YEHEZKIEL 47:1 - ALLAH NIHYET MEM TUNGWATU NYA

¹ No dima buwak da hanyen kwei ei dimbou hui di ibicoi ug ei tuhan De Ig. Lene dingat lo, minyei biam leu dimbou hui di itu ei tuhan De Ig dima nibehei bei mpia nipriti bit leu Tuhan De Ig nibirok kikti. Minyei dima biam kwei leu dimbou hui nibehei ei nite di birok kik mpia nibiho bimbut sir nimbar hum dok ninghas nite di birok kik mpia nibiho.

YEHEZKIEL 47:1 ပူးပေါင်းရင်းမြစ်များ

MAZMUR 46:4

Mbro nok gino sigau hwen muk ndigsi ba, muk tti nindig bibor bibindei ba, nungug tou nya digit-digit nyen lo, nittin tut bi.

MAZMUR 46:5

Minyei pmot hi biam bibindei ba, tungwatu nya di ikuk yok bak Allah ei Nide minu ndig ingon llei bibor. Minu ndig dima ne mpia di Allah Di Ninyeng Jei Bibor bong ser ri.

MAZMUR 87:7

Yo dima ipri-pri nyen bipai doia “Sion ne mpia di nijem nok nitimieisi ri.”

YESAYA 2:3

Yahagom mipai cuk yam bipai bipia jikwei ba, yahagom ikui ug ei tuhan De Mbigdip ba, ikui ug ei mben Israel ide Allah De Ig. Noni mingginau nye tut mun di suar igyai kep nya. Nyeni mibit puig di Noni ndo binye lewo tuhan nipingok nyeti nya kwei leu minu ndig Yerusalem. Noni miya ei nungug Sion bimbrap bit nye.”

YESAYA 30:25

Bikwop nungug kin mbigdip nya mibindei hei minyei pmot nya mem njap dino jiyon ttai tentara nibousi niya coi di jide nitok ide nya bijiyai nimai biyok.

YESAYA 55:1

tuhan pai “Jahagom di jinggobiau e, ma jikwei dut minyei di ditau ei mem je! Je di jima mitiei hi bi e, ma jikwei yai gandum mikuisi bijiyem ug! Ditin ei anggur ngei kin sapi do ngei tu ba, jikwei yai hi mikuisi bijidut ug!

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEHEZKIEL 40:6

Leu api noni ug ei dimbou pmem di birok kik nite mpia nipriti bikui lin mbrei di bon ninten ba, ug krau ninggrupti binai dimbou hui ba, ninyanti dem meter ningai.

YEHEZKIEL 41:2

lene ninyanti dem meter muhwi. Dring tig di sir ninghas cin dima nindokti dem meter can biniken. Leu api noni nai ninsi dima lo, nijeisi dem meter ningot can ba, ninyanti dem meter simnai.

YEHEZKIEL 46:24

No dima pai bida, “Gini ne mpia di mem awak di igyai midyai ei tuhan De Ig nya ikwen mindhe ninghui di di mem limwa nya ibikuk yok bak tuhan ei niti nya ri.”

YEHEZKIEL 47:12

Bikwop biei nyeng di ngat ningat nya hagom hei ei mam bei cin di ug ninno dima. Biei dima nimeng mimbriong bi sren. Ningat nya mintun him bijo ninno bijo kikau. Ningat di nijep mintun biei dima him bikwop bed tug hon minyei di yai ningei bak bibiam kwei leu tuhan De Ig a. Ningat nya nok njita mem tungwatu nya ba, indung nimeng binok obat.”

YEHEZKIEL 47:2

Leu api noni buwak da binimbut kak dimbou pmem di birok kik mpia nijjai. Noni bie tut da ug ei dimbou pmem di birok kik mpia nipriti. Minyei bousi dima biam nyahan sir dimbou pmem dima ei nite bei mpia nibiho.

YOEL 3:18

Mpe dima lene miai ba anggur nghousi mikieng kep nungug him hagom ba, sapi kin domba nya migya bidem nungug tou nya bigyem abris ei abris nghousi nya. Minyei pmem di biam ei minu Yehuda mipingge hanyen bu bi sren. Minyei di pimbai kei gom mibiam kwei leu tuhan De Ig kikau ug ei Mbang Briep Akasia nisurti-nipekti.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

ZAKHARIA 14:4

Njap dima dem ne Noni miya ei Nungug Zaitun dip ei minu ndig Yerusalem ei nite bei mpia nipriti. Leu api Nungug Zaitun nonti miki hacan binok briep ndig di nyan bibor di jo leu bei mpia nipriti buug ninno bipek kin nite bei mpia nicutti. Nungug dima nite hi mison ei nite bei mpia nijjai ba, nite hi bu mison ei nite bei mpia nibiho.

ZAKHARIA 14:8

Njap dima dem ne minyei di su mibiam kwei leu minu ndig Yerusalem. Minyei dima mikwas ninggram can ba, hi biam buug com Igpong Nsim lene hi biam buug com Muk Hacan. Minyei dima mibiam bijo-jo wai ari bingwam jei dimo ba, ningei jo-jo wai bidem nijam di biang biget kin nijam di biang ngei-ndung bipingge bi sren.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.