YEHEZKIEL 5:10 - ALLAH NIHYET MEM TUNGWATU NYA

¹⁰ Apino ndigpoi nya mibui yonti imunggwom bat nya bigyem lene munggwom nya mibui ide ndigpoi nya bigyem yok. Gima rino midikes hukum ei yok dip ba, midibindei yo di ingwes ngun nya bintek gimahap nima ug-nima ug.

YEHEZKIEL 5:10 ပူးပေါင်းရင်းမြစ်များ

NIBOU NDIG NYA GI NICAN 6:29

Gima rino nihwen ditde munggwom acan ba, nikwen ninghui biniyem bingwig leu su. Noro njap di bram bu tirigi ditin ei mem niyem nide munggwom ninghui lene dingat lo, noni ku munggwom dima.”

NEHEMIA 1:8

Nogindini ma akan kep ahyet po atri tut bak Musa pima di dindat kep bipia gino mben Israel ingon gom tut Na bi lene ma ajji yok ug ei ingkiaisi.

MAZMUR 44:11

Asindui sut ba, ninang leu siceu yoho bei leu api ipos ndigban hagom bingwig leu nye.

YESAYA 49:26

Midibindei ba, jide siceu nya ibou sibui sut inggrom di idut apino itot yam ba, imai bingwig. Mpe dima lene mijo nibreisi mem tungwatu dihyeisi dini hagom bipia Dani ne tuhan di teu je bijingwes ngun ri. Yoni mikan tut bipia Dani ne tuhan bidinok Yakub de Allah di sindem bibor di kwek je tu ri.”

YESAYA 9:20

Keret Manasye kin Efraim nya yonti ikiju bihwen yam leu api yahacem ikiju bihwen keret Yehuda bu. Noro tuhan gga yok bikes hukum ei yok dip bijo kikau yo.

YEREMIA 13:14

Leu api diba yok bibui yam nyen. Midingon nggriu sut ndigpoi nya kin pilei nya bi sren. Midibindei sar yok lewo dingon nem tut yok ba, dingondut yok cem bi. Da di tuhan disimbot dat tu.”

YEREMIA 19:9

Jide siceu nya migyon ttai minu ndig dini bihwen kep timiei nya yahagom. Mun di buhun bibor di cut igkep yok mibindei ba, tungwatu nya mibui ide tungwatu di inttig-tta kin imunggwom bat nya cem nok mikwau.”

YEREMIA 44:12

Lene gino timiei Yehuda niken-ken di igyaijo nya no ibungwam ndam gima yuug bibong ei minu Mesir lene yo dima yahagom misar. Ndigpoi nya kin munggwom nya yahagom mimai ei minu Mesir tug hon pran kin ninggum. Tirigi tungwatu ingat yok lene igyai ttin cem ighyet kinei sut yok cem ba, iba inyeng bisigion yam.

YEREMIA 49:32

tuhan pai bu bak Nebukadnezar “Apos unta di ide nya bitut mindhe-ndhe nimuhup tu di ide nya hagom! Dibindei ba, yo di ikos ibou di cun dima yok intek gimahap ug ei tirima-tirima. Dikes mun di buhun leu nima kwei-nima kwei ei yok dip.

YEREMIA 49:36

Dimiep hou nimig leu nima kwei-nima kwei ba, dibihwen Elam. Dibindei ba, timiei Elam nya intek gimahap ug ei tirima-tirima ba, ibong ei ingkiaisi ei dihyeisi dini nisurti-nipekti.

YEREMIA 50:17

tuhan pai “Mben Israel idem kep nimpung domba di singa huk yok di bindei di intek gimahap a. Nibou ndig minu Asyur coi bihwen yok nimbie him ngat. Leu api Nebukadnezar di nok nibou ndig mem minu Babel kinam injum nya mien-mien.

YEREMIA 9:16

Midibindei ntek gimahap yok srig ngkiai di yoni kin idigup bat-idigai bat nya cem ikan tut yok bi nya ikieti. Lene midipinak tentara di mikon pran bit yok bram yam kikau bibou yahagom isar bingwig ug e.”

NIBWOS-BWOS NYENTI 2:20

tuhan e, angat yo di ayai niwei biyok dima ba, angig ayai kep yok ug o! Apo abibon yo di hiter noyam kin gi abibon yoniti dima tu e? Sop nya igyem yonti imunggwom bat di ingon ngakei yok nya o! Siceu nya igyai nimai bak imam kin nabi nya ei Ade Ig di kwes-kwau o!

