YEHEZKIEL 7:26 - ALLAH NIHYET MEM TUNGWATU NYA

²⁶ Mun di buhun kin nibimbiti di tibim tut nihyet di kinei mingkwei-ngkwei nyen kep je. Jahara bak nabi nya leu binhyepo itri tut ide ningat-hi-ngat di ingat nya bije lo, igipai mun bije kan bi. Imam nya cem ingginau limwa nya kan bi ba, nipingokti cem ngwig leu nibou nya tu.

YEHEZKIEL 7:26 ပူးပေါင်းရင်းမြစ်များ

MAZMUR 74:9

Ningat nabi nya kin mindur nya ei niyai him bu bi. Lene hi di kan tut mun di cut igkep nye dini nohonti bi.

YESAYA 47:11

Noro mun di buhun micut igkep na leu api bit bon nung di kui na rok mun di buhun dima leu na kan bi. Mun di buhun micut igkep na lene asindem mem gima arok gima ei atta bi. Nibindei sar nati micut kros igkep na mem njap di akan tut bi.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

YEREMIA 21:2

“Ma ahara tuhan mem gima ndo ningon kanti binye. Lewo Nebukadnezar di nibou ndig minu Babel ya tut nide tentara nya ba, igyon ttai ide minu ndig tu. Leu hi rima tuhan mibon mindur mem nye bibindei ba, Nebukadnezar brim nide tentara nya bingkwei leu nye a.”

YEREMIA 37:17

Njap poi ser lene Nibou Ndig Zedekia hig da kwei ei nide ig leu api hig ser da nyahan “tuhan sok nihyet gom-gom kin bu ei nani dip e?” Lene dice bidipai “I, jei bi ne acut ei nibou ndig minu Babel nindati ri.”

YEREMIA 4:20

Mun di buhun cut igkep nye bijo-jo yam dip lene bindei sar minu dini hagom. Siceu nya inggek ditde prak meng kros hak lene irik minghas nya hagom birik-ta.

NIBWOS-BWOS NYENTI 2:9

Ngug tig di lus dima dram dimbou pmem nya ba, mun di ibikibi dimbou nya dahat ningwig o! Nibou ndig kin yo di igya kui noni di inyeng tak kep limwa nya isima ug ei ingkiaisi o! Imam nya iba tuhan de nicukti nya bingginau limwa nya bu bi o! tuhan sindui sut ba, nabi nya ingat ningat-hi-ngat hi bu bi o!

YEHEZKIEL 11:2

Allah pai bida “Na di tungwatu di ayaijo kikau bi e, yo dini ne yo di itin ei ingon kanti di kinei bibor ei minu ndig dini rin ba, ipingokti bindei srawir tungwatu nya.

YEHEZKIEL 12:22

“Na di tungwatu di ayaijo kikau bi e, nggon rino mben Israel ijoi sut indat kep nihyet nibiti nindati dini nyen-nyen i? Ipai ‘Nijam luei nijam sindam noro mun di itri tut bipia mipek kep ei nidipti bu dima pek kep bi.’

YEHEZKIEL 14:1

Mpe dima lene mben Israel ide nibou nya ibou poi ikwei ngat da ba, ihig ser da tut tuhan ningon kanti.

YEHEZKIEL 21:7

Gino ihig ser na tut nggon rino ahara-hara nyen i? Lene ma apai biyok bipia angon ngguk tut nihyet di mikwei yo. Nihyet di mikwei yo dima mibiyai ingon digit kin inda jet cem ba, ibiau digit ba, ide mimbri mipren leu yok cem. Tto bou dem tu ba, dideu su. Da di tuhan Di Dinyeng Jei disimbot dat tu.”

YEHEZKIEL 22:26

Israel de imam nya itunggwei Ditde niggai serti nya lene ibindei ba, niromti rap mun di ikwas pijum tut Da nya cem. Igikwas mun di kwes kin mun di kinei bijo ter leu yam kan bi. Nok gima cem iba Ditde nidimig sutti bingginau limwa nya tut mun di pwoi kin mun di rom niter leu yamti bi. Ba, igiya hon Njap Nigwam Kep Ninghuisi nicukti nya cem bi. Tug hon nisinati dima ne mben Israel ingwes om kep Da.

YEHEZKIEL 33:31

Induk yam bingwig ttai na ba, intu kep ahyet noro ibit acuk yokti nya bi. Iba ighyet di mmau bibuhup ahyet noro idrui bou ngwak ba, ikan-kan nyen tut mun di kei mem yonti he idrui bou ngwak kikau.

YEHEZKIEL 8:1

Nijam di icom nye ug ei ningkiaisi mbut ba, ug ei njap gi nimuhwi mem bed nimuhwindagom ei ari bingwam gi nimuhwindagom tu lene timiei Yehuda nya di icom yok dima ide nibou nya ikwei ngat da ei ditde ig ba, igwam nyen bit da. Leu api tuhan Di Ninyeng Jei Bibor de nisindemti mpung pias hagau ei dingonti kros.

IMAM NYA IDE MIDYAI 26:18

Gino hukum dima hagom cut igkep je leu su lo, jibit Dihyet bi lene midikum ei hukum di micut igkep jeti mbimuhwindacan bram yam bu.

IMAM NYA IDE MIDYAI 26:21

Gino jaham jimbuk kep Da kikau bijibit dihyet bi lene midikum ei hukum di micut igkep jeti bu ba, micut igkep je mbimuhwindacan bram yam.

IMAM NYA IDE MIDYAI 26:24

lene midimbas jeni ba, midikum ei hukum di micut igkep je bu ba, micut igkep je mbimuhwindacan bram yam ba, gima buhun bibor dor njiriek gi nipou nya.

IMAM NYA IDE MIDYAI 26:28

lene midiba dingon di sibui bittem jeni ba, midikes hukum mbimuhwindacan bram yam ei jeni dip bu ba, gima buhun bibor dor njiriek gi nipou nya.

MIKHA 3:6

“Je di nabi nya e, nituti mem jiyai midyai dima bingwig dideu su. Nituti di jiyai midyai kimbas leu je ug ri. Jingat ningat-hi-ngat bijitri tut Ditde nikos tutti bu bi.”

MALEAKHI 2:7

Suar imam nya ingginau ide limwa nya leu binhyepo ingon jo kep Da di tuhan Di Dinyeng Jei Bibor. Suar yo dima ihig ser imam nya tut dingon kanti lewo imam nya igya hacan mem Da.

MALEAKHI 2:9

Gima rino midibirop bije. Midibindei ba, mben Israel ingwes pri gau je lewo tirigi jingginau Ditde limwa nya ne jiyai igbit dingon kanti bi. Tirigi jingginau Ditde limwa nya ne jimbus nggok yok.”

NINDAT KEP TUHAN NICUKTI NYA 32:23

Midibindei ba, mun di buhun mang bibor micut igkep yok bijo ninno bijo kikau leu api midiprindei yok kikau bibou Ditde tibor nya ngwig ug e.

SAMUEL GI NIGOM 3:1

Ei nijam di Samuel mahan haigtu bigyo di ya kui Eli biyai midyai mem tuhan dima lene tuhan mbot kep tut ningon kanti bak Nide limwa nya bi lene ndo ningat-hi-ngat gom-gom he bak yoni.