YEHEZKIEL 40:17 - ALLAH NIHYET MEM TUNGWATU NYA

^17-18 Leu api no dima buwak da binicoi kak dimbou pmem ba, nehei ug ei mpia di jo bas hak di iba ngug tig bikrop ttai di jo nisai ma kwei. Itap ninsi ningot ningai sir dring tig ninghim ba, ibigahai Tuhan De Ig dima. Ig jou di iba tig ma bibon no jo ttai mpia di jo bas hak dima buum yam. Mpia di jo bas hak dima jo nimo jug leu mpia di jo bas hak di jo ninsi a.

YEHEZKIEL 40:17 ပူးပေါင်းရင်းမြစ်များ

NINGAT-HI-NGAT NYA 11:2

Noro anai bisai nya au. Lewo Allah kes bisai dima bak ngkiai di ikan tut Allah bi nya leu api yoni mico kep minu ndig di kwes dima kikau mem bed ningot bitai ba, can.

YEHEZKIEL 42:1

Leu api no dima buwak da ug ei mpia di jo bas hak gi nisai ma kwei bibie tut da ug ei ig hiter di ya ndam Tuhan De Ig ei nite bei mpia nijjai. Ig dima jo ting leu ig nindig di ya ndam Tuhan De Ig ei nite bei mpia nicutti bi.

YEHEZKIEL 46:21

Leu api noni buwak da bu ba, nuug ei mpia di jo bas hak gi nisai bidingat lo, mpia dima bon nuhuisi bitai.

YEHEZKIEL 45:5

Suar ipek hanjop poi bu ei dihyei nittou nsi dima mem yo di intun Lewi him di igyai midyai ei tuhan De Ig ba, nittou nsi dima nijeisi dem kilometer simnaibrimigcan ba, meter sratus muhwi. Yoni miwin minu ndig nya ei sirima mem yo dima ibong niti.

YEHEZKIEL 10:5

Kerub dima yok inyehei di tittem nibimbiti tibim kikau ug ei mpia di jo bas hak ei nisai ma kwei. Dimiap lo, gima dem kep nok Allah Di Sindem Bibor nihyet.

NIBOHON MBEN ISRAEL GI NICAN 31:11

Gima rino nibou ndig cuk yok ba, itin ei ig gudan nya bijo ttai tuhan De Ig,

NIBOHON MBEN ISRAEL GI NIGOM 23:28

Suar impu imam di intun Harun him nya tut nibon midut nya ei tuhan De Ig cem igya ser mpia di jo bas hak di iba ngug tig bikrop ttai nya cem inyohou nghim nsi nya ei tuhan De Ig cem igya ser nhyema map kui ndigban di ikwas pijum ei mem tuhan cem hagomti bi.

NIBOHON MBEN ISRAEL GI NIGOM 9:26

Noro nibou nya ibou bitai di intun keret Lewi him di inok nibou mem gima ikos tut yo di igya ser pima ne ibuhup tut ide midyai dima kin tuhan De Ig ninsi nya kin ndigban di jo ninsi nya cem hagom kikau.

YEHEZKIEL 42:4

Puig di ninyanti dem meter muhwi ba, nijeisi dem meter ningot muhwi no mbut ninsi dima nuhui bei ninsi a. Dimbou di jo ei ninsi dima yok hagom kiek ndam bei mpia nijjai.

YEHEZKIEL 41:6

Ninsi dima yok jo-jo yam dip bibon ig jou ningai. Ba, bikwop ig jou dima bon ninsi ningot ningai. Bikwop ninsi di jo-jo yam dip di bon ig jou ningai dima ne gi jo nidip bon dring tig bei nisai dile bibor leu dring tig ei ig jou gi nibehei nindokti. Lene bibikwop nok apino iba tindang nya bicim dring tig ei Tuhan De Ig bi. Noro ninsi dima yok hagom rok kui dring tig dima he.

YEHEZKIEL 40:38

Ninsi di ibikum eisi bu ei mpia di jo bas hak ei nisai ma kwei ibinut kin dimbou pmem ei nite bei mpia nijjai. Ninsi di ibikum eisi bu dima bon nide dimbou gom mem ibicoi. Ninsi dima rino mem ipiap mindhe-ndhe di ibui bindig ei nimbar hum dokti ninghui a.

NIBOU NDIG NYA GI NICAN 23:11

Noni bindei ba, ijji kuda nya di nibou ndig mem timiei Yehuda nya tin ei mem gima ibikuk yok bak mpia njap pima hagom bingwig leu api ndig kroba pran di ibikuk yok bak kwar dima cem. (Kroba pran dima jo keyam ei mpia di jo bas hak ei tuhan De Ig dideu dimbou pmem kin Natan Melekh di ya kui nibou ndig de nghim.)

NIBOU NDIG NYA GI NIGOM 6:5

Lene itap ninsi di ansan jo-jo yam dip ningai kin ig dima ei nisai bei ig nite dima kwei ba, bei nitta hacem cem ba, ninsi dima hagom nanaisi meter can biniken poi mien.

YEHEZKIEL 40:44

Leu api no dima buwak da ug ei mpia di jo bas hak ninsi. Ig jibei can no jo dima ba, gom ya simin dimbou pmem ei nite bei mpia nijjai bikiek nimbou hui ndam bei mpia nibiho lene gom jo simin dimbou pmem bei mpia nibiho bikiek nimbou hui ndam bei mpia nijjai.

YEHEZKIEL 40:45

No dima pai bida bipia ig jibei di ikiek nimbou hui ndam bei mpia nibiho dima mem imam nya di igyai midyai ei tuhan De Ig.

YEHEZKIEL 40:46

Ba, ig jibei di ikiek dimbou hui ndam bei mpia nijjai dima mem imam nya di igyai midyai kui nimbar hum dokti. Suar imam dima yok yahagom leu yo di intun Zadok him. Lewo Lewi ne pung di Zadok ntun him rin ba, yo dima he rima igya ei tuhan Noho bei mem gima ibiyai midyai nibikuk yok bak Noni.

YEHEZKIEL 41:10

bon mpia di jo bas hak di iba ngug tig bikrop ttai di gahai ig nitta ba, ninyanti dem meter simnai.

YEHEZKIEL 42:3

Mpia di jo bas hak di iba ngug tig bikrop ttai ei ig dini nite di birok kik Tuhan De Ig ninyanti dem meter simnai. Lene ninghas nite hi birok kik mpia di jo bas hak di iba ngug tig bikrop ttai gi nisai ninjek dip. Ig dima bon nikiou ningai di jo-jo yam dip. Bikwop nikiou di jo-jo yam dip dima coi ndam bei ninsi leu gi nibehei a.

YEHEZKIEL 42:10

Ig di noyam kin gi hi dima no ya ndam tuhan De Ig ei nite bei mpia nibiho ba, ig dini ya ting leu ig di ya nite bei mpia nicutti pima bi.

YEHEZKIEL 44:1

No dima buwak da ba, nuug ei dimbou pmem di birok kik mpia nipriti ei Tuhan De Ig niyati dima lo, dimbou pmem dima nggam ser tu.

NEHEI LEUSI 27:9

“Ma aba minyahas linen di dia-diau kei bisar ser Ditde Prak Meng. Ma aba linen binap nititut yam gom di nijeisi meter ningot bitai ba, bitai mem sar di jo nite bei mpia nibiho.