YEHEZKIEL 39:7 - ALLAH NIHYET MEM TUNGWATU NYA

⁷ Noro midindat kep dinyeng di kwes-kwau brei ei mben Israel ikieti bidibindei ba, map kui dinyeng dimati bu bi. Leu api ngkiai nya yahagom mikan tut bipia Dani ne tuhan ba, mben Israel ide Allah di Kwes-Kwau ri.”

YEHEZKIEL 39:7 ပူးပေါင်းရင်းမြစ်များ

MAZMUR 103:1

Doia Daud. Dinnei e, ma anggei sut tuhan! Danti njem-nnei e, ma jinggei sut ninyeng di kwes-kwau.

NEHEI LEUSI 20:7

Harin dima jindat kep dinyeng ugwai-gwai a. Lewo Dani ne jide tuhan Allah rin ba, midikes hukum ei no di ba dinyeng bikek dip.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 37:23

Akan tut tou rino akucang kinei-kinau ba, ahyet wer mpiahi tut cem dima i? No dima ne Da di Allah Israel di dikwes-kwau ri.

YESAYA 43:14

Mben Israel ide tuhan Di Kwes-Kwau di teu yok bingwes ngun cem pai “Midipinak tentara nimpung gom ug ei minu Babel leu binhyepo iteu je bijingwes ngun. Dinggek tut dimbou ig bui de nibahau yamti nya leu lene mben Kasdim mimbos-hi-mbos bu bi noro igyai nggwei kibor.

YESAYA 43:3

Lewo Dani ne tuhan ba, mben Israel ide Allah Di Kwes-Kwau ri. Diteu je bijingwes ngun. Ditri minu Mesir ba, dibipek je hanyen. Ditri minu Sudan kin Seba nya leu binhyepo jiya luei yohoti.

YESAYA 45:11

tuhan di nok mben Israel ide Allah di kwes-kwau pai “Ma jihig ser Da tut nijam di nidipti bu. Noro dem mem gima jihig ser Da tut dimunggwom bat nya ba, jicuk Da tut mun di suar ma diyai nya bi.

YESAYA 49:26

Midibindei ba, jide siceu nya ibou sibui sut inggrom di idut apino itot yam ba, imai bingwig. Mpe dima lene mijo nibreisi mem tungwatu dihyeisi dini hagom bipia Dani ne tuhan di teu je bijingwes ngun ri. Yoni mikan tut bipia Dani ne tuhan bidinok Yakub de Allah di sindem bibor di kwek je tu ri.”

YESAYA 55:5

Mbro nok gino nipou ne ngkiai nya ikan tut je bi lo, tini bu ne tirigi jihig yok kwei lene yoni ibipbur bibrim imig kwei bigya joho bei. Da di tuhan ne jide Allah kin mben Israel ide Allah di kwes-kwau ri. Midibindei ba, mun dini yok mipek kep mem je. Midikon jinyeng ba, jei bibor.”

YESAYA 60:14

Yo po ico kep na pima imunggwom bat nya mikwei kuk yok ei amig him bikon anyenga. Yo po ingwes om kep na pima yahagom miba ibiau bicom mpia ei aho bei binggei sut na. Yoni mijem anyeng ‘tuhan De Minu’ kin ‘Sion’ cem kin ‘Mben Israel Ide Allah Di Kwes-Kwau Nide Minu’ cem.

YESAYA 60:9

Kibar minyei dima kwei leu minu ting bimpung tut Allah de limwa nya di induk yam kwei ei itimieisi hanyen. Yoni ipwoi perak kin mas kwei ba, mibinggei sut tuhan di nok mben Israel ide Allah Di Kwes-Kwau di bindei ba, ngkiai nya ikon Nide limwa nya inyenga.

YEHEZKIEL 20:14

Lo, diyai nok gi ditin ei memti dima bi drek dip Ditde ninyeng jeisi. Leu binhyepo mben di ingat gi dibuwak yok kwei leu minu Mesir ipai dinyeng kinei bi.

YEHEZKIEL 20:39

tuhan Di Ninyeng Jei Bibor pai “Je di mben Israel e, nnaba jiyai mun bit leu jingon kanti. Ma jibindei mbut nibon kep sisarti hak tug hon gi juug kuk je bak kwar hak ug! Noro ma jiyok ngon kep bipia niabiati bu ne mijibit dihyet. Ma jikwas munkwas tut jide kwar di jikuk je bak dima ba, jibindei dinyeng di kwes-kwau bikinei bu au.

YEHEZKIEL 20:9

Lo, digiyai nok ditin eisi mem yok dima bi. Leu binhyepo mben Mesir di ibong ei minu di Ditde limwa nya ibong eisi dima ighyet kinei sut dinyeng bi. Lewo dipai bak Ditde limwa nya ei mben Mesir dima yahagom yoho bei bipia midibuwak yok biyehei leu minu Mesir.

YEHEZKIEL 36:23

Midindo dinyeng di jei bibor nikwes-kwausi di jibimangkrei bijico kep bidem jingkiaisi hagom bak ngkiai nya leu api mijo nibreisi mem yok bipia Dani ne tuhan ri. Da di tuhan Di Dinyeng Jei Bibor disimbot dat tu. Midiba jeni bindo bindo bak ngkiai nya bipia Da di tuhan Gom Ngat bidingon kwes-kwau.

YEHEZKIEL 36:36

Mijo nibreisi mem ngkiai nya di gahai di ingwes ngun nya bipia Da di tuhan dipindi minu di timek bingwig nya bidiyai miai ei iggum ndigsi nya hanyen tu. Da di tuhan disimbot dat tu bidiyai hagom bit leu nok gi dipreu ei mem yokti.”

YEHEZKIEL 38:16

Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.

YEHEZKIEL 38:23

Tug hon nisinati dima lene midindo brei bak ngkiai nya yahagom bipia dinyeng jei bidingon kwes-kwau cem. Apino yoni mikan tut bipia Dani ne tuhan ri.”

YEHEZKIEL 39:22

Hon kep njap dima kui mben Israel mikan tut bipia Dani ne ide tuhan Allah ri.

YEHEZKIEL 39:25

tuhan Di Ninyeng Jei Bibor pai “Noro tini bu ne midingondut Ditde limwa Israel di intun Yakub him. Midibindei ba, mun di isuar nya hagom midem mem yok. Dinyohou dinyeng tug hon nisinati dima leu binhyepo ikon dinyeng kikau.

YEHEZKIEL 39:8

tuhan Di Ninyeng Jei Bibor pai “Ningat ne njap di ditri tut mun dima yok hagom mikwei yo.

IMAM NYA IDE MIDYAI 18:21

Harin dima akes amunggwom bat hi ei mem gima ibui ba, ibikuk yok bak kwar Molokh a. Lewo nibon munti dima binim kep tuhan di nok jide Allah ninyenga.