YEHEZKIEL 32:23 - ALLAH NIHYET MEM TUNGWATU NYA

²³ Ijui no jo ei minu nimai nya ide di jo nijou ngat ei minu nimai nya ide. Tirigi igyaijo yo pima ne ibindei ba, ngkiai nya yahagom ingon ttin bibor. Noro tini bu ne ijui bigahai minu Asyur de jui dip.

YEHEZKIEL 32:23 ပူးပေါင်းရင်းမြစ်များ

YEHEZKIEL 26:20

Midipinak na ug ei minu nimai nya ide apino abicom yam bit yo di imai ei nijam gi nipou nya. Disindui sut na ba, abong kikau ei minu nimai nya ide dima ei ig kum kroisi di jo mimbrek ngan tu bit yo di imai su nya. Apino hi mibong ser atimieisi ba, kwop anyeng bit yo di igyaijo nya inyeng bu bi.

YEHEZKIEL 26:17

Leu api ikon doia nibitig nimaisi dini drek dip na di nibimbiti pai bipia, Minu ndig di ninyeng jei bibor cut hak tu! Icok tut nide kibar minyei nya hagom leu muk ndigsi tu. Timiei nya di nipou inyeng tak kep bidem muk ngeisi titut yam pima ibindei ba, yo di ibong les him nya ittin tut yok.

MAZMUR 27:13

Dikan tut bipia tuhan de mun di kei nya mipek kep mem da tirigi diyaijo ei dihyeisi dini.

YEHEZKIEL 32:32

Dani rino dibindei di nibou ndig minu Mesir yai nittinti bak yo di igyaijo nya. Noro noni kin nide tentara nya mikrop ei pranti leu api yuug bong bit yo di ikan tut Allah bigyo di ikrop ei pranti yahagom. Da di tuhan Di Dinyeng Jei Bibor disimbot dat tu.”

YEREMIA 11:19

Didem kep domba di ijem nyahan ug ei mpia di ikos kep domba nya eisi. Ikos tut ingon kanti di kinei dima mem dani lo, digikan tut bi. Yuhum yam nsi “Jikwei ba, iwim biei di ngat ningat kei dini. Icok tut noni hak ug leu binhyepo tungwatu ingon prion ser ninyeng hak ug.”

YESAYA 38:11

Sipai bipia misingat tuhan bu ei dihyeisi dini bu bi ba, misingat tungwatu dihyeisi dini bou siyai him bu bi.

MAZMUR 142:5

Mpe di dikiek da bidingat sir dintig-tta lene dingat hi gi mpu da bi. Hi di ya srak ko hagau da bicuon diyaisi cem bi.

MAZMUR 116:9

Gima rino dikan tut bipia tuhan ningat rin bit da mem nijam dino diyaisi jo ei yo di igyaijo nya ikieti.

AYUB 28:13

Ningon ki nibousi ningat rin ei tungwatu ikieti bi. Hi di kan tut ningon ki dima nibok ngig-ngat bi.

NAHUM 1:14

Gini ne tuhan nikos tutti di bitut mben Asyur ri. Yoni mimbun imunggwom di intun yok him mem gima ibinut ide nintun yam him yamti di bram yok nya bu bi. Midibindei timek kwar di ikuk yok bak ei ide kwar nibousi nya hagom. No ditin ei jui mem mben Asyur tu lewo dem tut gima igyaijo bu bi!

YESAYA 14:17

No dini ripo ya kep minu ndig nya di timek ba, bindei dihyeisi dini binok iggum ndigsi e? No dini ripo kes tungwatu di kat yok leu ingkiaisi bi sren ug ba, sindui sut yok bingkwei hanyen ug ei itimieisi bi e?’