YEHEZKIEL 7:13 - ALLAH NIHYET MEM TUNGWATU NYA

¹³ Nitri-nipek mun cig mitug ndei nide mun di tri tu hanyen bi. Lewo Allah de nigga biborti micut igkep tungwatu nya yahagom. Yo di isibut nya cem mingwes ngun kan bi.

YEHEZKIEL 7:13 ပူးပေါင်းရင်းမြစ်များ

ESTER 8:8

Noro bit bon dibrim srat di dipas gau dinyeng nibou ndig biditak buk eisi tu hanyen kan bi. Mbro nok gima lo, disindui sut bijipas srat bak mben Yahudi tut mun nyeng di jikan lo, kei nya. Ma jipas srat dima gau dinyeng lene jiba ditde srak mas bitak buk eisi.”

AYUB 15:25

Mun di buhun dima hagom micut igkep no di srep huk Allah bibrim ningkek mem gima tte tut No Di Sindem Bibor.

MAZMUR 52:7

Allah mibindei sar na bihigom. Noni mikat na bikri anda leu ade ig bicok tut na leu minu di yo di igyaijo nya ide cem.

NIBA NINGON SRIP HUKTI 8:8

Tungwa hi di teu nonti leu nimaisi ba, om kep nimaisi ei mem mpe hi bu kan bi. Hi dima kos tut nitutti mem gima ug um nimaisi bi. Bit bon hi dima om no leu pran dima kan bi. Mbro nok gino nggok puig niris munti lo, ningwes ngun leu nimai kan bi.

YEHEZKIEL 12:25

Da di tuhan Di Dinyeng Jei Bibor dimbrap bit mben Israel bu ba, mun di dipai nya hagom micut igkep yok ba, miditum dingon tut gima bu bi. Je di nimpung naham nimbuk kep Allah e, ma jingig jitingou mem! Dibindei mbut mun nyeng hagom di disok kep je tut nya mem nijam di jiyaijo yo dini. Da di tuhan Di Dinyeng Jei Bibor disimbot dat tu.”

YEHEZKIEL 12:28

Gima rino ma apai biyok bipia Da di tuhan Di Dinyeng Jei Bibor dipai bipia mun di dipai nya hagom micut igkep yok ba, miditum dingon tut bu bi sren. Da di tuhan Di Dinyeng Jei Bibor disimbot dat tu.”

YEHEZKIEL 13:22

Jiba jide niris munti dima biyai yo di isingat di ijoi sut gima itug ndei mun di buhun leu Da bi nya ingon cun hak. Jibindei ba, yo di isibut nya ingon jei apino ibon sisar bijo kikau leu ba, ingwes ngun bi.

IMAM NYA IDE MIDYAI 25:13

Ei nijam ari bingwam dima lene ma jingkwei dihyei ttou nsi di jipek tu nya hagom hanyen bak dihyei ceu gi nimbie him.

IMAM NYA IDE MIDYAI 25:31

Mem ig ei minu mien di ngug tig krop ttai bi nya lene nicukti di tut dihyei hanjop nsi pima dem mem ig dima cem. Ig ceu gi nimbie him bon nisindemti mem gima pek ig dima hanyen. Lene suar no di pek ig dima ngkwei ig dima hanyen bak ig ceu gi nimbie him bihigom ei Ari Bingwam Ningkwei Hanyenti.