YEHEZKIEL 5:2 - ALLAH NIHYET MEM TUNGWATU NYA

² Suar andig nittou nsi gom ei minu ndig dima ninggimau yon tirigi niyon ttai minu ndig dima kes hon leu tu. Aba ade singau simeda bikkin abou nta dima lene abimbut ba, abigahai minu ndig dima. Leu api akrau nittou nsi gi ningwigsi ba, agimahap ug ei hou him. Leu api midiba Ditde singau simeda buhuk bram gima.

YEHEZKIEL 5:2 ပူးပေါင်းရင်းမြစ်များ

YEREMIA 13:24

Midibindei ba, jintek gimahap noyam kin pas ntam di hou di cut kwei leu iggum ndigsi ninnei miep.

YEREMIA 15:2

Gino ihig ser na bipia yuug ei siritou i? Lene ma abuhup ‘tuhan pai bije bipia yo di didimig yok ei mem gima imai tug hon nsuwer ajar ne nnaba imai nok gima ug! Yo di dikos tut mem itug midut tug hon pran ne nna ba imai ei pranti nok gima ug! Yo di dikos tut mem itug midut tug hon ninggum ne nnaba imai inggum nok gima ug! Yo di dikos tut mem itug ndei hukum dino ide siceu nya ikat yok ug ei ingkiaisi ne nnaba mitug ndei hukum ei ingkiaisi nok gima hak ug!’

YEREMIA 24:10

Midiba pran kin ninggum kin nsuwer ajar bihwen yok. Apino yahagom imai leu ba, hi dima gwam ei minu di diyai biyoni kin idigup bat-idigai bat nya dini bu bi.”

YEREMIA 38:2

bipia tuhan pai “Tungwa tou rino ku no nyahan ei minu dini mitug ndei nimai tug hon pran kin ninggum kin nsuwer ajar. Noro tungwatu tou rino hei leu minu dini bikes nonti ei tentara Babel indati mitug ndei nimai bi noro miningwes ngun.”

YEREMIA 39:1

Zedekia di nibou ndig minu Yehuda ninyeng tak kep limwa nya ug ei bed gi nisimnai mem ari bingwam gi nimuhwindatai tu lene Nebukadnezar di nok nibou ndig mem minu Babel njei sut nide tentara nya yahagom kwei bigyon ttai minu ndig Yerusalem.

YEREMIA 39:2

Nibou Ndig Zedekia ninyeng tak kep limwa nya ba, ug cut njap gi nimuhwindatai mem bed gi nibitai ba, ari bingwam gi nisimnaibrimiggom tu lene siceu ihwen ngug tig bitti.

YEREMIA 9:15

Gima rino ma atou kep mun di Da di tuhan Di Disindem Bibor di mben Israel ide Allah dikes bicut ei yok dip. Midiyai njita di mpo-mpam biyok bigyem. Miduhug krisieu ngei biyok bidut.

YEREMIA 9:16

Midibindei ntek gimahap yok srig ngkiai di yoni kin idigup bat-idigai bat nya cem ikan tut yok bi nya ikieti. Lene midipinak tentara di mikon pran bit yok bram yam kikau bibou yahagom isar bingwig ug e.”

YEHEZKIEL 12:14

Yo di yahagom di ibong bit nibou ndig ei nide ig bitut yo di ipingok kep ningonti kin yo di igya ser noni pijum midibindei yo dini bintek gimahap nima ug-nima ug. Miduhuk yok bidiyai nimai biyok.

YEHEZKIEL 17:21

Nide tentara di mipbor ngat nya yahagom mimai ei pranti. Lene gi inang di ihallu ug nya mintek gimahap nima ug-nima ug bidem minu. Leu api Ditde limwa nya mikan tut bipia Da di tuhan disimbot dat tu.”

YEHEZKIEL 5:10

Apino ndigpoi nya mibui yonti imunggwom bat nya bigyem lene munggwom nya mibui ide ndigpoi nya bigyem yok. Gima rino midikes hukum ei yok dip ba, midibindei yo di ingwes ngun nya bintek gimahap nima ug-nima ug.

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

YEHEZKIEL 5:3

Ma aba anda om abou nta poi mien bijo lene ma anggai gi hi dima ei ade sinsun ninghasti.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

AMOS 9:4

Gino ide siceu nya ikat yok ug ei ingkiaisi ne midibindei ba, igyai nimai biyok. Dita dibou ei gima dibindei timek yok bingwigti lene dimpu yok bi.”

ZAKHARIA 13:8

timiei di ibong bidem minu dini nittou nsi can leu nitou nsi ningai migyai nimai bidem minu hagom.