YEHEZKIEL 6:14 - ALLAH NIHYET MEM TUNGWATU NYA

¹⁴ Igbit ri! Midisu dinda mem gima dibindei timek ide minu ba, wer ha he bong ei iggum ndigsi di jo ei nite bei mpia nibiho kikau ug bipek kin minu ndig Ribla di jo ei nite bei mpia nijjai. Midiba diyai ngat mpia di mben Israel ibong niti nya hi bi. Apino yahagom mikan tut bipia Dani ne tuhan ri.”

YEHEZKIEL 6:14 ပူးပေါင်းရင်းမြစ်များ

MAZMUR 138:7

Mpe di mun di buhun yon ttai da ne acuon diyaisi. Ahwen ditde siceu di iten-pos nya lene aba Ade nisindemti biteu da bidingwes ngun.

YESAYA 10:4

Mun di micut igkep je rino jimai ei pranti ba, ikat je nok yo di isima cem he. Noro tuhan gga je bikes hukum ei je dip bijo kikau yo.

YESAYA 24:1

tuhan mibindei sar dihyeisi dini. Apino dihyeisi dini ngoi ba, mpia mbum-bra bram. Noni minggek bikiek ninjek dip bibindei ba, timiei dihyeisi dini intek gimahap.

YESAYA 24:7

Ba anggur kinei ba, nggruk mem gima ipek ningei a. Yo di nipou yo ingon nggei-hi-nggei noro tini bu ne ingon ngguk.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 5:25

tuhan gga nide limwa nya bitin ei mem gima kes hukum ei yok dip. Nungug nya mporo ugwa-kwei. Nimbiam ngut mijo-jo wai bidem kep mumpiang di jo-jo wai ei puigsi nya. Mbro nok gima lo, tuhan gga yok bikes hukum ei yok dip kikau.

YESAYA 9:12

Mbro nok gino tuhan Di Sindem Bibor kes hukum ei yok dip tu lo, iginso yonti tut gima ba, igittin ser ide sisar bingkwei hanyen ndam Noni bigyo.

YESAYA 9:17

Mben dima ide nibon mun kineisi yem mpia bidem kep hum di yem war nggig-nggwenti. Ninjeng dem kep hum di yem bahamti di nimmup kui di brou pimo.

YEREMIA 25:11

Midisindui sut ba, minu dini titut yam timek bingwig bidem iggum ndigsi bram. Ngkiai nya di ibong ttai nya inok awak mem nibou ndig minu Babel mem nijam ari bingwam ningot muhwindacan.

YEREMIA 48:22

kin Dibon kin Nebo kin Bet-Diblataim,

YEHEZKIEL 12:15

Mpe dino dibindei bintek gimahap ug ei ngkiai nya ikieti lene yoni mikan tut bipia Dani ne tuhan ri.

YEHEZKIEL 14:13

gino timiei minu hi ibon sisar ba, iba ingon di gom bibit Da bi lene midikes hukum ei minu dima dip. Midibindei timek ide njita leu yok lene midikes ninggum di buhun bibor kwei ei yok dip cem ba, dibiyai nimai bak mindhe-ndhe nya kin tungwatu nya cem.

YEHEZKIEL 15:8

Iba ingon di gom bibit da bi. Gima rino dibindei idihyei dima ba, wer iggum ndigsi he. Da di tuhan Di Dinyeng Jei Bibor disimbot dat tu.”

YEHEZKIEL 16:27

Nogindini diyai dibou tut na bidikes hukum ei na dip bidipos mun di kei di dikwas tut na cem leu na. Dibikes na ei mben Filistin di ingon kinei sut na di ingon him wei sut ade nibon munti di kinei bibor dima indati.

YEHEZKIEL 25:7

Gima rino midikes je ei mben hiter imang bibor inda nsi. Yo dima mipos ndigban jide nya ba, ibiyai hagom ningwig leu je. Midibindei sar je bibor leu ba, mijiwer je mben gom bi ba, mijima minu hi bou je nok jide cem bi. Leu api jingon hukti tut bipia Dani ne tuhan ri.”

YEHEZKIEL 33:28

Midibindei ba, itimieisi dima noyam kin iggum ndigsi kin ha ngunti leu api ide nisindemti di ingon jei sut mingwig hon nohonti. Nungug him ei minu Israel minok baham nitindurti di mpia mbum-bra apino bit bon hi tin puig di bikwam ug eisi bu kan bi.

YEHEZKIEL 35:9

Midibindei minu jide binok iggum ndigsi di ha ngunti ba, hi di mibong ser jide minu ndig ngot dima bu bi bijo ninno bijo kikau. Apino mijikan tut bipia Dani ne tuhan ri.

YEHEZKIEL 7:1

tuhan pai bida,

YEHEZKIEL 7:4

Dingondut na bidikos ser ade sisar kan bi. Dikes hukum ei na dip bit leu ade nibon munti di suwok di abon tu nya. Leu api ma akan tut bipia Dani ne tuhan ri.”

ZEFANYA 1:4

Midikes hukum ei timiei minu ndig Yerusalem kin minu Yehuda titut yam dip. Midicok tut yo di ikuk yok bak Baal niken-ken nya yahagom leu mpia dima yok. Apino tungwatu nya ibbwe ser imam nya di igyai midyai mem Baal nya krebou hak.

MBEN ISRAEL IMBUT-MBUT NYEN 33:46

Lene ijo leu Dibon-Gad biyuug hok ide prak meng nya ei Almon-Diblataim.