YEHEZKIEL 38:14 - ALLAH NIHYET MEM TUNGWATU NYA

¹⁴ Gima rino tuhan Di Ninyeng Jei Bibor cuk da mem gima dipai nisokti dini bak nibou ndig Gog “Ningat ne anjei ade siceu nya lene acoi ba, ahwen Ditde limwa nya ei nitutti di yahagom ibong kei igwam kei yo.

YEHEZKIEL 38:14 ပူးပေါင်းရင်းမြစ်များ

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

YEHEZKIEL 37:28

Tirigi diwin Ditde Ig di jo ninno bijo kikau ei ikieti lene mijo nibreisi mem ngkiai nya yahagom bipia Da di tuhan didimig mben Israel ei ba, inok Ditde limwa nya.”

YEHEZKIEL 38:11

Akos tut mem gima anjei siceu ba, ahwen minu di bon ngug tig bi dima. Biken tirigi timiei minu dima ingon jo nyahan ba, ibong kei igwam kei ei minu ndig ngot di mbun nide ngug tig bi kin ide minggwen hi di ibiya ngkiem ser cem bi dima.

YEHEZKIEL 38:2

“Na di tungwatu di ayaijo kikau bi e, ma asigion Gog di nibou ndig di ninyeng jei ei minu ndig Mesekh kin Tubal ei minu Magog.

YEHEZKIEL 38:8

Ug ei ari bingwam poi bu lene midicuk no mem gima coi bihwen minu gom bitut timiei di induk yok di ibicom yam hanyen kwei leu mben ngkiai nya ikieti bibong kei bigwam kei ei minu dima. Nibou ndig Gog miyai nungug Israel di mpia mbum-bra bram di wer ig kum kroisi mimbrek ngan tu dima biyati lo, tini bu ne limwa di ingat rin eisi nya ibong kei igwam kei hanyen.

YOEL 3:1

tuhan pai “Mpe dima lene midingkwei timiei minu Yehuda kin timiei minu ndig Yerusalem ide nikei-kau-keisi hanyen bak yoni.

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

ZAKHARIA 2:5

tuhan preu ei bipia Nonti ne hum di cig-cai di nok ngug tig di bikrop ttai minu ndig dima binyohou yok lene bigwam tut Nide nisindemti kin ninyeng di jei biborti hagom eisi.”

ZAKHARIA 2:8

Tou rino njei bihwen je lene gima dem kep nok gi njei bihwen dingon kieti.” Gima rino tuhan Di Sindem Bibor cuk da biditri tut nisokti dini bak ngkiai nya di icut igkep Nide limwa nya bipos ndigban leu yok tu nya,