YEHEZKIEL 39:10 - ALLAH NIHYET MEM TUNGWATU NYA

¹⁰ Ba, suar yuug ei miaisi mem gima irop biei bi suar yuug ei bahamti mem gima iwim biei di mui cem bu bi. Lewo minggwen di nimbiam imai leu dima yok mang bibor bidem mem gima ibindig kigkep huma. Yoni mipos ndigban bicat ningwig leu yo di nipou yo ipos ide ndigban ba, icat ningwig leu yok hanyen bu. Da di tuhan Di Dinyeng Jei Bibor disimbot dat tu.”

YEHEZKIEL 39:10 ပူးပေါင်းရင်းမြစ်များ

YESAYA 33:1

Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.

YESAYA 14:2

Mben ngkiai imang bibor mimpu mben Israel mem gima ingkwei hanyen kwei ei itimieisi di tuhan yai biyok. Ngkiai nya minok awak mem mben Israel ei sirima. Mben Israel mikat yo di nipou ikat yok pima lene inyeng mitak kep yo di nipou ico kep yok.

MIKHA 5:8

Mben Israel mibindei timek ide siceu nya bicok tut yahagom ningwig a.

NINGAT-HI-NGAT NYA 18:6

Ma jibibon noni bit leu nok noni bibon je ba, jibirop binoni hanyen mbican bram yam tut niyai munti nya hagom. Ma juhug ningei di mpo-mpam ei nide mokti ba, nimpo-mpamti dor tunggwei ningei di noni hug ei jide mokti.

NINGAT-HI-NGAT NYA 13:10

No di yai hukum nisima ei ig bui nsi misima hak. No di miyai nimai tug hon singau simeda miyai nimai tug hon singau simeda hak. Gima rino suar Allah de limwa nya ingon nddong ba, ingon gom cem.

MATIUS 7:2

Lewo Allah di nok nikei mibibon je bit leu nok jibibon hi terti. Noni mibinai je bit leu nok jibinai hi ter.

HABAKUK 3:8

tuhan e, muk ngei bindei ba, angon sibui e, he minyei di biam nya bindei ba, agga bibor e, he notou i? Abri ba, agwam bumbuhui dip noyam kin no di bri kuda di brim kroba pran mpe dino abindei ba, Ade limwa nya ihwen siceu nya bibindei timek yok.

HABAKUK 2:8

Jipos ndigban nindig bibor leu mben mang bibor ei dihyeisi dini noro yo gi hi di ingwes ngun nya mikwei pos jide ndigban bingwig leu je drek dip gi jihwen mun bijimbuk tut mben dima yok bitut ide minu ndig nya cem.

NEHEI LEUSI 12:36

tuhan bindei ba, mben Mesir ingon kei sut mben Israel apino injei mun di ima nya hagom bak yoni mikuisi bit leu ingon kanti. Gima rino mben Israel imbut tut mun di mben Mesir inyeng tut nya hagom.

NEHEI LEUSI 3:22

Noro bikwop sop mben Israel miyahara timiei minu Mesir di bong dideu kin nisut sop minu Mesir di bit bong leu binhyepo igyai sinsun kin mimau di iba mas bibon kin perak di indei biyok mikuisi. Lene mben Israel mijuk mun dini yok hagom ei imunggwom bat nipinai nya kin nisop nyati ba, ingwes ngun tut. Tug hon nisinati dima lene mijipos mben Mesir ide ndigban hagom bingwig leu yok.”

YEHEZKIEL 39:11

tuhan pai “Mpe dino mun dima yok hagom pek kep lene midipek hanjop nitig nimbiam ngutti nittou nsi gom bak nibou ndig Gog ei minu Israel yo. Midipek hanjop dima ei mbang briep ei nite bei mpia nipriti ei Igpong Nsim nite dima ug. Yoni mitig Gog bitut nide tentara nya titut yam ei mpia dima. Tungwatu nya mijem mbang briep dima ninyeng ‘Mbang Briep Tentara Gog.’

ZAKHARIA 14:14

Pinai nya di ingat rin ei minu Yehuda mikon pran gau minu ndig Yerusalem. Yoni mipos ngkiai nya di ibong ttai yok nya ide ndigban mas kin perak kin ide sinsun di jo-jo yam dip cem hagom nok ndigban nipos he nya.