YEHEZKIEL 43:3 - ALLAH NIHYET MEM TUNGWATU NYA

³ Ningat-hi-ngat dima noyam kin gi hi di dingat mpe di Allah kwei mem gima bindei timek minu ndig Yerusalem ba, noyam kin gi dingat ei Minyei Kebar nyai pima cem. Leu api ditti ug ei dihyeisi bidiba dingwak bikik dihyei bidikuk da bak.

YEHEZKIEL 43:3 ပူးပေါင်းရင်းမြစ်များ

YEREMIA 1:10

Njap di ammani dipinak na leu binhyepo aba ahyet buhun bisok kep mben dihyeisi dini kin ninyeng tak kep limwa nyati hagom. Aba ahyet buhun dima bisrep tut nibou ndig nya ba, abinggek tut inyeng di tak kep ide limwa nya bingwig cem. Abindei sar yok cem leu api awin minu jep ba, ayai miai cem.”

YEHEZKIEL 3:23

Gima rino dijuk ug ei mbang briepti leu api dingat tuhan de nikei-kau-keisi bou diyai him bit leu nok gi po dingat ei Minyei Kebar pima lene dikuk da bidiba dingwak bikik dihyei.

YEHEZKIEL 32:18

“Na di tungwatu di ayaijo kikau bi e, ma angon ngguk tut limwa minu Mesir nya ug. Apinak yok ug ei minu nimai nya ide bit minu di isindem nindigsi nya.

YEHEZKIEL 44:4

Leu api no dima buwak da ba, nuug ei dimbou pmem di jo ei nite di birok kik mpia nijjai ei Tuhan De Ig. Tirigi dimian huk Ig dima lene dingat lo, nisieng-siausi di piga kei di bindo tut tuhan di ningat rin ei sirima piga bidem Nide Ig titut yam. Leu api dinjei danti ug ei dihyeisi bidikuk da bidiba dingwak bikik mpia,

YEHEZKIEL 8:4

Leu api dingat nipigati di piga mpia kei di bindo tut Allah Israel di ningat rin ei sirima bou diyai him. Ba, gima noyam kin gi dingat ei mpe di dingat rin ei Minyei Pmem Kebar nipimat.

YEHEZKIEL 9:1

Leu api dimiap Allah di jem “Je di jikwei sut Ditde hukum di dikes ei minu ndig dini dip e, ma jikrau jide minggwen nya bijikwei sut.”

YEHEZKIEL 9:10

Gima rino dingondut yok bi. Midikiek mun di ibon bak yo di hiter ndam yonti hanyen.”

YEHEZKIEL 9:3

Leu api nipigati di piga kei di bindo tut Allah Israel di ningat rin ei mpia dima piga mpia srig kerub nya ikieti bipri leu nijoti buug ya kui dimbou di ibicoi kwei ei tuhan De Ig. Lene tuhan jem no di juk sinsun linen dima bipai bak,

YEHEZKIEL 9:5

Dimiap gino Allah pai bak nindigsi nya “Jibit no dima bijiya bidem minu ndig nuhuisi nya hagom. Ma jingon nggriu sut tungwatu nya au. Noro ma jiyai nimai bak tungwagom-gom hak ug.