YEHEZKIEL 8:10 - ALLAH NIHYET MEM TUNGWATU NYA

¹⁰ Gima rino dicoi kak dimbou bidingat lo, hi kilis bidem wou nyeng hagom kin mindhe-ndhe di ipigig sut nindigsi nya ei dring tig di ninsi dimati. Ba, ibikilis kwar di mben Israel ikuk yok bak nya cem ei dring tig dimati.

YEHEZKIEL 8:10 ပူးပေါင်းရင်းမြစ်များ

NEHEI LEUSI 20:4

Harin dima jibibon kwar di jikuk je bak bou jinda him di noyam kin mun nyeng hi ei mpia-bbed him kin dihyeisi kin gi jo ei minyeiti ei dihyei joua.

YESAYA 44:13

Tukan biei nai biei ut gom nijeisi lene pas kwar ningwes eisi. Leu api ba nide oi mien beheu biei lene bindei ba, kwar niimaisi kei bibor. Leu api tas kwar dima ei nide ig.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEREMIA 3:9

Gi mbun immai sut yonti cem kan bi. Ibindei ba, map kui ide minu drek dip ide sisar nikuk no bak tig kin biei nya.

YEREMIA 44:21

“Jikan bipia tuhan kan tut jidigup bat-jidigai bat nya kin jide nibou ndig nya kin jide nibou di inyeng jei nya kin ide limwa di timiei Yehuda nya kin jenti jide midut nindig mindhe-ndhe ei humti mem jibikuk je bak kwar ei minu ndig ngot di jo ei Yehuda kin puig ngot di mbut ei minu ndig Yerusalem po jibon pima bi e, he Noni bbwe ser hagom tu e?

YEREMIA 44:4

Dipinak Ditde awak di nabi nya ndam je bijo kikau leu binhyepo iggai ser je tut jide nibon munti di kinei bibor di dingon mpo tut dima.

YEHEZKIEL 11:12

Mijikan tut bipia Dani ne tuhan rin ba, dikes hukum ei je dip drek dip gi jipigau Ditde nidimigsi nya ba, jiba jikou yai Ditde nicukti nya leu lene jibit ngkiai nya di ibong ttai je nya ide niggai serti nya.”

YEHEZKIEL 23:14

Oholiba nikrarti kum eisi kikau. Ningon pri kep pinai ingwes di ikilis ei dring tigti kin mben Babel ingwes di iba cet ngwoi di dem ninggrom bihwen.

YEHEZKIEL 8:11

Mben Israel ide nibou di ibie tut limwa nya ibou ningot muhwindacan cem ingat rin ei sirima bitut Yaazanya di Safan nipmot cem. Bikwop tungwagom-gom krau bokor di indig biei nggrai di ui-gwang kei eisi ba, nimmup brou.

YEHEZKIEL 8:9

Noni pai bida bu “Ma acoi ba, angat nibon munti di kinei bibor di bindei ba, igyai ttin ninyeng gom di ibon ei dima.”

ROMA 1:23

Ikuk yok bak Allah di niyaijo kikau bi. Noro ikuk yok bak kwar di ibon bou inda him nok tungwatu kin mun di dimba kin mun di mbut nimig kin mun di srei ei dihyei ninjek dip cem bou inda him ba, gima hagom mipror yon.

NINDAT KEP TUHAN NICUKTI NYA 14:3

“Harin dima jiyem mindhe-ndhe di map kuisi ninghui a. Lewo tuhan pigig ser hagom.

NINDAT KEP TUHAN NICUKTI NYA 4:16

Gima rino ma jingon sok kep jenti leu binhyepo jibihi jibon kwar di nok nipinai kin nisop,

NINDAT KEP TUHAN NICUKTI NYA 4:18

kin mun di srei ei dihyeisi kin wau bou jinda him au.

NINDAT KEP TUHAN NICUKTI NYA 4:23

Gima rino ma jingon sok kep jenti ser nhyema jingon prion ser gi preu di tuhan preu ei mem je au. Ma jibit nicuk jeti nya ba, jibon kwar di jikuk je bak nya hi bou jinda him au.

NINDAT KEP TUHAN NICUKTI NYA 4:25

Tirigi jibong kei jigwam kei ei minu dima wer ninno ba, jibon jimunggwom bat nya kin jignyon bat-jidrot bat nya tu lene ma jibon sisar tug hon gima jibon kwar di jikuk je bak hi bou jinda him au. Mun dima ne sisar ei tuhan niyai him rin lene mibindei ba, ningon sibui sut je.