YEHEZKIEL 5:9 - ALLAH NIHYET MEM TUNGWATU NYA

⁹ Midikes hukum di buhun bibor ei ade timiei nya dip ba, gima ne dibon bak hiter bigyo kwei bipek ammani kep lene midibon nok gima bu bi sren. Diyai nok gima drek dip ayai munti di dingon mpo tut.

YEHEZKIEL 5:9 ပူးပေါင်းရင်းမြစ်များ

NIBWOS-BWOS NYENTI 4:6

tuhan kes hukum di buhun bibor ei ditde limwa nya dip dor njiriek timiei minu ndig Sodom di tuhan Nonti bindei timek yok kros dem kep igyai mpau di bingmai mbigom he. Mun di buhun dima cut igkep yok tug hon tungwatu igyai munti nya bi o!

NIBWOS-BWOS NYENTI 4:9

Yo dima icut ei nikineiti ba, inyohou tug ndei nimai poi mien bijo kep yok kikau lewo ide njita hi bi bibor o! Yo di igyai nimai didiyam tug hon nikon pranti nya itug ndei mun di kei dor njiriek yo di imai inggum nya o!

YEHEZKIEL 33:29

Mpe dino dikes hukum ei yo dima dip drek dip ide sisar lene dibindei ba, itimieisi nok iggum ndigsi kin ha ngunti cem ne mijo nibreisi mem yok bipia Dani ne tuhan ri.”

DANIEL 12:1

Malaikati di juk sinsun di iba minghas linen bibon dima pai bu “Mpe dima lene Mikhael di malaikati di sindem di ya ser ade mben tau kwei. Leu api nijam di buhun bibor cut igkep tungwatu nya. Mun di buhun bibor di cut dima cut habiei ei nijam di mben nya ingat rin ei dihyeisi dini kikau kwei bipek nijam di buhun bibor dima nicunti bigyo. Nijam dima dem lene ade mben di inyeng jo ei Allah de sratti yahagom ingwes ngun.

DANIEL 9:12

Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

MATIUS 24:21

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di hwen tungwatu habiei leu nimbie him kikau kwei bipek ammani kep lene kikau ug bipek njap ningwig honti cem.