YEHEZKIEL 40:3 - ALLAH NIHYET MEM TUNGWATU NYA

³ Noni buwak da ug ei mpia dima lene dingat pinai gom di sieng-siau kei noyam kin ngkimom-tembaga. Noni krau nai di iba minghas linen bibon kin tom nai gom ei nindati biya kui dimbou pmem.

YEHEZKIEL 40:3 ပူးပေါင်းရင်းမြစ်များ

YESAYA 28:17

Ningon sren-srausi rinok nai di ibinai ig dima nikiou ba, ningon gomti rinok mun di ibinai cou nipijumti.’ ” Biget di mbras nok tig njep mibindei sar jide ningon mangti di jiba jingon com nya. Minyei di su mihwen je ei mpia di jinang coi bijiku je eisi nya.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

YEHEZKIEL 1:27

Ninjek hu kwei piga mpia kei dem kep nok ngkimom-tembaga di ikwen ba, jet ei humti. Lene nibehei mu kwei bon nipigati di piga kei.

YEHEZKIEL 1:7

Imig sieng kei noyam kin ngkimom-tembaga di tungwatu nya isien ba, itit imig bisren kei. Lene imig ndapijum bon nindungwak noyam kin sapi nikre ninjou a.

YEHEZKIEL 41:1

Lene no dima buwak da ug ei ninsi gi jo hacan di ijem Ninsi Di Kwes. Noni nai puig di mbut ug ei ninsi dima lo, nijeisi dem meter ningai,

YEHEZKIEL 42:16

Noni ba nide tom binai nite di birok kik mpia nipriti lo, dem meter sratus can ningot muhwi.

YEHEZKIEL 43:6

Sisip no dima ya simiak da yo lene dimiap tuhan nihyet di mbrap bit da kwei leu Nide Ig bipai,

YEHEZKIEL 47:3

Noni buwak da bu binibit minyei dima nibiamti ug ei nite bei mpia nipriti kikau ei meter sratus muhwi leu api ba nide tom binai minyei nijutti bicuk da bidisigon lo, mpia di disigonti dima ne minyei gwam dimig mbuk he.

YEHEZKIEL 8:2

Ditou kep kui bidingat mun di dem kep tungwatu. Hon nintig bou bijuk dem kep nok hum njeng. Lene hon nintig bou bikui piga mpia bidem kep ngkimom-tembaga di idip bisieng-siau kei.

NINGAT-HI-NGAT NYA 1:15

Nimig cem mbom kei dem kep ngkimom-tembaga di indig kep hum bibindei ba, pimbai kei. Nihyet dem kep minyei ninyei ba, nisu bong nindig bibor.

NINGAT-HI-NGAT NYA 11:1

Gima ngwig leu lene malaikati gom yai tom di nok nai bida bicuk da “Aug ba, anai Allah De Ig nijeisi bitut nimbar hum ndok nijeisi lene ma akwop yo di ikuk yok bak Noni ei mpia dima imangti.

NINGAT-HI-NGAT NYA 21:15

Leu api malaikati di mbrap bit da krau nai di iba mas bibon ei nindati bitin ei mem gima nai minu dima ningat kin dimbou hui nya kin ngug di krop ttai.