YEHEZKIEL 38:22 - ALLAH NIHYET MEM TUNGWATU NYA

²² Midiba nsuwer ajar kin nisiber ninggromti bihwen noni. Midiba biget es di mbras nok tig njep kin hum kin belerang di dut bibor bihwen noni kin nide tentara nya kin ngkiai nya imang bibor di injei siceu bit noni yahagom.

YEHEZKIEL 38:22 ပူးပေါင်းရင်းမြစ်များ

NITRITI 19:24

Lene tuhan kes hum kin belerang di cig-cai kros leu mpia-bbed him kep Sodom kin Gomora.

MAZMUR 11:6

tuhan ba mun di buhun bibor kin hum kin aspal nggei kin hou di dut bibor di yem yok binggus bikes hukum ei yo di isibut bibor nya dip.

YESAYA 28:17

Ningon sren-srausi rinok nai di ibinai ig dima nikiou ba, ningon gomti rinok mun di ibinai cou nipijumti.’ ” Biget di mbras nok tig njep mibindei sar jide ningon mangti di jiba jingon com nya. Minyei di su mihwen je ei mpia di jinang coi bijiku je eisi nya.

YESAYA 29:6

tuhan Di Ninyeng Jei Bibor miba hou sigau di nimig ten bibor kin ngkit di sindem bibor biteu minu ndig dima biyai ningwes ngun bak. Noni mikes hou sigau di nimig ten bibor kin hum di cig-cai kwei.

YESAYA 34:3

Hi mitig yok bi noro misindui sut yok bijo hak bikroi ei ba, impiei hak ei ijoti. Inggrom di siber mibindei nungug nya bingwoi lewo inggrom misilip kwei leu mbigdip nya.

YESAYA 66:16

Lewo Noni miba hum kin singau simeda bikes hukum ei yo di ide nitunggweisi nya jo brei niyai him dip apino imang bibor di itug ndei hukum dima imai drek dip.

YEREMIA 25:31

Nihyet dima bong mpiati ninno ug bipek kin dihyei nisurti-nipekti. tuhan bon munhyet bit ngkiai nya. Noni mimbus yahagom ingonti leu api kes hukum ei yo di isibut bibor nya dip.’ ”

YEHEZKIEL 13:11

Nabi nitrowai jen e, ngug tig dima milus bingwig. Dibindei ba, biget but mbras ba, hou sigau kin biget di mbras nok tig njep cem micut bihwen ngug tig dima,

YEHEZKIEL 28:23

Midibindei ba, nsuwer ajar hwen na ba, nimbiam nggrom biam bidem ade simpak nya. Ade nitok nya leu nima kwei-nima kwei mihwen na bigyai nimai bak ade timiei nya. Leu api akan tut bipia Dani ne tuhan ri.’ ”

YEHEZKIEL 39:6

Midibindei ba, hum yem mpia ei minu Magog kin les him ei mpia di timiei nya ibong kei igwam kei eisi apino tungwatu nya yahagom mikan tut bipia Dani ne tuhan ri.

YEHEZKIEL 5:17

Ter leu ninggum di buhun bibor pima lene midiba nsuwer ajar di buhun bibor kin yo di isibut bibor kin pran bihwen ade timiei nya. Midiba mindhe di niten-pos biyai nimai bak amunggwom bat nya ningwig a. Da di tuhan disimbot dat tu.”

YOEL 3:2

Midinduk ngkiai nya yahagom kwei ei Mbang Briep Niya Ei Nikei Noho Bei. Leu api midigwam nok nikei mem yok. Midikes hukum ei yok dip drek dip gi ibibon Ditde limwa nya kinei. Lewo ijji mben Israel bibindei ba, intek gimahap ug ei ingkiaisi leu api ikwas Ditde minu Israel tut yam.

MATIUS 7:27

Tirigi nijam dem mem mpia but ba, minyei su bibiam sindem lene hou di ten cut cem ba, hwen ig dima apino ig dima tti binggek bingwig.”

YOSUA 10:11

Hammi tirigi tentara Amori inang leu tentara Israel bijuk leu nitinggoisi pima rino tuhan bindei ba, biget es mbras nok tig nindig bibor bitot yok kak puig sinon kikau bipek Azeka. Tentara Amori imang bibor imai tug hon biget es leu gi imai tug hon tentara Israel di ihwen yok nya.

NINGAT-HI-NGAT NYA 14:10

midut Allah de ba anggur ngei. Gima ne ba anggur ngei nigga biborti rin lewo Noni hug ba anggur ngei dima ei Nide mokti di bindo tut nigga biborti tu ba, minyei srigsi bi. Apino yo dima yahagom mitug ndei inghuisi wei ei humti kin belerang ngeisi ei malaikati di kwes-kwau nya kin Domba Pmot yoho bei.

NINGAT-HI-NGAT NYA 16:21

Biget di nok tig njep es mbras ba, tig njep es gom nibuhunti kilo ningot muhwi. Es dini cut kwei leu mpia-bbed him ug ei tungwatu nya dip bibindei ba, yo dima ikucang Allah drek dip biget di mbras nok nsuwer ajar dima lewo buhun bibor dor njiriek nindigsi nya.

NINGAT-HI-NGAT NYA 20:9

Yo dini minjei siceu ug ei dihyei nisurti-nipekti bikrop ttai mpia di Allah de limwa nya ibong eisi di nok minu ndig di Noni ngat ningwes eisi. Noro hum di cut kros kwei leu gwamti yem yok bingwig.

NINGAT-HI-NGAT NYA 8:7

Tirigi malaikati gi nigom miep nide pun mbrei lene biget di mbras nok tig njep kin hum kin nggrom srig yamti cut ug ei dihyeisi mu biyem dihyei kin biei njem nya kin mintu-minta hagom nittou nsi gom noro nittou nsi can jo.