YEHEZKIEL 32:6 - ALLAH NIHYET MEM TUNGWATU NYA

⁶ Midiba anggrom di disiber biprok nungug him nya ba, anggrom muut kep minyei nibiamti nya cem.

YEHEZKIEL 32:6 ပူးပေါင်းရင်းမြစ်များ

NEHEI LEUSI 7:17

Gima rino disok kep noni bipia mbigom mijo nibreisi mem noni bipia Dani ne tuhan rin tug hon mindur nya di midibon ug ri. Mpe dima lene ma attei ade tom ba, abui Minyei Nil ningwa dip apino minyei minok nggrom.

YESAYA 34:3

Hi mitig yok bi noro misindui sut yok bijo hak bikroi ei ba, impiei hak ei ijoti. Inggrom di siber mibindei nungug nya bingwoi lewo inggrom misilip kwei leu mbigdip nya.

YESAYA 34:7

Tungwatu nya mikrop noyam kin sapi nehek kin sapi nehen pap. Nimbiam nggrom mibindei minu di ide bingwoi-ngwau ba, mpung tut nimbiam ninggrom kin nimbiam nimmau cem.

YEHEZKIEL 35:6

Gima rino dipai tug hon Da di Allah di niyaijo kin tuhan Di Dinyeng Jei Bibor cem dinyeng bipia Allah dimig nimaisi ei mem je. Bit bon jingwes ngun leu nimai dima kan bi. Jibon mun tunggwei lewo jihwen mun apino nihwen munti huk bram je.

YEHEZKIEL 35:8

Midiba jingut bijun nungug hagom ba, mbigdip kin mbang briep nya mpung tut nimbiam ngut di ikrop ei pranti a.

NINGAT-HI-NGAT NYA 14:20

Bak di ikimut ba anggur ngat eisi dima jo ei minu ndig dima nisai. Ba anggur ngei dima dem kep nggrom bibiam sindem bibor kikau ug ei minu ting bibor bidem kilometer sratus ningai lene nijutti dem meter gom biniken.

NINGAT-HI-NGAT NYA 16:6

Lewo yo dima isiber Ade limwa nya bitut Ade nabi nya inggrom. Gima rino abindei ba, idut ninggrom nok minyei. Ibiang igyai munti dima nibuhunti bitug ndei imuhup sur igyai munti.”