YEHEZKIEL 40:29 - ALLAH NIHYET MEM TUNGWATU NYA

²⁹ Ninsi niya ser nya kin ninsi nindig nya kin dring tig gi ninsi nya hagom noyam kin gi jo ei dimbou pmem nindigsi nya. Ninsi niya ser nya ei dimbou pmem dima yok bon nimihyeti nya cem. Ba, nitingti leu dimbou pmem bei nisai ma kwei kikau ug bipek kin ninsi titut yam dem meter ningot can ba, muhwi lene ninyanti dem meter simnaibrimigcan biniken. Lin mbrei di bon ninten muhwindaningai rino ibikui ndam dimbou pmem dima.

YEHEZKIEL 40:29 ပူးပေါင်းရင်းမြစ်များ

YEHEZKIEL 40:25

Itu mihyeti ei ninsi nya cem noyam kin gi jo ei dimbou pmem nindigsi nya. Nitingti leu dimbou pmem bei nisai ma kwei kikau ug bipek kin ninsi titut yam dem meter ningot can ba, muhwi lene ninyanti dem meter simnaibrimigcan biniken.

YEHEZKIEL 40:16

Itu nimihyeti mien-mien nya ei dring tig gi ninghim kin dring tig gi bikwas ninsi dima yokti. Iba dui sraba di ikilis ningwes bimau dring tig ei bei ninsi di imbut kak pima ei nite hi nite hi.

YEHEZKIEL 40:7

Ninsi di kom di imbut kak di jei bibor jo ei sirima ba, bon ninsi nya mem yo di igya ser nya. Ninsi ningai jo bei ninda com lene ninsi ningai jo bei ninda prak. Bikwop ninsi dima bon nijeisi kin ninyanti noyam ba, dem meter ningai. Dring tig di bikwas ninsi dima yok nindokti dem meter can biniken. Ninsi di imbut kak dima bon nijeisi dem meter ningai di ibinut bu ba, ibicoi ug ei ninsi nindig di birok kik Tuhan De Ig.

YEHEZKIEL 40:10

Ninsi di mem yo di igya ser di jo ei ninsi di kom ei bei ninda com kin ninda prak pima hagom noyam. Ninyanti kin nijeisi noyam ba, dring tig di bikkin ser ninsi dima hagom nindokti cem noyam.

YEHEZKIEL 40:12

Ngug tig di cun di nanaisi dem meter niken he ba, nindokti cem dem meter niken he no jo ei ninsi niya ser di nijeisi kin ninyanti hacem dem meter ningai pima noho.

YEREMIA 36:10

Lene Barukh kwop kep srat bokti di dipai binoni di pas ei srat kijumti dima hagom brei biyok ba, imiap. Noni kwop kep srat bokti dima tirigi noni ya kui Gemarya di Safan nipmot de kintrorti ei tuhan De Ig. Safan dima ya kui imam nya binok ide sekertaris. Gemarya de kintrorti jo dideu mpia di jo bas hak di iba ngug tig bikrop ttai nite bei tuhan De Ig nijjai dideu puig di bie ug ei Dimbou Pmem Nijep.

NEHEMIA 13:9

Leu api dicuk Elyasib leu binhyepo bon midut nibindei kwes ninsi dima. Gima leu api dibindei ngkwei nimbumbati mem tuhan De Ig kin gandum di ikwas tut tuhan kin biei nggrai di ui-gwang kei hagom ei ninsi dima hanyen.

NEHEMIA 13:5

Noni ndo nghim nsi ndig gom di ibet pijum ei mem gima inju munkwas nok gandum kin biei nggrai di ui-gwang kei kin nimbumbati di ibiyai midyai ei tuhan De Ig kin munkwas mem imam nya bitut gandum kin ba anggur ngei kin mini zaitun ngei di ikwas gom leu ningot gom lene nok tut Lewi nya kin yo di iba musik bipai doia nya kin yo di igya ser tuhan De Ig bak Tobia bibongti.

NIBOHON MBEN ISRAEL GI NICAN 31:11

Gima rino nibou ndig cuk yok ba, itin ei ig gudan nya bijo ttai tuhan De Ig,

YEHEZKIEL 40:33

Ninsi niya ser nya kin ninsi nindig nya kin dring tig gi ninsi nya noyam kin gi jo ei dimbou pmem nindigsi nya. Ninsi niya ser nya ei dimbou pmem dima yok cem bon nimihyeti nya. Ba, nitingti leu dimbou pmem bei nisai ma kwei kikau ug bipek kin ninsi titut yam dem meter ningot can ba, muhwi lene ninyanti dem meter simnaibrimigcan biniken. Lin mbrei di bon ninten muhwindaningai rino ibikui ndam dimbou pmem dima. Dimbou pmem de ninsi ndig di jo ttai nya nijeisi dem meter simnaibrimigcan biniken lene ninyanti dem meter ningai.

YEHEZKIEL 40:36

Dimbou pmem dima bon ninsi niya ser nya kin dring tig gi ninsi nya kin ninsi nindig ba, hagom noyam kin gi jo ei dimbou pmem nindigsi nya. Ninsi dima yok kin ninsi nindig bon nimihyeti nya. Puig di ibicoi dimbou pmem ug ei ninsi nijeisi dem meter ningot can ba, muhwi lene ninyanti dem meter simnaibrimigcan biniken.

NIBOU NDIG NYA GI NIGOM 7:4

Lene itu kendera mihyeti nya ei ig dima nitta bei nijjai lene bei nibiho cem ba, nipuig ningai jo ig dima nitta nite hi bibirok kik nipuig ningai di jo nite hi bu. Itu dimbou hui kin kendera mihyeti ninggilai di bon nuhuisi bitaisi ba, hagom sur yam kei.