YEHEZKIEL 7:2 - ALLAH NIHYET MEM TUNGWATU NYA

² “Na di tungwatu di ayaijo kikau bi e, Da di tuhan Di Dinyeng Jei Bibor dipai bak dihyei Israel bipia gini ne jam dem mem minu dini titut yam niyaijo ningwig honti ri!”

YEHEZKIEL 7:2 ပူးပေါင်းရင်းမြစ်များ

NITRITI 6:13

Gima rino Noni pai bak Nuh “Dikos tut bipia midicok tut tungwatu nya yahagom. Lewo ibon munti di kinei nya kieng kep dihyei nisurti-nipekti hagom tu. Gima rino midicok tut yok bitut dihyeisi dini.

NIBOHON MBEN ISRAEL GI NICAN 34:7

Yosia nya igya kep bilet Asyera de nimbar hum dok nya di jo bidem Ninyeng Tak Kepti Ei Nite Bei Mpia Nijjai. Igya kep kwar nya kin nimbar di indig biei nggrai di ui-gwang kei eisi nya ba, idram hagom bindung-ndiem hak. Leu api Yosia ngkwei hanyen kwei ei minu ndig Yerusalem.

YESAYA 47:7

Akan bipia anok sop nibou ndig bijo ninno bijo kikau leu ba, angon guhukti ba, agibisrip tut ayai munti ningwig honti bi.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEREMIA 51:13

Minu dima nyeng bibor ba, nide minyei pmem nya mang. Noro ttou bou dem ba, niyaijo ningwig honti tau kep tu.

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

NIBWOS-BWOS NYENTI 4:18

Gimbun nehei binimbut kak simpak kan bi. Leu gino nehei leu lene siceu inyohou tou kep nye kikau o! Nyende njap ningwig honti dideu kwei su ba, nyende njap mingwig leu nye ug rin o!

YEHEZKIEL 11:13

Tirigi ditri tut nihyet dima lene Pelaca cut bimai kros hak. Leu api diba dibiau bicom mpia bidahara “Aye! tuhan Di Ninyeng Jei Bibor e! Ma ayai nimai bak mben Israel niken dini yahagom ug e?”

YEHEZKIEL 12:22

“Na di tungwatu di ayaijo kikau bi e, nggon rino mben Israel ijoi sut indat kep nihyet nibiti nindati dini nyen-nyen i? Ipai ‘Nijam luei nijam sindam noro mun di itri tut bipia mipek kep ei nidipti bu dima pek kep bi.’

YEHEZKIEL 21:2

“Na di tungwatu di ayaijo kikau bi e, ma asigion minu ndig Yerusalem. Ma asigion mpia ngot di ikuk yo bak kwar nya eisi ei minu dip dima hagom. Ma asok kep mben Israel ba,

YEHEZKIEL 21:25

Lene Da di tuhan dipai bak nibou ndig Israel “Nani ne nibou ndig di asibut rin ba, anjiriek dihyet! Tto bou mem ade hukum nipekti dideu su.

YEHEZKIEL 21:4

Midiba Ditde singau simeda bitot yahagom ei nite bei mpia nijjai kikau ug bipek kin mpia nibiho cem.

YEHEZKIEL 21:7

Gino ihig ser na tut nggon rino ahara-hara nyen i? Lene ma apai biyok bipia angon ngguk tut nihyet di mikwei yo. Nihyet di mikwei yo dima mibiyai ingon digit kin inda jet cem ba, ibiau digit ba, ide mimbri mipren leu yok cem. Tto bou dem tu ba, dideu su. Da di tuhan Di Dinyeng Jei disimbot dat tu.”

YEHEZKIEL 35:5

Jiba nitok bak Israel habiei kwei su bijisindui sut ba, siceu nya ibui yok nok mikwau ei mpe dino mun di buhun gi ningwigsi cut igkep yok drek dip ide sisar.

YEHEZKIEL 40:2

Allah buwak da ug ei dihyei Israel tug hon ningat-hi-ngat gom bikes da ei nungug di anai gom dip leu api dingat minu ndig gom di bon ig di dimbun di ingot nya ei doho bei.

YEHEZKIEL 7:1

tuhan pai bida,

YEHEZKIEL 7:3

tuhan pai “Israel e, nogindini ade njap ningwig honti dem mem na tu. Ma atug ndei ditde nigga biborti. Midimbus angonti bit leu ade nibon munti di suwok nya.

YOEL 1:15

Tto bou di tuhan preu ei mem je dideu su. Njap dima mibindei ba, jahagom jidigit tut lewo tuhan Di Sindem Bibor mibindei ba, jitimek bijingwig.

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

AMOS 8:2

tuhan hig ser da “Amos e, angat mindei i?” Dibuhup “Dingat bansi gom di biei ngat di nggwop kei joti.” Noni pai bida “Tto bou dem mem Ditde limwa mben Israel tu. Diluei dingonti tut hukum di dikes ei yok dip bu bi.

MATIUS 24:6

Tirigi jimiap tut yo di ikon pran dideu je nya kin gi minu ting nya lene ma jittin tut au. Lewo mun dini yok hagom midem igbit nipou ug e noro tto bou mem njap ningwig honti dem bigyo.

NINDAT KEP TUHAN NICUKTI NYA 32:20

Bipai ‘Mbro nok gino dingat igbit mun di mipek kep mem yok ei nidipti bu lo, midimpu yok bi sren. Lewo ingkek ndok ba, ingon gom tut Da bi.

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.

NINGAT-HI-NGAT NYA 20:8

Leu api Bilis mimbut ug ei dihyei nisurti-nipekti hagom leu binhyepo ris bak tungwatu nya yahagom. Yo dini ne timiei minu ndig Gog kin Magog nya rin ba, imangti dem kep igum di jo ei muk pimat nimangti. Bilis nduk yo dini yahagom kwei mem gima ikon pran.

NINGAT-HI-NGAT NYA 7:1

Gima ngwig leu lene dingat lo, malaikati nya ibou bitai igya hammi dihyei nuhuisi bitaisi bikrau ser hou nimig bitaisi leu binhyepo hou miep dihyeisi kin muk ngeisi kin bieisi nya bi.