YEHEZKIEL 6:13 - ALLAH NIHYET MEM TUNGWATU NYA

¹³ Nimai ngut nya mijo sinsiou ei kwar di tungwatu nya ikuk yok bak nya ikieti cem ttai nimbar hum dok nya cem ba, imai sinsiou ei mbigdip di jo anai nya cem ei nungug dip gom-gom cem ei biei di nimeng nggrou gom-gom nibehei cem ei biei ndig behei cem bidem mpia di ibon midut ei nimbar hum dokti bak ide kwar di ikuk yok bak eisi nya hagom. Leu api tungwatu nya yahagom mikan tut bipia Dani ne tuhan ri.

YEHEZKIEL 6:13 ပူးပေါင်းရင်းမြစ်များ

NIBOU NDIG NYA GI NIGOM 14:23

Iwin mpia ttou nsi di mem ikuk yok bak kwar nya eisi ba, iba tig di jei biwin dihim di itas pijum nya di mem ide kwar sop Asyera cem itas kwar nisop dima ei mbigdip nya kin biei di nimeng nggrou nibehei nya cem bikuk yok bak eisi.

NIBOU NDIG NYA GI NICAN 16:4

Ahas ba nibon midut nindig mindhe ei nimbar hum dokti kin nibon midut nindig biei nggrai di ui-gwang keiti ba, bikuk no bak kwar nya ei mpia di nide limwa nya ikuk yok bak kwar eisi nya ei bibikwop mbigdip kin biei di nimeng nggrou nya nibehei cem.

YESAYA 1:29

Yoni mimmai sut yonti tut gi ikuk yok bak biei ndig nya bipigig sut ide miai nittou nsi nya hi ei mem kwar nya cem.

YESAYA 37:20

Nyende tuhan Allah e, ma ateu nye biningwes ngun leu mben Asyur dima inda nsi leu binhyepo ngkiai nya ei dihyeisi dini hagom ikan tut bipia Nangkom ngat he rino tuhan.”

YESAYA 66:17

tuhan pai “Yo di ibindei kwes yonti mem gima injei nimpung bit yam ug ei mitou nghousi di ipigig ser mem kwar nya ba, ikuk yok bak dima yahagom mipror noyam kin yo di igyem na kin ncup nghui kin njita hiter di bindei ba, tungwatu nya igyai ngkek ttin ser.

YEREMIA 13:27

Dingat igbit je tirigi jibon kep mun nyeng di dingon mpo tut nya tu. Dingat gino juhuk bram nung nya ug ei nungug tou nya kin ngoi dumti nya tu. Jidem kep pinai gom di nibou buwei kep hi nitnem ba, jidem kep kuda nikre di bit niwek igkei. Je di timiei minu ndig Yerusalem e, buhun bibor mem je o! Apig bu leu api mijingon kwes ba, mun di kinei rap je bu bi i?”

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 3:6

Mpe di Nibou Ndig Yosia ninyeng tak kep limwa nya lene tuhan pai bida “Angat mun di mben Israel di inok sop di ningon gom bi dima ibon tu e? Ikes Dani ei leu ba, icut ei sisar nicut tut yamti bikwop mbigdip di anai kin bikwop biei ndig di nimeng nggrou nibehei cem hagom.

YEHEZKIEL 18:6

kuk no bak mben Israel ide kwar di ibon bou inda him biyem mikwau tug hon midut ei mpia di yo dima ikuk yok bak ide kwar nya eisi bi bicut tut hiter nitnem bi biyem njita tut sop di ningwak ntui bi ba,

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

YEHEZKIEL 23:41

Leu api igwam ei bilen nibongti di kei-kau. Meja di mpung tut njita di itin ei su nya jo yoho bei a. Njita dima yok bitut biei nggrai di ui-gwang kei kin mini zaitun di diyai biyok tu nya cem ri.

YEHEZKIEL 43:7

“Na di tungwatu di ayaijo kikau bi e, gini ne Ditde banggo mbrei ri. Midibong ei sirini ei limwa Israel ikieti ba, dinyeng mitak kep yok bijo ninno bijo kikau. Yoni kin ide nibou ndig nya mibindei ba, map kui dinyeng kwesti tug hon kwar di ikuk yok bak ba, itig nibou ndig nya ei mpia dini bu bi.

HOSEA 4:13

Jindig mindhe-ndhe nya ei kwar nya ide nimbar hum dokti ei mbigdip nya. Jindig biei nggrai di ui-gwang kei ei biei ndig di nimeng nggrou nya nibehei lewo mpia dima bon mpia di mbum-bra. Apino jipmisop bat nya ibon yonti nok sop di ikrar jut nya lene jignyot bat nya ibon yonti nok sop di icut tut pinai nya ariwace.

ZEFANYA 1:10

tuhan pai “Ei njap dima mijimiap yo di ipim nggruet ei Dimbou Pmem Wau nuhui kin yo di ipim kui jei di tibim kwei leu hanjop nijep ei minu ndig kin ig di lus bibor nya nibimbiti di tibim kwei leu nungug tou nya.