YEHEZKIEL 5:13 - ALLAH NIHYET MEM TUNGWATU NYA

¹³ Mporo atug ndei diggati kin dingon mpo tut nati kikau kep dingon bibou dingon cut ug e. Tirigi mun dima yok hagom cut igkep na leu su lene aba angon com bipia Da di tuhan dimbrap bit na ba, digga bibor drek dip ade ningon di gom tut Dati bi.

YEHEZKIEL 5:13 ပူးပေါင်းရင်းမြစ်များ

YESAYA 1:21

Nipou ne minu ndig Yerusalem mpung tut yo di ingon gom nya. Noro tini bu ne minu ndig dima niyai munti nya dem kep nok sop di nibou buwei! Nipou ne timiei nya yahagom ingon sren kei noro tini bu ne minu ndig dima mpung tut nihwen kep mun cig nya.

YESAYA 1:24

Gima rino tuhan di nok mben Israel ide Allah Di Sindem Bibor pai biyok “Je di jinok siceu ndam Da e, midibirop hanyen bije leu binhyepo bit bon jibindin-ndin nyen Da bu kan bi.

YESAYA 59:17

Noni miba ningon sren-srausi kin niteu yok bingwes ngunti bijuk No dem kep sinsun pran kin topi yeng ngkuong di ngkiem kei. Noni mibrim ningkek bipui nihyet tut gima ngkwei mun di hagom bijo nijoti nok gi nipou noro buhup niyai munti di igbit bi nya hanyen.

YESAYA 9:7

tuhan simbot dat tut hukum di Noni mikes ei mben Israel dip tu.

YEREMIA 14:12

Mbro nok gino igyem njita bi mem nituti poi lo, midingig ditingou mem ighyet bi. Mbro nok gino ibon midut nindig mindhe titut kep nimbar humti kin midut njita nibipai sigyo bak Dati lo, dijoi sut yok bi. Noro midiba pran kin ninggum kin nsuwer ajar bihwen yok ningwig a.”

YEREMIA 15:9

Sop ndig di nipmot bat nya ibou muhwindacan imai bingwig leu noni ba, ninghuisi mbris bram yok lewo ninnei cun. Nide njap di niyaijo niti nya wer mmun ken leu api ningon buhun tut yo di ingwes om noni. Midicuk jide siceu nya leu binhyepo ihwen yo di imai bingwig bigyo ei jikieti. Da di tuhan disimbot dat tu.”

YEREMIA 25:12

Gima leu api midikes hukum ei mben Babel bitut ide nibou ndig cem dip drek dip ide sisar. Midibindei minu Babel bicut ba, disindui sut bitimek bingwig bihigom.

NIBWOS-BWOS NYENTI 4:11

tuhan kes Nide nigga biborti di cig-cai biyem minu Ndig Sion bijjem sur dihyei njek dip hak ug su o!

NIBWOS-BWOS NYENTI 4:22

Jikan bipia Sion tug ndei hukum drek dip sisar di bon nya tu noro nogindini tuhan misindui sut nye ei bi ba, micom nye ug ei ningkiaisi bu bi. Noro tuhan mikes hukum ei na di Edom dip! Noni mihit ade sisar nya bijo nibreisi!

YEHEZKIEL 13:15

Ngug tig dima kin je di jiba cet kapur he bihwen mijikan tut Ditde nigga je biborti yo. Leu api dipai bije bipia ngug tig kin je di jiba cet kapur he bihwen mijipror bijisar krebou.

YEHEZKIEL 14:21

tuhan Di Ninyeng Jei Bibor pai “Midikes Ditde hukum di buhun bibor ninyeng bitai ug ei minu ndig Yerusalem dip mem gima dibicok tut tungwatu kin mindhe-ndhe nya. Ba, hukum dima yok rino pran kin ninggum di buhun bibor kin mindhe di niten-pos kin nsuwer ajar.

YEHEZKIEL 16:42

Gima leu api Ditde niggati micut ba, dingon jo nyahan hanyen bu. Midigga bidingon kinei sut na cem bu bi.

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

YEHEZKIEL 17:21

Nide tentara di mipbor ngat nya yahagom mimai ei pranti. Lene gi inang di ihallu ug nya mintek gimahap nima ug-nima ug bidem minu. Leu api Ditde limwa nya mikan tut bipia Da di tuhan disimbot dat tu.”

YEHEZKIEL 20:21

Noro pilei nya ei nijam dima cem yaham imbuk kep Da. Itunggwei Ditde nikos tutti nya ba, iba ikou yai Ditde nicukti nya di dem mem yo di ice tut ibit nya igyai niyaijo ba, ide njap jei cem. Ibindei ba, map kui Njap Nigwam Kep Ninghuisi bibor. Gima rino ditin ei mem dikes Ditde nigga biborti ei yok dip ei iggum ndigsi dima ba, dibiyai nimai bak yahagom.

