Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEHEZKIEL 4:4 - ALLAH NIHYET MEM TUNGWATU NYA

4-5 Aba angha bei anda prak bibong lene midikes mben Israel ide nitunggweisi nya ei nanti dip. Nijam di abong nok gima lene njap dino abiang mben Israel ide sisar nibuhunti ri. Abong nok gima ei ninsi njap sratus ningai ningot muhwindatai leu binhyepo abiyai niwei drek dip yo dima itunggweisi. Njap gom di abong nok gima mibindo tut mun di buhun di cut igkep yok mem ari bingwam gom lene bibikwop nok.

အခန်းကိုကြည့်ပါ။ ကော်ပီ




YEHEZKIEL 4:4
11 ပူးပေါင်းရင်းမြစ်များ  

Midingot nani ser leu binhyepo bit bon akiek na leu bei anda prak ug ei bei anda com kan bi ba, akiek na leu bei anda com ug ei bei anda prak cem kan bi ba, nok gima kikau bibou niyon ttai minu ndig dima bingwig kep ug e.


“Nggon rino jiyem mikwau leu nibon midut nibiyai nikos ser sisarti pima ei mpia ttou nsi di kwes-kwau bi i? Lewo mikwau dima kwes-kwau bibor. tuhan sok nihyet tut nibon midut dima bak je di mben Israel leu binhyepo jahagom jibiyai nibikos ser jide sisar.


Nok gima lene kambir dima mibiang mben Israel ide sisar hagom buug sut ei iggum ndigsi.


Hukum di ntun jide sisar him mibuhun tak je kikau mem ari bingwam ningot bitai. Ari bingwam gom mem njap gom ari bingwam gom mem njap gom lene bikwop nok noyam kin njap nimangti gi jimbris nyahan bijiyok jitta kep minu Kanaan pima. Jahagom mijibiang mun di buhun di miyem jinghuisi drek dip gi po jisrep tut Da!


Lene tuhan pai bak Harun “Tut niyai tunggweisi hagom di pek kep tug hon midyai nya ei tuhan De Prak Meng nsi lene suar na di Harun kin apmot bat nya kin Lewi nya jibiang nibuhunti sur yam. Noro gino imam nya igyai midyai tunggwei lene nanti kin apmot bat nya he mijibiang nibuhunti.


Yesus yai midyai dini hagom dem igbit tto bou di nabi Yesaya tri tut “Noni kwek nye leu ide ninggwenti bibiang ide nibuhunti nya.”


Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.


Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