YEHEZKIEL 37:1 - ALLAH NIHYET MEM TUNGWATU NYA

¹ tuhan ningat rin bit da ba, Nide nisindemti kui bidem dingonti. Leu api tuhan Ninnei buwak da bikes da ei mbang briep gom di mpung tut nimai njum di ngak-cai nya.

YEHEZKIEL 37:1 ပူးပေါင်းရင်းမြစ်များ

YEHEZKIEL 3:22

tuhan ningat rin bit da ba, Nide nisindemti pijuk dingonti leu api Noni pai bida “Ma akiju ba, ambut ug ei mbang briepti leu api midimbrap bit na ei gima jug.”

KISAH 8:39

Hammi tirigi ikiju kui leu minyei ugyousi rino Allah Ninnei teu Filipus leu mpia ttou nsi dima. Andigpoi dima ngat noni bu bi. Noro ba ningon di llei bibor bikak puig dima kikau.

YEHEZKIEL 33:22

Mmunti nipou tirigi noni kwei krau bigyo ne tuhan ningat rin bit da ba, Nide nisindemti pijuk dingonti. Gima rino tirigi no dima kwei krau mem njap di hyep bu rino tuhan bindei ba, diji nggan bidimbrap hanyen bu.

YEHEZKIEL 1:3

Leu api tuhan mbrap bit da ba, Nide nisindemti kui da tirigi dibong simiak Minyei Kebar ei minu Babel.

YEHEZKIEL 8:3

Mun di nok tungwatu dima su ninda bikrau dibou nta leu api diba ningat-hi-ngat pima bingat lo, Allah Ninnei kon da anai ug ei hou him bibuwak da ug ei tuhan De Ig ei minu ndig Yerusalem. Noni kes da kui dimbou di ibicoi ug ei mpia di jo bas hak ei ninsi gom di jo ei nite bei mpia nijjai. Ba, kwar di tungwatu nya ikuk yok bak di bibon tuhan nigga biborti jo ei sirima.

NINGAT-HI-NGAT NYA 1:10

Allah Ninnei bie tut da mem njap nigwam ninghuisi. Ba, dimiap nihyet nindig bibor ei dinghim dip di nok pun mbrei nugwei bong di tibim.

LUKAS 4:1

Mpe dima lene Yesus ngkwei hanyen leu Minyei Yordan nyai ba, ningon mpung tut Ninnei Gi Kwes. Leu api Ninnei Gi Kwes bie tut Noni ug ei iggum ndigsi,

YEHEZKIEL 40:1

Nijam di nibong ei ningkiaisi dima ne njap gi nisimnai mem bed gi nigom ei ari bingwam gi nyatungwagom ba, muhwi ri. Nijam dima ne ari bingwam gi nisimnaibrimigtai niabiati minu ndig Yerusalem cut leu su ri. Njap dima ne dingkek kan bipia tuhan de nisindemti sindem tut da bibuwak da ba, nuug.

YEREMIA 7:32

Gima rino tungwatu nya mijem mpia dima ninyeng Tofet kin Mbang Briep Hinom ei nidipti bu bi noro mijem ninyeng Mbang Briep Nibui Mikwau. Tungwatu nya mitig nimai ei mpia dima lewo jui dip hiter nya hagom mpung ser tu.

YEHEZKIEL 11:24

Tirigi dingat ningat-hi-ngat dima lene Allah Ninnei buwak da bingkwei da hanyen bikes da bak yo di ibong ei ingkiaisi ei minu Babel leu api ningat-hi-ngat dima pren leu da,

YEHEZKIEL 3:14

tuhan de nisindemti coi kwei ei dingonti sindem bibor ba, Ninnei kon da bittei da apino dingon mpo-mpam ba, wam cem.

YEREMIA 8:2

Iket injum dima leu ijui bijo keyam mem gima itig hanyen ei dihyeiti bu bi. Noro iba injum dima yok bimbin mpia ei dihyei ninjek dip nok mumpiang hak. Injum nya mijo sinsiou hak ei mpia njap kin bed mmun kin ham mpia-bbed him nya di yo dima ikuk yok bak di ingon ngakei cem igyai midyai mem cem ikuk yok bak cem yahara bindo puig biyok cem hagom yoho bei.

NIBOU NDIG NYA GI NICAN 2:16

Bipai binoni “Nyeni nibou ningot muhwi nahagom nimbut sindem. Ma asindui sut nye ba, ninggok-nggok nyen ser ade andigpoi e? Mpaba tuhan Ninnei buwak noni ug ei mbigdip gom e, he ug ei mbang briep gom bikes noni ei mpia dima tu e?” Noro Elisa buhup “E bi! Jinggok ser noni au.”

NIBOU NDIG NYA GI NIGOM 18:12

Notou mem da gino duug pai akweisi binoni lo, tuhan Ninnei teu na ug ei minu hiter di dikan tut bi i? Tirigi nibou ndig kwei nggok ser na lo, ngat angat bi lene noni miyai nimai bida drek dip. Ma ayok ngon kep bipia habiei dimien kwei bipek ammani kep lene diba dingon gom bikuk da bak tuhan.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

YEREMIA 7:2

buug biya kui dimbou pmem ei tuhan De Ig lene tri tut biyok “Je di timiei minu Yehuda di jicoi ug jicoi kwei nyen ei dimbou pmem dini bijikuk je bak tuhan e, ma jingig jitingou mem tuhan nihyet.

YEHEZKIEL 37:2

Noni buwak da binimbut bidem mbang briep dima nisurti-nipekti bidingat lo, nimai njum dima mang bibor ba, hagom ngak-cai.

YEHEZKIEL 43:5

tuhan Ninnei kon da ba, buwak da ug ei mpia di jo bas hak di jo ei sirima bidingat lo, tuhan De Ig mpung tut Nide nisieng-siausi di piga kei di bindo bipia Allah ningat rin ei mpia dima.

YEHEZKIEL 8:1

Nijam di icom nye ug ei ningkiaisi mbut ba, ug ei njap gi nimuhwi mem bed nimuhwindagom ei ari bingwam gi nimuhwindagom tu lene timiei Yehuda nya di icom yok dima ide nibou nya ikwei ngat da ei ditde ig ba, igwam nyen bit da. Leu api tuhan Di Ninyeng Jei Bibor de nisindemti mpung pias hagau ei dingonti kros.