ei srat kijumti dima hagom brei biyok ba, imiap. Noni kwop kep srat bokti dima tirigi noni ya kui Gemarya di Safan nipmot de kintrorti ei tuhan De Ig. Safan dima ya kui imam nya binok ide sekertaris. Gemarya de kintrorti jo dideu mpia di jo bas hak di iba ngug tig bikrop ttai nite bei tuhan De Ig nijjai dideu puig di bie ug ei Dimbou Pmem Nijep.

YEREMIA 44:21

“Jikan bipia tuhan kan tut jidigup bat-jidigai bat nya kin jide nibou ndig nya kin jide nibou di inyeng jei nya kin ide limwa di timiei Yehuda nya kin jenti jide midut nindig mindhe-ndhe ei humti mem jibikuk je bak kwar ei minu ndig ngot di jo ei Yehuda kin puig ngot di mbut ei minu ndig Yerusalem po jibon pima bi e, he Noni bbwe ser hagom tu e?

YEREMIA 5:5

Nna ba duug ngat pinjoi ndig nya bidimbrap bit yok. Lewo ningat ne yoni ikan tut tuhan Allah ningon kanti kin Nide niyok ningon mem yoti.” Diyai nok gima tu noro ningat ne yahagom ikou sut tuhan ninyeng tak kep yokti ba, ikou sut gima ibit nihyet.

YEREMIA 52:27

Minu ndig dima jo ei hanjop Hamat. Lene nibou ndig dima bindei ba, tentara nya ibui yahagom binem-nnai leu api igyai nimai biyok. Nok lene siceu nya ikat timiei Yehuda nya bibuwak yok leu itimieisi kikau ug ei ingkiaisi.

YEREMIA 7:9

Jinggimang cem jihwen mun cem jicut tut yam cem jiba neheng om ser mun ei nikei noho bei cem jindig mindhe ei Baal de nimbar hum dokti cem jikuk je bak ngkiai nya ide kwar nya cem.

YEHEZKIEL 20:1

Nijam di nibong ei ningkiaisi dima ug ei ari bingwam gi nimuhwindacan ei njap gi nisimnai mem bed gi nimuhwi leu api nibou di ibie tut mben Israel ibou poi ikwei hig ser da tut Allah ningon kanti mem yok. Tirigi ikwei gwam ei doho bei,

YEHEZKIEL 8:10

Gima rino dicoi kak dimbou bidingat lo, hi kilis bidem wou nyeng hagom kin mindhe-ndhe di ipigig sut nindigsi nya ei dring tig di ninsi dimati. Ba, ibikilis kwar di mben Israel ikuk yok bak nya cem ei dring tig dimati.

YEHEZKIEL 9:6

Ma jiyai nimai bak pinai nya kin sop nya kin ndigpoi nya kin pilei nya kin andig-ndau nya kin munggwom nya yahagom. Noro tut yo di bindo pima jo ingwak ne ma jingget yo dima au. Ma jikinyon eisi ei mpia di Ditde Ig joti dini.” Leu api ikinyon ei ide midyai dimati bigyai nimai bak nibou minu Israel di ingat rin ei tuhan De Ig dima bibie sindam.

DANIEL 9:8

Nyende nibou ndig nya kin nibou mien nya kin nidigup bat-nidigai bat nya yahagom igyai munti nya kinei bibor ba, ibon sisar tut Na di tuhan.

MBEN ISRAEL IMBUT-MBUT NYEN 11:16

Lene tuhan pai bak Musa “Ma anduk andigpoi nya di ibie tut Ditde limwa di mben Israel kan ibou ningot muhwindacan kwei bigya kui Ditde Prak Meng ei Doho bei simiak na.

MBEN ISRAEL IMBUT-MBUT NYEN 11:25

Lene tuhan juk kwei ei bumbuhui ttou di nggai kep Noni bimbrap bit Musa. Leu api Noni kus nisindemti po yai bak Musa pima ndrim hi biyai bak nibou nya pima. Tirigi tuhan Ninnei coi ug ei yo dima ingonti lene sindi itri tut nihyet mem nituti poi dem kep nok nabi nya.

MBEN ISRAEL IMBUT-MBUT NYEN 16:17

Suar tungwagom-gom krau nide srier bitut hum mbom di joti bikes biei nggrai di ui-gwang kei eisi. Leu api ma jibikuk je bak tuhan.”

MBEN ISRAEL IMBUT-MBUT NYEN 16:35

Leu api tuhan kes hum di sror biyem ibou sratus can ningot muhwi po iba srier di indig kep biei nggrai di ui-gwang kei eisi bikuk yok bak tuhan pima yahagom bingkiong bingwig hak.

LUKAS 10:1

Mpe hi bu lene Yesus dimig yo di ibit Noni ibou ningot muhwindacan bu leu api cuk ibou can ibou can lene nok ba, yuug ya bibie bidem minu ndig di Noni tin ei mem gima ug cem kep nya.