YEHEZKIEL 38:9 - ALLAH NIHYET MEM TUNGWATU NYA

⁹ Noni kin nide tentara kin mben ngot di injei bit noni minjei kwei ba, icoi bihwen bidem kep nok sigau. Yoni mikieng kep minu dima noyam kin bumbuhui di jun minu dima.”

YEHEZKIEL 38:9 ပူးပေါင်းရင်းမြစ်များ

YESAYA 25:4

Anok gumihyep ninang coi mem yo di inghuisi jet nya kin gumihyep nibong kei nigwam keisi mem yo di yuhui mbum nya ei mpe di yuum mun di buhun tak yok. Anok mpia di igya nding leu hou di nimig ten. Anok mpia nohousi di igya nding leu mpia niwamti cem. Lewo yo di isibut icut di ihwen munti noyam kin hou sigau di cut mem bed di biang hou a.

YESAYA 28:2

tuhan mipinak no di sindem bibor di mimbri kui ningkek kwei. Nikwei krosti dem kep nok sigau di yem yok kin biget di mbras nok tig njep kin minyei di su di hwen yok leu api Noni micok tut yok bingwig.

YESAYA 5:28

Tibor di ide nya nggwen kei ba, ikri tibor mem gima ikes bindei siceu cem. Kuda di ide nya imig ndungwak ngkiem kei bidem tig hum lene ide kroba pran nimig sibui bidem hou di nimig ten bibor di mbut sindem.

YEREMIA 4:13

Jingat i, siceu itau kwei ba, idem kep bumbuhui di tap a. Kroba pran di ide nya dem kep hou sigau di cut a. Kuda di ide nya idor sindem dor njiriek ha krubri cem. Ayo! Buhun bibor mem nyeni o! Nyeni yahagom isar ug rin o!

YEHEZKIEL 13:11

Nabi nitrowai jen e, ngug tig dima milus bingwig. Dibindei ba, biget but mbras ba, hou sigau kin biget di mbras nok tig njep cem micut bihwen ngug tig dima,

YEHEZKIEL 30:18

Ei nituti dima lene dibicut minu Mesir ninyeng di jei ningwigsi ba, dibiyai nide nisindemti di ningon jei sut leu lene nidinditi minggai kep minu ndig Tahpanhes. Siceu nya mikat timiei sop nya nok awak biyuug sut.

YEHEZKIEL 38:16

Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.

DANIEL 11:40

Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

NINGAT-HI-NGAT NYA 20:9

Yo dini minjei siceu ug ei dihyei nisurti-nipekti bikrop ttai mpia di Allah de limwa nya ibong eisi di nok minu ndig di Noni ngat ningwes eisi. Noro hum di cut kros kwei leu gwamti yem yok bingwig.