YEHEZKIEL 39:23 - ALLAH NIHYET MEM TUNGWATU NYA

²³ Ngkiai nya yahagom mingon huk niti bipia mben Israel ibon sisar tut Dani apino dipinak yok ug ei ingkiaisi ug a. Dikes yok ei cem disindui sut yok ba, ide siceu nya ibindei timek yok leu api itug ndei nimai ei pranti cem tu.

YEHEZKIEL 39:23 ပူးပေါင်းရင်းမြစ်များ

YESAYA 59:2

Lewo jide nibon munti di kinei rino bindei dino Noni miap kep jide nadi bi a. Jide sisar di jibon nya rino bikwas jeni leu Allah ba.

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YEHEZKIEL 39:29

Miduhug Dinnei ei mben Israel dip lene midikes yok ei bu bi sren. Da di tuhan Di Dinyeng Jei Bibor disimbot dat tu.”

YESAYA 42:24

Tou rikes mben Israel ei nipos kep mun cig nya inda nsi i? tuhan Nonti ri! Nyeni ibon sisar tut Noni ba, itunggwei sut nihyet cem. Ibit ningginausi nya bi cem.

NINDAT KEP TUHAN NICUKTI NYA 32:30

Nggon rino ibou sribu gom icut bak ide siceu gom ngat i? Nggon rino ibou sribu simnai icut bak ide siceu nya ibou can he i? Lewo tuhan di nok ide Allah kes yok ei ba, No di sindem bibor tri yok bak ide siceu nya tu.

NINDAT KEP TUHAN NICUKTI NYA 32:20

Bipai ‘Mbro nok gino dingat igbit mun di mipek kep mem yok ei nidipti bu lo, midimpu yok bi sren. Lewo ingkek ndok ba, ingon gom tut Da bi.

IMAM NYA IDE MIDYAI 26:25

Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.

YEHEZKIEL 36:36

Mijo nibreisi mem ngkiai nya di gahai di ingwes ngun nya bipia Da di tuhan dipindi minu di timek bingwig nya bidiyai miai ei iggum ndigsi nya hanyen tu. Da di tuhan disimbot dat tu bidiyai hagom bit leu nok gi dipreu ei mem yokti.”

NIBWOS-BWOS NYENTI 1:8

Minu ndig Yerusalem ba nirom birus nonti tug hon gi bon sisar di kinei bibor mang-mang o! Yo di nipou yo ibou cut binoni yahagom ingat ningat nguti lene iba ighyet bicig! Minu ndig dima nso-nso nyen lewo gwam nimmaiti o!

YEREMIA 33:5

timiei Yehuda nya ihwen tentara Babel mikui-kausi he bitig dino minu ndig dini mpung tut nimbiam ngut di diba Ditde nigga biborti biyai nimai biyok nya. Diba dingha bak minu ndig dini drek dip ide nibon munti di kinei bibor nya.

YESAYA 64:7

Hi ngat nadi bak Nani bahara Na mem gima ampu yok bi. Aku aimaisi ter leu nye lene asindui sut ba, nyende sisar bindei sar nye binitimek biningwig.

YESAYA 8:17

tuhan ku No binding leu Nide limwa di intun Yakub him nya igyai him noro diba dingon com Noni bidiyok dingon mem Noni.

MAZMUR 106:41

Apino kes yok ei ngkiai nya inda nsi bisindui sut ba, siceu nya inyeng tak kep yok.

MAZMUR 30:7

Mpe di po dibong kei digwam kei lene dikan “Hi di mibindei timek da bi!”

MAZMUR 10:1

tuhan e, nggon rino Nani ting bibor i? Nggon rino aku Na leu nye mpe di mun di buhun om kep nye i?

NIJAM NIKEI NYA 3:8

Apino tuhan gga yok bisindui sut yok ba, Nibou Ndig Kusyan-Risyataim leu Mesopotamia bindei timek yoni. Nibou ndig dima ninyeng tak kep yok kikau mem nijam ari bingwam muhwindaningai.

NIJAM NIKEI NYA 2:14

Gima rino tuhan ningon sibui sut yok nindig bibor ba, sindui sut ngkiai di imbuk bibor nya bihwen yok bipos ndigban nya bingwig leu yok. Noni sindui sut mben Israel ide siceu di ibong ttai yok igya kep bihwen yok bijo ninno apino bit bon mben Israel ikon pran bigya ngkiem kan bi.

YEREMIA 44:22

tuhan om ningonti tut gi ngat jibon munti di kinei kin gi suwok dima bu bi tu. Gima rino nogindini jitimieisi timek tu. Tungwatu ibong ser bu bi noro iba minu dima ninyeng bisigion yam. Yo di ingat gima yok nya igyai ttin ningat tu.

YEHEZKIEL 7:22

Gino nipos mun cig nya inggek Ditde Ig ba, ibindei bimap kuisi lene midisu dinda mem gima dimpu je bi.

YEHEZKIEL 20:27

Gima rino na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak mben Israel. Gini ne bindo hiter di bindo tut notou jidigup bat-jidigai bat nya ighyet tigut Da ba, iba ingon gom bibit Da bi ri.

EZRA 9:7

Ade limwa di nyeni nibon sisar tut Nani habiei leu nijam di nidigup bat-nidigai bat nya igyaijo yo pima kikau kwei bipek ammani kep. Gima rino bindei di nibou ndig mben ngkiai ibindei timek nyeni kin nyende nibou ndig nya kin imam nya bitut nye dini yok cem ug a. Ba, igyai nimai binye cem ikri nye nok awak di ipian nye ug ei minu ngkiai ide cem ug a. Iba ighyet bicig nye bijo kikau noyam kin mun di nuum ei njap di ammani.