YEHEZKIEL 7:23 - ALLAH NIHYET MEM TUNGWATU NYA

²³ Minu hagom jo nisinsiouti. Niyai nimai biyamti kieng kep hagom ba, nimbuk tut yamti jo bidem minu ndig titut yam.

YEHEZKIEL 7:23 ပူးပေါင်းရင်းမြစ်များ

NIBOU NDIG NYA GI NICAN 21:16

Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

NIBOU NDIG NYA GI NICAN 24:4

ningat-ngat rino drek dip gi noni yai nimai bak yo di ingon ngun pima yok cem bibie ug e. Bit bon tuhan kos ser Manasye niyai munti di kinei bibor dima kan bi.

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YESAYA 59:3

Jibon mun tunggwei tug hon gi jisuglai mun kin gi jiba jingon di gom biyai mun bi ba, tug hon gi jiba nisibut biyai jibou tut tungwatu nya bijiyai nimai biyok cem.

YESAYA 59:7

Jitin ei jingonti tut mun di kinei bijo-jo yam dip kikau leu api jingon ya mem nituti di jibindei mbut jingon kanti dima haninyai. Jihig jingon ei yo di ingon ngun nyati bi noro jiyai nimai biyok hak. Ninggekti kin nibindei sarti jo bidem jimbutti nya hagom.

YEREMIA 2:34

Yo di yuhui mbum kin yo di ingon ngun di jibui yok nya inggrom rus jide sinsun bibor tu. Noro yo dima ne ninggimang kep mun cig nya di ikat yok inggrom rino rus jide sinsun bibor bi. Mbro nok gima lo,

YEREMIA 22:17

Noro na di Yoyakim ne ayai munti ter. Anggok tut ningat di bukum eisi mem nanti he. Ayai nimai bak yo di ingon ngun nya lene aba ambuk bico kep ade limwa nya cem.

YEREMIA 27:2

bidiba mindhe ngkek kin biei koisi bibon biei mem gima dibisrou dinggibi dip.

YEREMIA 40:1

Nipou ne tentara nya iba lante biteu da bipi bibuwak da kin timiei Yehuda kin minu ndig Yerusalem nya ug ei minu Babel. Noro mpe dino digwam kep dinghuisi ei minu ndig Rama lene tuhan bindei ba, Nebuzaradan di ya tut nide limwa nya pima pas lante leu dinda leu api diyati kwes hanyen.

YEREMIA 6:7

Minu ndig dini ngat ningat di kinei bijo kikau bidem kep nok minyei bousi di bindei hei minyei di hem jui kei bijo kikau. Dimiap yo di ibui yam kin yo di ipos mun leu yam nibimbiti di tibim kwei leu minu ndig dini ningkom he. Dingat lo, nibok-bati kin ninggwenti kieng kep minu ndig dini.

YEREMIA 7:6

Ma jico kep ngkiai nya kin moibihi nya kin sop kibom nya yahagom bu au. Ma jiyai nimai bak no di ningon ngun ei jide minu dini au. Ma jikes hon ba, jikuk je bak nung nya bu au lewo jiyai munti dima mibindei ba, jisar bijingwig.

NIBWOS-BWOS NYENTI 3:7

Noni rino ba lante di ngkiem biteu da apino bon puig hi mem gima dingwes ngun leu ninda nsi bi ug o!

YEHEZKIEL 11:6

Jiyai nimai bak yo di imang bibor ei minu ndig dini tu apino puig hagom mpung tut nimbiam ngut a.

YEHEZKIEL 12:19

Ma atri tut nihyet di Da di tuhan Di Dinyeng Jei Bibor dipai bak timiei minu ndig Yerusalem di ibong ser ide ig nya. Yoni midigit-digoi ei mpe di igyem njita ba, nittinti mihwen yok ba, iji kibi-kibou yam ei mpe di idut minyei. Ide dihyei ngoi-nga lewo yo di yahagom di ibong ei minu dima ipigau Ditde nikos tutti nya bijo kikau tu.

YEHEZKIEL 18:12

ris ei yo di yuhui mbum nyati cem nggimang ndiyok igkei cem tug mun di bindo hanyen bak no di dahat mun nyeng hi leu noni bi cem ba, ug cem kep mpia di yo di ingon tindur nya ipigig ser mem ide kwar di mpiei bibor nya bikuk no bak,

YEHEZKIEL 22:13

Noro nogindini diyok kep jide nipos mun cig nya kin nihwen nimbiam cig nya cem.

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

YEHEZKIEL 22:9

Ade limwa nya bihi iris mun ei hiterti leu binhyepo ibindei ba, itug ndei nimai hak ug. Lene bihi ijoi sut igyem mikwau di ibui di ibikuk yok bak kwar nya ba, bihi bu ibrim ingkek tut nikrar kep sopti nya.

YEHEZKIEL 45:9

tuhan Di Ninyeng Jei Bibor pai “Je di nibou ndig Israel e, jibon sisar bidem tu! Ma jikes hon jide nisibut biborti kin jide nico kep limwa nyati dima hak ug. Ma jibon mun di igbit kin mun di sren kei nya. Ma jijji Ditde limwa nya leu ide dihyei bu au. Da di tuhan Di Dinyeng Jei Bibor ditri tut dicukti dima bije.

YEHEZKIEL 8:16

Lene Noni buwak da ug ei mpia di jo bas hak gom di jo ei tuhan De Ig ninsi bidingat lo, ibou nyatungwagom muhwi ingat rin ei nimbar hum dok kin bisai di ibicoi kwei ei Ig dima nikieti. Iba inghim bak ninsi di kwes lene iba ibiau bicom mpia bikuk yok biba ingwak bikik mpia ndam bei mpia nipriti ba, ikuk yok bak mpia njap di pri kwei.

YEHEZKIEL 8:17

Lene tuhan pai bida, “Na di tungwatu di ayaijo kikau bi e, angat gima tu e? Timiei Yehuda dini ingon cut hon gi ibon mun di bindei di igyai ttin ningat dima he bi. Ba, ibon mun di kinei bibor di bit bon tungwatu ibonti bi pimo bidem minu dini nisurti-nipekti hagom he bi noro igyai ibou tut ei mpia dini ei Ditde Ig. Igyai munti dima bindei ba, digga bibor bidor njiriek bu. Angat i! Ibibon dinyeng kinei tug hon igyai munti di kinei bibor dini!

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

MIKHA 2:2

Gino ingon pri kep tungwagom de beisi lene ipos beisi dima leu noni hak ug. Tirigi iba yoho rok hiter de ig ne ijji ig ceu leu lene ibong ser ig dima binok ide bu. Bit bon tungwatu nya ingon jo nyahan tut mun di inyeng tut nya kin ide bat nya cem kan bi.

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

NAHUM 3:10

Mbro nok gima lo, siceu nya ikat timiei minu ndig pmem Tebe bibindei ba, isima ei ingkiaisi. Ibui nimunggwom bat nya bimai bidem simpak nahau yamti hagom. Iba lante biteu nibou di inyeng jei nya yahagom ba, iko bibinggok tut leu api ikwas yo dima tut yam biyuubon yok nok awak.