YEHEZKIEL 5:16 - ALLAH NIHYET MEM TUNGWATU NYA

¹⁶ Dicok tut njita ade di atin ei nya hagom leu ba, disindui sut ade timiei nya bimai inggum. Yoni mitug ndei ningon di dut tut ninggumti ba, gima dem kep tibor nggwen di tibim yokti di bindei sar yok.

YEHEZKIEL 5:16 ပူးပေါင်းရင်းမြစ်များ

NIBOU NDIG NYA GI NICAN 6:25

Lene mun di buhun dini bindei ba, ninggum nindig bibor hwen timiei Samaria yahagom. Yo di itri keledai nibou itri bibipek mitiei perak nitig ningot muhwindaningai. Lene yo di itri hakimoi mbrei noi kilo niken he itri bibipek mitiei perak nitig muhwi.

MAZMUR 7:13

Gino ikes hon igyai munti di kinei dima bi ne Noni tin ei Nide minggwen ba, biyai nimai biyok. Noni sien Nide singau simeda lene ba tibor bicom bisinei leu api kri Nide tibor di cig-cai bikes ei nihim.

YESAYA 3:1

Ningat ne tuhan Di Sindem Bibor mipos njita kin minyei di jo ngug-ngau kin ide nibou di iba ingon com yok nya hagom hak leu minu ndig Yerusalem kin minu Yehuda. Yo dima ne,

YEREMIA 52:6

Ug ei njap nimuhwindatai mem bed nibitai ei ari bingwam dima tirigi ninggum nindig bibor hwen timiei minu ndig Yerusalem ba, njita hagom ngwig leu yok tu,

NIBWOS-BWOS NYENTI 3:12

Leu api sror Nide tibor binai hammi da o!

YEHEZKIEL 14:13

gino timiei minu hi ibon sisar ba, iba ingon di gom bibit Da bi lene midikes hukum ei minu dima dip. Midibindei timek ide njita leu yok lene midikes ninggum di buhun bibor kwei ei yok dip cem ba, dibiyai nimai bak mindhe-ndhe nya kin tungwatu nya cem.

YEHEZKIEL 4:16

Leu api pai bida bu “Na di tungwatu di ayaijo kikau bi e, dicok tut njita di jo ei minu ndig Yerusalem hagom. Tungwatu nya miba ingon di bos-bos nyen kin ingon di ku yok bikwas njita di igyem kin minyei di idut tut yam ba, igyem njita bidut minyei cem poi mien he.

YEHEZKIEL 5:15

Gino digga na bidingon nggrom kep na cem bidikes hukum ei na dip cem lene ngkiai di ibong ttai na nya mingkek henha drek dip. Lene iba ighyet bicig na ba, gi ingat na lene ingon him wei sut na cem.

YEHEZKIEL 5:17

Ter leu ninggum di buhun bibor pima lene midiba nsuwer ajar di buhun bibor kin yo di isibut bibor kin pran bihwen ade timiei nya. Midiba mindhe di niten-pos biyai nimai bak amunggwom bat nya ningwig a. Da di tuhan disimbot dat tu.”

IMAM NYA IDE MIDYAI 26:26

Njita mingwig leu jeni apino sop ibou simnai isuar komfor di inon roti eisi gom ngat he mem inon roti di jo bak yoni eisi. Mbro nok gino ikwas roti dima tut je bijiyem bingwig leu lo, ninggum mihwen je kikau.