YEHEZKIEL 20:8

Noro yaham imbuk kep Da ba, igimiap dihyet bi. Ikou sut gima icom kwar di suwok bibor di ikuk yok bak dima lene ibikes hon gi ikuk yok bak mben Mesir ide kwar cem. Mpe dino ingat rin ei minu Mesir ne ditin ei mem gima dikes Ditde niggati ei yok dip.

YEHEZKIEL 21:17

Dani cem midittem dinda leu api Ditde nigga biborti micut. Da di tuhan disimbot dat tu.”

YEHEZKIEL 21:22

Leu api jo nibreisi bipia tibor di ba ninda com bikit bindo tut minu ndig Yerusalem! Gima ne mun di bindo bipia suar noni njei siceu ndam minu ndig dima bihwen. Noni cuk nide limwa nya mem gima imbos-hi-mbos ba, ighyet sra tut pran bicuk nide tentara nya mem gima idimig biei tou ndig di ipindur hammi Yerusalem de dimbou pmem mem gima ibinggek. Lene itig dihyei binjei keyam bikui sur ngug tig niya ndingti mem ibiyon ttai minu ndig ba, ibitig got di bikrop ttai cem.

YEHEZKIEL 23:25

Digga nani. Gima rino midisindui sut yok ba, iba ide nisibutti bibibon nani hak bikos ahwap kin atingou meng leu lene ibindig amunggwom bat nya tut igyai-yaisi ei humti.

YEHEZKIEL 24:13

Minu ndig Yerusalem e, ade niyai munti di kinei bibor nya bindei ba, map kui nati. Mbro nok gino dibingon mem gima dibindei pwoi na lo, dem tut bi. Lewo map kui nati bijo kikau. Apwoi kei hanyen bi bibou dikes Ditde niggati ei na dip ug e.

YEHEZKIEL 43:8

Nipou yo ne nibou ndig di ide nya iwin ide ig lene itu ide dimbou hui ba, itas ide cou dimbou hui nya simin dimbou hui kin cou dimbou tta nya ei Ditde Ig. Ba, iba dring tig gom ngat he rino bikwas a. Ibindei ba, map kui dinyeng kwesti tug hon ide nibon munti di bindei ba, igyai ttin. Gima rino diba Ditde nigga biborti bindei sar yok.

YEHEZKIEL 6:10

Apino mijo nibreisi mem yok bipia Dani rino tuhan. Nisok kepti di diyai biyok nya hagom nok ninos yokti di mikui-kausi bi sren.”

YEHEZKIEL 6:12

Yahagom mitug ndei Ditde nigga biborti. Yo di ibong ei ingkiaisi micut ei ninggwenti leu api imai. Yo di ibong dideu mimai ei pranti. Lene niken di jo mimai inggum.

YEHEZKIEL 7:3

tuhan pai “Israel e, nogindini ade njap ningwig honti dem mem na tu. Ma atug ndei ditde nigga biborti. Midimbus angonti bit leu ade nibon munti di suwok nya.

YEHEZKIEL 7:8

Jei bi ne atug ndei Ditde niggati di buhun bibor. Midimbus angonti bit leu ade nibon munti. Dikes hukum ei na dip drek dip mun di suwok hagom di abon nya. Dibuhup ade nibon munti di suwok hagom hanyen bina.

DANIEL 11:36

Nibou ndig minu Siria bon mun igbit ningon kanti. Noni ba ningon di jei bipai bipia ninyeng jei bibor dor njiriek kwar di tungwatu nya ikuk yok bak nya kin Allah Di Ninyeng Jei Bibor cem hagom. Noni sindem mem gima yai igbit ningon kanti dima kikau ug bipek njap di Allah kes hukum ei noni dip. Lewo suar mun di Allah kos tut ei su mbut bipek kep.

HOSEA 10:10

Midiba siceu bihwen yo di ibon sisar dima bidikes hukum ei yok dip. Ngkiai nya mibicom yam mem gima ihwen yok lene hukum micut igkep yok drek dip ide sisar ngot di ibon nya.

ZAKHARIA 6:8

Leu api malaikati hara bipai bida “Kuda nya di imbut ug ei nite bei mpia nijjai ug ei minu ndig Babel pima ibindei ntus tuhan de nigga biborti tu.”

NINDAT KEP TUHAN NICUKTI NYA 28:63

tuhan mijoi sut bindei sar jeni bicok tut jeni ningwig noyam kin gi nipou po Noni joi sut yai nibong kei ningwam kei bak jeni bikum ei jimangtiti pima. Noni mitiba jeni hanyen leu minu di jei bi mijiyai bijiyati bijikieng kep dima.

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.