YEHEZKIEL 38:4 - ALLAH NIHYET MEM TUNGWATU NYA

⁴ Midipingok ninghwak him leu lene midiba nikoisi nya bisrou niji a. Ba, dibikri noni behei sut nide nimpung tentara nya cem. Nide nimpung tentara di ibri kuda kan di ijuk sinsun di noyam dima imang bibor ba, yahagom ittei ide mun di ibipukep tibor ninggwenti nya kin singau simeda cem.

YEHEZKIEL 38:4 ပူးပေါင်းရင်းမြစ်များ

NIBOU NDIG NYA GI NICAN 19:28

Dikan tut bipia angon sibui sut Da nindig bibor. Lene dimiap tut ade ningon jeisi cem. Nogindini midiba mun koisi srou ahwap jou lene diba kuk kin ngkimom nitu buhum ahui leu binhyepo dijem na hanyen ug ei ade minu kak puig di ambut kak tirigi po akwei leu pima.”

NIBOHON MBEN ISRAEL GI NIGOM 12:8

Mpe di po Daud ningat rin ei nide dikti ei iggum ndigsi lene tentara di mimbri kui ingkek di ihwen mun kan nya di intun keret Gad him ikwei bicom yam bit noni. Yo dini ne tentara di iba mun di ibipukep ser minggwen nya leu yonti cem iba micim bikon pran kan cem ri. Mimbri kui tentara dini yok ingkek dem kep nok singa di niten-pos lene ibrim imig noyam kin rusa ninangti.

NIBOHON MBEN ISRAEL GI NICAN 25:5

Mpe dima lene Nibou Ndig Amazia nduk timiei Yehuda kin Benyamin nya yahagom bidem yam. Leu api cuk yok ba, idis yam dem igbit insi de nya gom-gom. Lene nibou tentara nimpung sribu gom kin nibou tentara nimpung sratus gom ibie tut ide nimpung tentara dima. Leu api noni nduk yo di ide njap ug ei ari bingwam nyatungwagom bikui di isindem mem gima ikon pran nya di ingon ki tut gima iba micim kin mun di ibipukep siceu ide minggwen nya bikon pran kwei. Yo dima imangti ibou sribu sratus ningai.

YESAYA 37:29

Dimiap tut ade niggati kin ade nikon nantiti dima. Nogindini diba ngkimom koisi biteu ahwap jou bidiba kuk kin ngkimom nitu buhum ahui leu binhyepo dijem na ba, angkwei kak puig di ambut kak kwei pima hanyen.”

YESAYA 43:17

Noni cuk tentara nimpung gom bitut nibou pran nya ba, iba kroba pran kin kuda pran bimbut sindem. Noro yahagom icut bingwig leu api bit bon ikiju hanyen kan bi. Imai noyam kin njeng mbrei di tungwatu nya imu hak.

YEREMIA 46:9

Kuda e, ma jidor sindem! Kroba pran e, ma jiyai je ba, jinggan! Je di pinjoi ndig di mimbri kui jingkek bijikon mun di jibipukep tibor ninggwenti ba, jitimieisi leu minu Sudan kin Libia bitut je di pinjoi ndig Lidia di jikri tibor kan e, ma jibrim jingkek!’ ”

YEHEZKIEL 23:12

Oholiba cem ningon pri kep mben Asyur bibor hak ug. Yo dima ne tentara pinai pilei di ubbu ngat di ibri kuda kan nya kin pinjoi ndig nya kin nibou di inyeng jei nya kin tentara di ijuk sinsun ningwoi-nghei nta ri.

YEHEZKIEL 29:4

Midiba nikoisi bisrou aji bidibindei ba, wau nya mirap annan leu api midibrim na leu Minyei Pmem Nil bitut wau ngot di rap annan dima cem.

YEHEZKIEL 38:15

Akiju ba, ambut leu abong kikepti di jo ting bibor ei nite bei mpia nijjai ba, aya tut tentara di nindig bibor di mipbor ngat ningkom. Yo dima ne nimpung tentara di ibri kuda kan di ikwei leu minu ngkiai nya hagom ri.

YEHEZKIEL 38:3

Apai binoni bipia Noni ne Da di tuhan Di Dinyeng Jei Bibor Ditde nitok ri.

YEHEZKIEL 39:2

Midipingok ninghwak him lene dibuwak noni behei leu minu ting bibor ei nite bei mpia nijjai kwei ei nungug him ei minu Israel.

YEHEZKIEL 39:20

Inghop mimpung tut kuda kin tungwatu di ibri kuda dima kin yo di mimbri kui ingkek tut nikon pran nya ei Ditde meja. Da di tuhan Di Dinyeng Jei Bibor disimbot dat tu.”

DANIEL 11:40

Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.

AMOS 4:2

Da di tuhan Di Dinyeng Jei ne tuhan kwes-kwau rin ba, dipreu ei mem je tu bipia ‘Jei bi ne jide siceu nya miba ngkimom koisi kin simper bikri bibikwop jahagom ug ei jingkiaisi.