YEHEZKIEL 43:7 - ALLAH NIHYET MEM TUNGWATU NYA

⁷ “Na di tungwatu di ayaijo kikau bi e, gini ne Ditde banggo mbrei ri. Midibong ei sirini ei limwa Israel ikieti ba, dinyeng mitak kep yok bijo ninno bijo kikau. Yoni kin ide nibou ndig nya mibindei ba, map kui dinyeng kwesti tug hon kwar di ikuk yok bak ba, itig nibou ndig nya ei mpia dini bu bi.

YEHEZKIEL 43:7 ပူးပေါင်းရင်းမြစ်များ

YEHEZKIEL 43:9

Noro hon ammani bikui ne suar ikes hon ide nikuk no bak kwarti nya leu ba, iket nibou ndig di ide nya ingut leu mpia dini. Gima leu api midibong ei ikieti bijo ninno bijo kikau.”

MAZMUR 47:8

Allah ne Nibou Ndig di ninyeng tak kep dihyeisi dini hagom ri. Gima rino ma jiba doia di singat kei binggei sut Noni!

IMAM NYA IDE MIDYAI 26:30

Lene midicok tut mpia di jikuk je kikep bak mun di mipror yon eisi nya di jo bidem mbigdip nya ba, midinggek jide nimbar di jindig kep biei nggrai di ui-gwang kei kikep eisi ba, midicom jide nimai ngut nya ei jide kwar di tti tu pima yok dip cem. Midiba ningon him wei,

NINGAT-HI-NGAT NYA 22:3

Mun di Allah sigion nya hi jo ei minu ndig dima bi sren. Allah kin Domba Pmot ide banggo mbrei jo ei minu ndig dima lene Nide awak nya mikuk yok binggei sut Noni.

YEHEZKIEL 20:39

tuhan Di Ninyeng Jei Bibor pai “Je di mben Israel e, nnaba jiyai mun bit leu jingon kanti. Ma jibindei mbut nibon kep sisarti hak tug hon gi juug kuk je bak kwar hak ug! Noro ma jiyok ngon kep bipia niabiati bu ne mijibit dihyet. Ma jikwas munkwas tut jide kwar di jikuk je bak dima ba, jibindei dinyeng di kwes-kwau bikinei bu au.

YEHEZKIEL 1:26

Lene dingat mun di iba tig permata nilam bibon nok banggo mbrei di jo anai niban dip ba, mun di nok tungwatu gwam dip.

MAZMUR 99:1

tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

NIBOHON MBEN ISRAEL GI NIGOM 28:2

Daud kiju biya yoho bei lene pai biyok “Disut bat je di jintun mben gom him e, jingig jitingou mem dihyet dini! Dipi bidingot ig di kei bibor gom mem Brua Gi Preu cem mem ide tuhan Allah su nimig bico niti mimbrek ngan cem tu. Dipi biditin ei nimbumbati hagom mem gima dibingot ig gom nok gumihyep mem gima ibikuk nye bak Noni eisi tu.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

HOSEA 14:8

Yoni mikwei hanyen ndam Da bigwam coi Da. Yoni midigek kep mpia haninyai dem kep nok trem di hei ei ninnumti kin miai ba anggur. Tungwatu nya mikon inyeng noyam kin gi ikon ba anggur ngei Libanon ninyenga.

YEHEZKIEL 48:35

Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”

YEHEZKIEL 39:7

Noro midindat kep dinyeng di kwes-kwau brei ei mben Israel ikieti bidibindei ba, map kui dinyeng dimati bu bi. Leu api ngkiai nya yahagom mikan tut bipia Dani ne tuhan ba, mben Israel ide Allah di Kwes-Kwau ri.”

YEHEZKIEL 10:1

Leu api dikiek da bidicap ug ei niban di jo anai kerub dima yok dip bidingat mun di dem kep banggo mbrei di iba tig nilam bibon.

