YEHEZKIEL 5:15 - ALLAH NIHYET MEM TUNGWATU NYA

¹⁵ Gino digga na bidingon nggrom kep na cem bidikes hukum ei na dip cem lene ngkiai di ibong ttai na nya mingkek henha drek dip. Lene iba ighyet bicig na ba, gi ingat na lene ingon him wei sut na cem.

YEHEZKIEL 5:15 ပူးပေါင်းရင်းမြစ်များ

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

NIBOHON MBEN ISRAEL GI NICAN 29:8

Apino tuhan ba nigga bikes hukum ei timiei Yehuda nya kin timiei minu ndig Yerusalem nya dip ug a. Niyai nibou tutti dima ribindei dino yahagom idigit tut ba, ingkek hyenha tut cem.

MAZMUR 39:11

Ayai Ade hukum leu da leu mbigom midimai drek dip Ade nibui dati.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

YESAYA 26:9

Diyok dingon mem Nani mem mpia mmun. Dingonti joi sut Nani mem mpia tekti. Tirigi agwam nok nikei mem timiei dihyeisi dini lene yoni mikan igbit tut nikei nikos tutti di sren kei nya.

YESAYA 43:28

jide imam nya ibindei ba, nirom kui Ditde Igti tu. Gima rino disindui sut ba, mben Israel ide siceu nya inim kep yok. Dibindei ba, Yakub de nintun him yamti di bram yam nya itimek bingwig.”

YEREMIA 23:40

Midibindei ba, immai sut yonti ba, tungwatu nya minim kep yok bijo ninno bijo kikau. Bit bon tungwatu nya ingon prion ser mun di cut igkep yok kan bi.”

YEREMIA 29:18

Midiba pran kin ninggum kin nsuwer ajar buhuk-huk nyen yok. Apino timiei minu ngot di itou kep mun di cut igkep timiei Yehuda nya ingon ttin bibor drek dip. Tungwatu nya bidem minu di dibindei ntek gimahap yok ug eisi nya igyai ttin ba, ittin tut mun di itou kep nya. Yoni mporo iba ighyet bicig timiei Yehuda nya lene iba inyeng bisigion yam cem.

NIBWOS-BWOS NYENTI 2:15

Yo di yahagom di injiriek kep na nya ighyet wer mpiahi tut na lewo atimek titut yam tu o! Ikit ibou nyen leu bipai “Gima ne minu ndig di kei bibor kei di tungwatu dihyeisi dini hagom inggap leu rin e?”

NIBWOS-BWOS NYENTI 2:16

Ade siceu nya di ibindei timek na iba ingon di kinei sut na bitou kep aimasi ba, ibipa ndip na leu api yuhumpo bit na o! Ipai “Nibindei sar minu ndig dima tu o! Nijam di ibet ingon mem bijo ninno tu dima tau kep nye tu o!” Lene nok.

YEHEZKIEL 11:9

Midibuwak je leu minu ndig dini bidikes je bak ngkiai nya lewo dijem nimai gau je tu.

YEHEZKIEL 14:8

Midiba nitok bak noni ba, duubon noni nok bindo mem nindigsi nya. Dicom noni leu Ditde limwa nya ikieti leu api yoni mikan tut bipia Dani ne tuhan ri.

YEHEZKIEL 16:41

Indig ade ig nya hagom lene induk sop nya kwei mem gima ingat hukum di cut igkep na bou igyai him. Tug hon nisinati dima lene dibindei ade nicut tut pinai nyati bikes hon apino ma akwas mun di kei tut pinai di abou buwei kep yok nya bu bi.

YEHEZKIEL 16:57

ade nibon munti di kinei jo nibreisi ba, hi kan tut bigyo. Noro tini bu ne nani cem noyam kin noni. Mben Edom kin Filistin kin yo di ibong dideu na nindigsi di ingon kinei sut na nya ipa ndip na nyen.

YEHEZKIEL 22:4

Ade niyaijoti mingwig hon didiyam. Ba, angon mui drek dip gi ayai nimai bak timiei nya tu ba, map kui jeti tug hon kwar di jibon bou jinda him. Gima rino disindui sut na ba, anok mun di ngkiai nya kin ide minu nya yahagom ikig bipa ndip nyen cem.

YEHEZKIEL 23:32

tuhan Di Ninyeng Jei Bibor pai “Suar apinde mun di jo ei akindig nide mok nsi hak. Mok dima nindig ba, jut cem. Mok nsi dima mpung tut tungwatu nya yahagom ide niba nihyet bicig nati kin nipa tut nati ba, suar abiang nibuhunti.

YEHEZKIEL 25:17

Midikes hukum di buhun bibor ei yok dip. Dibuhup biyok tut ide nisibutti bipek nipekti ug e. Gino itug ndei Ditde niggati lene ikan tut bipia Dani ne tuhan ri.”

YEHEZKIEL 30:19

Dikes hukum dima ei minu Mesir dip lene ikan tut bipia Dani ne tuhan ri.”

YEHEZKIEL 5:16

Dicok tut njita ade di atin ei nya hagom leu ba, disindui sut ade timiei nya bimai inggum. Yoni mitug ndei ningon di dut tut ninggumti ba, gima dem kep tibor nggwen di tibim yokti di bindei sar yok.

YEHEZKIEL 5:8

Gima rino Da di tuhan Di Dinyeng Jei Bibor dipai brei bina bipia ade siceu rino Dani. Midikes hukum ei na dip bou ngkiai nya igyai him.

IMAM NYA IDE MIDYAI 26:32

Midibindei sar jide minu nisurti-nipekti hak apino jide siceu di ipos jide minu dima bigyati inga leu sut nisarti.

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

KORINTUS GI NIGOM 10:11

Mun di cut igkep yo dima hagom ndo bindo bak yo di hiter. Ba, tungwatu nya ipas kep hagom nok nihyet di bisok kep nye. Lewo nyeni igyaijo mem nijam di son dideu njap ningwig honti.

NINDAT KEP TUHAN NICUKTI NYA 28:37

Mben hiter di ingat je ei mpia di tuhan bindei ntek gimahap je ug eisi midigit tut mun di cut igkep je. Yoni miba ighyet bicig-cig nyen je ba, ibipa tut je cem.

NINDAT KEP TUHAN NICUKTI NYA 28:46

Mun di buhun dima yok mibindo tut hukum di Allah kes ei jeni kin jide nintun him di bram yam nya dip bijo ninno bijo kikau ri.