YEHEZKIEL 32:26 - ALLAH NIHYET MEM TUNGWATU NYA

²⁶ Minu ndig Mesekh kin Tubal ingat rin ei mpia dima ba, ide tentara nya ijui bigahai yonti ijui a. Yahagom ikrop ei pranti nipou tirigi igyai midut sunat bigyo. Tirigi igyaijo yo ne ibindei ba, ningon ttin biborti kiju ei dihyeisi dini.

YEHEZKIEL 32:26 ပူးပေါင်းရင်းမြစ်များ

YEHEZKIEL 27:13

Aug tri ade ndigban ei minu Yunani kin minu ndig Tubal kin Mesekh leu api abiwim awak nya ba, abipek ndigban di iba ngkimom-tembaga bibon cem.

NITRITI 10:2

Yafet nimunggwom bat di intun noni him inyeng rino Gomer kin Magog kin Madai kin Yawan kin Tubal kin Mesekh kin Tiras.

YEHEZKIEL 39:1

tuhan Di Ninyeng Jei Bibor pai, “Na di tungwatu di ayaijo kikau bi e, ma apai kep nibou ndig Gog di ninyeng tak kep minu Mesekh kin Tubal nya. Apai bak bipia nide nitok rino Dani.

YEHEZKIEL 32:32

Dani rino dibindei di nibou ndig minu Mesir yai nittinti bak yo di igyaijo nya. Noro noni kin nide tentara nya mikrop ei pranti leu api yuug bong bit yo di ikan tut Allah bigyo di ikrop ei pranti yahagom. Da di tuhan Di Dinyeng Jei Bibor disimbot dat tu.”

YEHEZKIEL 32:27

Hi ba midut di bon ninyeng bitig yok noyam kin yo di mimbri kui ingkek di ibrim ingkek di nipou nya bi. Yo di ibrim ingkek di mimbri kui ingkek ijuk ug ei minu nimai nya ide bitut ide minggwen hagom poi ggai. Itig yo dima ba, ibitau singau simeda. Lene ikes mun di ibipukep tibor ninggwenti nya bijo ei ingget dip. Mpe di igyaijo yo ne yo dima ibrim ingkek bibor ba, hiter nya yahagom ittin tut yok.

NIBOHON MBEN ISRAEL GI NIGOM 1:5

Yafet yai nipmot bat nya di inyeng rino Gomer kin Magog kin Madai kin Yawan kin Tubal kin Mesekh kin Tiras. Yo dini ne pung di mem mben di iba yok bijem inyeng hanyen nya intun him ri.

NITRITI 10:12

kin Resen ba, Resen jo ei Niniwe kin Kalah nikieti. Minu ndig dini yok hagom nindig krop.

YESAYA 66:19

lene midikes mun di bindo ninyeng gom ei ikieti. Mididimig ibou poi di ingwes ngun leu api dipinak yok ndam ngkiai nya di ibong ei minu ting bibor di imiap tut Dani bi sren yo kin gi ingat Ditde ninyeng di jei biborti kin Ditde nisindemti bou igyai him bigyo nya. Midipinak yok ug ei minu Spanyol kin Libia kin Lidia di bon nikri kep tibor cig nya kin Tubal kin Yunani nya. Yoni mitri tut Ditde ninyeng jei biborti ei mben ngkiai dima yok ikieti.