YEHEZKIEL 7:16 - ALLAH NIHYET MEM TUNGWATU NYA

¹⁶ Bihi mingwes ngun binang ug ei nungug him. Yoni mingat rin ei nungug him bidem kep hakimoi nya di tungwatu yuhuk yok leu mbang briep nya. Yahagom milua drek dip ide sisar.

YEHEZKIEL 7:16 ပူးပေါင်းရင်းမြစ်များ

EZRA 9:15

tuhan Allah Israel e, Nangkom angon sren-srau kei. Mbro nok gima lo, asindui sut ba, nyeni ningwes ngun yo. Dem tut gima nidideu Nani ba, niya ei Aho bei bi. Noro abon nituti mem nyeni tu leu api nipai jit nitunggweisi nya biNa.”

MAZMUR 55:2

Allah e, angig atingou mem ditde nadi. Akiek Aho tai leu ditde nahara Nati au.

YESAYA 1:9

Gino tuhan Di Sindem Bibor sindui sut nye ba, ibou poi ingwes ngun bi ne nyeni yahagom isar bingwig dem kep nok Sodom kin Gomora.

YESAYA 37:31

Mun di isuar nya hagom midem mem timiei Yehuda di ingwes ngun nya bidem kep njita kioi di ita di nigau di huk dihyei jou bijut bibor ba, bingat ningat cem.

YESAYA 38:14

Sinnam ba, sihyet mbris bisidem kep hakimoi mbrei ba, siduhug-duhug nyen. Siyai nggrop mbris lewo sitou kep kui mpia-bbed him. tuhan e, akwek da leu mun di buhun dini.

YESAYA 59:11

Nittinti kin ningon nggukti jo kep nye ba, ninggok tut ningon nisrenti noro gima pek kep mem nye bi. Niyok ningon mem no di miteu nye biningwes ngun lo, gima mikui-kausi he.

YESAYA 59:12

Ningat ne nibon mun di kinei mang bibor tut Na tu. Nyende sisar nya pai kep nye ba, ninok yo di igyai mun tunggwei ninyen. Ningon huk niti tut nyende nibon mun kineisi nok nijit binikan tut nyende sisar nya tu.

YEREMIA 3:21

Tungwatu nya imiap nihyet hwen yamti kin nihyet kui yamti ei nungug dip nya. Nihyet dima ne limwa mben Israel ighyet di ipim ba, yahara ser ri. Lewo yoni ibon sisar ba, ibbwe ser ide tuhan Allah tu.

YEREMIA 31:9

Igyai nggwei kibor kak puig sinon. Midiwin kep ingonti ba, dibuwak yok kwei cem. Midibie tut yok ug ei mpia di bon minyei nggram nya mang bibor bimbut kak puig di sur yam kei di ikinoi kan bi. Dibon Danti bidinok mben Israel icig ba, Efraim ne dipmot mighumbou ri.”

YEREMIA 44:14

Timiei Yehuda niken-ken di igyaijo nya di yuug bong ei minu Mesir hi dima ningwes ngun ba, niyaijo cem bi. Mbro nok gino yahagom igyok ingon mem gima ingkwei hanyen ug ei itimieisi ei Yehuda lo, ingkwei hanyen bi sren. Ibou poi di ingkwei hanyen rino yo di inang bipri bibie.”

YEREMIA 44:28

Ibou poi he rima ingwes ngun bingkwei hanyen leu minu Mesir kwei ei minu Yehuda. Lene timiei Yehuda nya di ingat rin ei minu Mesir yahagom mingon hukti tut tou rino nihyet pek kep mem yok i? Danti dihyet e, he yoni ighyet e?

YEREMIA 9:19

Ma jingig jitingou mem mben Sion di ipim kui jei bipai “Nitimek biningwig binimmai sut nyenti. Lewo suar nikes nitimieisi ei binimbut leu. Nyende siceu nya inggek nyende ig nya sinsiou bingwig.”

YEHEZKIEL 14:22

Mpaba bihi ihallu leu ba, iteu imunggwom bat nya bingwes ngun bikwei ngat na lene ma ayok ayai kep yok. Gino angat ide nibon munti di kinei bibor bou ayai him ba, angon huk niti bipia cut igbit nijam di dikes hukum ei minu ndig Yerusalem dip,

YEHEZKIEL 34:6

Gima rino Ditde domba nya imbut-mbut wai apino israwir bidem nungug him kin mbigdip di jei bibor nya. Intek gimahap bidem dihyei nisurti-nipekti lewo gembala hi hek tut yok ba, nggok bram yok cem bi.

YEHEZKIEL 36:31

Jingon muhukti tut jiyai munti di kinei bibor nya kin mun di jiyai tunggwei di nipou nya leu api jikoi jihwap tut jide sisar kin jiyai kepti di kinei bibor nya.

NAHUM 2:7

Ikat nibou ndig sop leu ba, sop gwam nitta pilei di igya kui noni icot bipim. Iba ingon di buhun bittem ingon him drek dip ide ningon nggukti ba, ighyet dem kep nok hakimoi mbrei nihyet.

ZEFANYA 1:14

tuhan de njap nimbus tungwatu ingonti dideu kwei su. Igbit ri! Njap dima dideu bibor bitau kros kep nye ri. Njap dima mpung tut ninghuisi wei bibor di bindei ba, tentara di mimbri kui ingkek nya cem mipim kui jei drek dip ide ningon dahat leusi!