YEHEZKIEL 36:3 - ALLAH NIHYET MEM TUNGWATU NYA

³ Mpe di mben di ibong ttai je icoi jide minu bihwen je ba, ipos ndigban leu je pima ne ighyet kinei sut mben Israel yahagom.

YEHEZKIEL 36:3 ပူးပေါင်းရင်းမြစ်များ

MAZMUR 35:25

Ma abigen ser yok tirigi inyohou pai biyam “Sigyo, nyeni ningon kanti pek kep mem noni ba, niyai nimai bak noni tu!”

MAZMUR 61:1

Doia Daud mem no di bie tut doia nimpung di ikek nggong mbrei.

MAZMUR 69:12

Ipa ndip da drek dip gi dijuk sinsun kron dem kep nok no di ningon ngguk tut nimai.

MAZMUR 79:10

Ma acuon ser ngkiai nya di ihig ser yam tut nye bipai “Ide Allah no hantou i?” Asindui sut ba, ningat hukum di akes ei yo di igyai nimai bak Ade awak nya dip bou nyeni niyai him.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

NIPINGOK NINGONTI 1:12

Nok gino no dima bong kei gwam kei binggwen bi lo, jei bi lene noni minok no di um mun di buhun ri!

YEREMIA 18:16

Yoni ibimangkrei minu dini bibindei ba, tungwatu nya igyai ngkek ttin ser ba, ingon mpo tut. Yo di injiriek mpia dini mikit ibou leu ba, minga leu sut lewo ingon buhun tut.

YEREMIA 2:15

Ide siceu nya inok singa di yau binggok yok bibindei ba, ide minu noyam kin iggum ndigsi. Ide minu nya timek bingwig bidem kep nok ha he bong.

YEREMIA 24:9

Midibindei ba, mun di buhun di biyai ingon di ttin bibor micut ei yok dip ba, biyai nittin bak ngkiai nya ei dihyeisi dini nisurti-nipekti. Tungwatu nya iba ighyet bicig yok lene iba yok bilor yam ba, ighyet wer mpiahi tut yok bidem mpia di dicom yok ug eisi nya cem hagom. Tungwatu nya iba mben Israel inyeng bisigion yam.

YEREMIA 33:24

“Angig atingou kep mun di ngkiai nya ibohom ndat di bitut mben Israel kin Yehuda tu e? Ibohom ndat bipia dicom mben cin di didimig yok ei dima tu. Gima rino ibisrip huk Ditde limwa nya nok yo di ibon inyeng bi ba, ibingat yok nok mben hi rin bu bi.

YEREMIA 51:34

Nibou ndig minu Babel ya kep minu ndig Yerusalem bitimek lene biyem hagom bingwig. Noni bindei minu ndig dima bingwak dem kep nok tungwatu ibindei ngwak ampou a. Minu Babel dem kep mindhe di nindig bibor di pinde minu ndig Yerusalem titut yam lene pos ndigban nyeng di kei hagom biduhwen bicom niken.

YEREMIA 52:1

Tirigi po Zedekia sindi nok nibou ndig mem minu Yehuda pima lene nide njap ug ei ari bingwam ningot can ba, gom leu api ninyeng tak kep limwa nya mem ari bingwam simnaibrimiggom bu. Nipmem ninyeng Hamutal di Yeremia leu Libna nipmisop.

NIBWOS-BWOS NYENTI 2:2

tuhan ngondut yo po ibindei sar bikwop minu mien ei minu Yehuda hagom bi o! Noni ba Nide niggati bihwen tentara nibousi di igya coi nya di ibicuon minu dima hagom bilus ningwig o! Noni bindei timek nibou ndig nya bitut ide ninyeng tak kep limwati nya yahagom ei minu dima apino nimmai jun yok o!

NIBWOS-BWOS NYENTI 2:5

tuhan bon Nonti nok siceu bibui minu Israel kikau bitti o! Noni ya kep tentara nibousi di igya coi nibicuon niyaisi nya bitut ig nibou ndig cem ba, hagom timek ningwig lene biyai ningon ngguk biborti bijo ninno bak timiei minu Yehuda nya o!

NIBWOS-BWOS NYENTI 3:62

Ibohom dat dinghapti njap jei mem gima ikinei sut da bitin ei ingon kanti di kinei bibor.

YEHEZKIEL 12:20

Siceu nya mibindei timek minu ndig di mpung tut timiei nya hagom ba, miai di ide nya miwer iggum ndigsi. Leu api yoni mikan tut bipia Dani ne tuhan ri.”

YEHEZKIEL 13:10

Nabi nitrowai jen! Jibindei srawir Ditde limwa nya tug hon gi jipai bipia mun nyeng hagom mbut kin gi kei ba, mpia mbum-bra. Noro nok gima bi sren! Ditde limwa nya iba tig mma biwin ngug tig di ngkiem bi di mitti-tti nyen leu api je di nabi nitrowai jikwei ba, jiba cet kapur he bihwen kep.

YEHEZKIEL 35:13

Mben Edom e, jinsi bbed bijiba jingon di jei bitri tut jihyet biDa. Dimiap gima yok hagom tu.

YEHEZKIEL 36:5

Noni pai “Diba Ditde nigga biborti di cig-cai bipai kep ngkiai nya di ibong ttai je ba, dibipai kep mben Edom pijum. Yo dima iba ingon di kei kin ingwes di pri gau Da biyai Ditde dihyei bigyati lene ijem Ditde minta nidumti nya bou yok nok ide.

DANIEL 9:16

Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.

IMAM NYA IDE MIDYAI 26:43

Noro suar dibindei dihyei dima noyam kin ha ngunti ba, timiei nya ibong ser bu bi nipou ug e. Leu binhyepo ningat ne dihyei dima bong kep ninghuisi hak. Lene suar Ditde limwa nya itug ndei hukum ba, ikum ningwam di ibon bak Dani drek dip gi po igibit didimigsi kin dicuk yokti nya bi pima.

OBAJA 1:13

Dem tut gima jicoi ug ei Ditde limwa nya ide minu ndig bijingon kei kep ide ninghuisi wei di om yok bijipos ide ndigban di inyeng tut nya ei njap di yuum mun di buhun bi.

KORINTUS GI NIGOM 4:13

gino ikkin kep nyeni ninghapti lene niba ningon di nggriu birop hanyen biyok. Ibibon nye noyam kin mumpiang dihyeisi dini. Nyeni ne nggruau ei tungwatu nya igyai him nipou kwei bipek ammani kep.

NINDAT KEP TUHAN NICUKTI NYA 28:37

Mben hiter di ingat je ei mpia di tuhan bindei ntek gimahap je ug eisi midigit tut mun di cut igkep je. Yoni miba ighyet bicig-cig nyen je ba, ibipa tut je cem.