YEREMIA 17:12

Ide tuhan De Ig dem kep nibou ndig de banggo mbrei di dia-diau kei di iwin ei nungug dip di anai habiei nimbie him kwei su.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEREMIA 14:21

Ma ayok ngon kep Ade nipreu ei mem nyeti ba, angwes om nye cem au. Ma aluei angonti tut apreu ei mem nyeti au. Ma angwes pri gau minu ndig Yerusalem au lewo Ade banggo mbrei di kei-kau-kei jo ei minu ndig dini.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YESAYA 6:1

Ari bingwam di Nibou Ndig Uzia mai eisi ne dingat-hi-ngat bidingat tuhan. Noni gwam ei Nide banggo mbrei di jo nai ba, kei-kau-kei. Nide sinsun ninda jei nggai kep tuhan De Ig ninsi titut yam.

MAZMUR 132:14

Noni pai “Midibong ser mpia dini bijo ninno bijo kikau. Dani dijoi sut minu dini binok nibousi mem Ditde ninyeng tak kep limwa nya.

MAZMUR 99:5

Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

NEHEI LEUSI 29:45

Midikwei bong bit mben Israel leu binhyepo ikuk yok biDa leu api midinok ide Allah.

MAZMUR 46:5

Minyei pmot hi biam bibindei ba, tungwatu nya di ikuk yok bak Allah ei Nide minu ndig ingon llei bibor. Minu ndig dima ne mpia di Allah Di Ninyeng Jei Bibor bong ser ri.

YEHEZKIEL 6:5

Midibindei ba, mben Israel ide nimbiam ngut tti sinsiou ser mpia leu api midigimahap injum sinsiou ttai nimbar hum dok dima yok.

YEHEZKIEL 6:13

Nimai ngut nya mijo sinsiou ei kwar di tungwatu nya ikuk yok bak nya ikieti cem ttai nimbar hum dok nya cem ba, imai sinsiou ei mbigdip di jo anai nya cem ei nungug dip gom-gom cem ei biei di nimeng nggrou gom-gom nibehei cem ei biei ndig behei cem bidem mpia di ibon midut ei nimbar hum dokti bak ide kwar di ikuk yok bak eisi nya hagom. Leu api tungwatu nya yahagom mikan tut bipia Dani ne tuhan ri.

NEHEI LEUSI 25:8

Ma ade limwa nya yohok prak meng gom di ipiga ei mem gima dibong ei ikieti.

NIBOU NDIG NYA GI NIGOM 8:13

Tini bu ne dingot ig di kei-kau-kei mem Na leu binhyepo akwei bong bit nye bijo ninno bijo kikau.”

NIBOU NDIG NYA GI NICAN 16:4

Ahas ba nibon midut nindig mindhe ei nimbar hum dokti kin nibon midut nindig biei nggrai di ui-gwang keiti ba, bikuk no bak kwar nya ei mpia di nide limwa nya ikuk yok bak kwar eisi nya ei bibikwop mbigdip kin biei di nimeng nggrou nya nibehei cem.

MAZMUR 68:17

Nggon rino Nungug Basan di bon ninggram him nya mang bibor ningon kinei sut Mbigdip Sion i? Allah dimig Mbigdip Sion binok Nide mpia di bong eisi ri. tuhan mibong ei mpia dima bijo ninno bijo kikau.

MIKHA 4:7

Yo dima imig lit bibong ting leu itimieisi noro midibindei ba, gi hi di ingkwei hanyen inok pung di intun yam him di nijep bu. Yoni midigek kep mpia nok mben di nindig bibor bisindem bibor cem. Hon kep njap dima kui midigwam ei Nungug Sion ba, dinyeng tak kep yok bijo ninno bijo kikau.”

ZAKHARIA 13:3

Ba, gino tungwagom mpig nibou tut nimbot kepti nipek kepti ningat rinaha yo ne ma nicig-nipmem nya mipai binoni bipia suar noni tug ndei hukum bimai hak lewo mun di mbot kep dima ne suglai nitu he ri. Gino nihyet jo kep bipia noni ne nabi rin ne suar nicig-nipmem nya iriu noni bimai.