NIBWOS-BWOS NYENTI 4:10

Mun di buhun di cut igkep ditde limwa nya buhun bibor apino sop ndig di isingat kei sut imunggwom bat nya ikwen yonti imunggwom bat nya bigyem kep inghop di wam bibor ug o!

NIBWOS-BWOS NYENTI 4:16

tuhan yok ngon kep Nide limwa nya bu bi o! Nonti rino bindei di intek gimahap bidem minu o! Nonti rino bindei di imam nya ibon inyeng bu bi ba, hi di ngondut nibou nya bi o!

NIBWOS-BWOS NYENTI 4:3

Lo, nsien bigbehei yai nido bak nimien nya noro ditde limwa nya isibut bibor bidem kep ha unta di mbuk tut nide nimien nya lewo sindui sut nidinggwei bijo ei iggum ndigsi o!

YEHEZKIEL 12:14

Yo di yahagom di ibong bit nibou ndig ei nide ig bitut yo di ipingok kep ningonti kin yo di igya ser noni pijum midibindei yo dini bintek gimahap nima ug-nima ug. Miduhuk yok bidiyai nimai biyok.

YEHEZKIEL 12:15

Mpe dino dibindei bintek gimahap ug ei ngkiai nya ikieti lene yoni mikan tut bipia Dani ne tuhan ri.

YEHEZKIEL 17:21

Nide tentara di mipbor ngat nya yahagom mimai ei pranti. Lene gi inang di ihallu ug nya mintek gimahap nima ug-nima ug bidem minu. Leu api Ditde limwa nya mikan tut bipia Da di tuhan disimbot dat tu.”

YEHEZKIEL 20:23

Gima rino tirigi ingat rin ei iggum ndigsi ne diba neheng bipai kep yok bipia midibindei ntek gimahap yok bibong bidem dihyeisi dini nisurti-nipekti.

YEHEZKIEL 22:15

Midibindei ntek gimahap ade limwa nya yahagom bibong bidem minu ngkiai nya hagom bidibindei ba, abikes hon ade nibon munti di kinei bibor nya.

YEHEZKIEL 36:19

Dikes hukum ei yok dip drek dip igyaijoti kin igyai kepti nya leu api dibindei bintek gimahap ug ei minu ngkiai ide nya.

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

YEHEZKIEL 5:2

Suar andig nittou nsi gom ei minu ndig dima ninggimau yon tirigi niyon ttai minu ndig dima kes hon leu tu. Aba ade singau simeda bikkin abou nta dima lene abimbut ba, abigahai minu ndig dima. Leu api akrau nittou nsi gi ningwigsi ba, agimahap ug ei hou him. Leu api midiba Ditde singau simeda buhuk bram gima.

YEHEZKIEL 6:8

Midisindui sut ba, ibou poi he mingwes ngun leu nimai dima leu api intek gimahap srig ngkiai nya ikieti ba,

DANIEL 9:7

tuhan e, ayai munti nya hagom igbit. Noro nye di timiei minu Yudea kin minu ndig Yerusalem kin mben Israel di abindei binintek gimahap ug ei ningkiaisi kin minu di dideu nya hagom drek dip ningon gom tut Na bisi lene gima bindei ba, nimmai sut nyenti.

IMAM NYA IDE MIDYAI 26:29

Ninggum di buhun mihwen jeni leu api mijibui jimunggwom bat nya bijiyem kep jinggumti.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

AMOS 9:9

Midicuk siceu nya leu api icig je di mben Israel noyam kin no di ba kawanggai bicig gandum ngan. Lene mem gima dibicut mun di bon ninyeng bi nya hagom bingwig leu jikieti lene midimpu je ei ngkiai nya inggreti.

ZAKHARIA 2:6

tuhan pai bak Nide limwa nya “Dibindei ba, jintek gimahap nima ug nima ug tu.

ZAKHARIA 7:14

Dicok tut yok noyam kin sigau di nimig ten di cok tut yok apino bitig dino ibong ei ingkiaisi nya ug a. Leu api dihyei di nipou nnum kei dini wer mpia di ngoi-nga ba, ha he bong cem drek dip hi di bong ser dihyei dima bi.”

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.

NINDAT KEP TUHAN NICUKTI NYA 32:26

Dibungwam mem gima dihwen yahagom bimai bingwig ser nhyema hiter igyok ngon kep yok bu bi.

NINDAT KEP TUHAN NICUKTI NYA 4:27

Noni mibindei ntek je srig ngkiai nya ikieti leu api jibou poi he mijingwes ngun.