YEHEZKIEL 32:2 - ALLAH NIHYET MEM TUNGWATU NYA

² Na di tungwatu di ayaijo kikau bi e, ma asok kep nibou ndig minu Mesir sindem. Atri tut Ditde nisokti dini bak “Mbro nok gino awer na singa nehen pap ei mben nindigsi nya ikieti lo, adem kepti rino unggor di bong kep minyeisi. Aba amig biroi minyei ba, abindei mumpiang bingwig ei minyei hagomti cem.

YEHEZKIEL 32:2 ပူးပေါင်းရင်းမြစ်များ

NITRITI 49:9

Yehuda ne singa nehen pap di briug nide mun di yem bingwig ri. Leu api noni ngkwei hanyen ug ei nahamti bitit nimig ninda bibong nyahan ba, hi brim ningkek mem gima bindin noni bi.

AYUB 41:23

Ningkek dip bon ninggriusi hi bi. Hagom ngkiem-kiau noyam kin ngkimom nitu di bit bon tungwatu nya inggek kan bi.

AYUB 7:12

Nggon rima angig ayai kep da ba, aya ser da kikau i? Akan bipia dani ne mindhe naga di niten-pos di bong ei muk jou rin e?

NIPINGOK NINGONTI 25:26

No di singat kei di cut bak no di sibut bice tut ningon kanti rinoyam kin minyei bousi di nghet kin bak di mumpiang joti.

NIPINGOK NINGONTI 28:15

No di sibut di ninyeng tak kep limwa di indwau sut imati nya dima noyam kin mindhe singa di yau-yau nyen kin mindhe beruang di lus-lus nyen.

NIPINGOK NINGONTI 30:30

Mindhe singa di sindem bibor dor njiriek mindhe-ndhe nindigsi nya ba, gittin tut mun nyeng hi bi.

YESAYA 27:1

Mpe dima lene tuhan miba nide singau simeda di sindem di ninggwenti nggres kei bikes hukum ei mindhe Lewiatan di srei di nghau-nghau nyen dima dip ba, yai nimai bak mindhe naga di bong muk ngeisi cem.

YESAYA 51:9

tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.

YEREMIA 4:7

Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.

YEREMIA 46:7

Tou ridem kep Igmem Ndig Nil di kui mpia bidem kep igmem di su di yon kep nipimat nya dima i?

YEREMIA 46:8

Gima ne minu Mesir di kui mpia bidem kep igmem di su di yon kep nipimat nya ri. Minu Mesir com nihyet ‘Midikiju ba, dinyeng mitak kep dihyeisi dini titut yam. Dibindei sar minu ndig nya kin timiei di ibong ser nya cem.

YEREMIA 9:18

Lene timiei Yehuda nya ipai “Acuk yok leu binhyepo ibipbur bikwei pim ba, ibikiek nimai mem nahagom bibindei ba, niyai nggwei kibor bisilipti ningyoi nya.”

YEHEZKIEL 26:17

Leu api ikon doia nibitig nimaisi dini drek dip na di nibimbiti pai bipia, Minu ndig di ninyeng jei bibor cut hak tu! Icok tut nide kibar minyei nya hagom leu muk ndigsi tu. Timiei nya di nipou inyeng tak kep bidem muk ngeisi titut yam pima ibindei ba, yo di ibong les him nya ittin tut yok.

YEHEZKIEL 27:2

“Na di tungwatu di ayaijo kikau bi e, apai doia nitig nimaisi dini mem minu ndig Tirus.

YEHEZKIEL 27:32

Leu api ikon doia nibitig nimaisi gom mem nani di pai ‘Na di minu ndig Tirus e, tou rinoyam kin nani i? Na di minu ndig Tirus e, tini bu ne asar minyei jou ba, abbwe-bbwau ei muk ngeisi.

YEHEZKIEL 28:12

“Na di tungwatu di ayaijo kikau bi e, ma apim nggruet tut nibou ndig Tirus. Ma apai sut mun di Da di tuhan Di Dinyeng Jei Bibor dipai sut noni bipia nipou pini jug ne abon nanti nok bindo tug hon ade nikei-kau-keisi. Nipou yo ne angon ki bibor ba, awer ubbu ngat cem!

YEHEZKIEL 29:15

dor njiriek minu hiter ei dihyei njek dip hagom. Midibindei ba, jijet-jop bibor apino bit bon jinyeng tak kep mben hiter nya bijikon jinyeng bijei kan bi.

YEHEZKIEL 29:3

tuhan Di Ninyeng Jei Bibor cuk da biditri tut nisokti dini bak nibou ndig minu Mesir. “Na di unggor ndig bibor di abong ei minyei nggimau yon e, Dani ne ade nitok ri. Asuglai mun bipia ajem Minyei Pmem Nil bou na nok ade lewo nani rino apai tes a.

YEHEZKIEL 32:16

Nisok kep ngkiemti dini rinok doia ningon nggukti. Nimpung sop mben hiter nya mikon doia dima binok doia ningon ngguk tut minu Mesirti bitut nide limwa nya yahagom. Da di tuhan Di Dinyeng Jei Bibor disimbot dat tu.”

YEHEZKIEL 32:18

“Na di tungwatu di ayaijo kikau bi e, ma angon ngguk tut limwa minu Mesir nya ug. Apinak yok ug ei minu nimai nya ide bit minu di isindem nindigsi nya.

YEHEZKIEL 34:18

Lewo jibou poi jingon cut hon gi jiyem kep abris di kei bibor he bi noro jico kep gi hi di jiyem bi ariwace kindi-kindok! Jidut minyei di pimbai kei he bi noro jico kep minyei di jidut bi bijibindei nghet!

YEHEZKIEL 38:13

Timiei minu Syeba kin Dedan kin nitri-nipek mun cig di ibong ei minu Spanyol nya mihig ser noni ‘Apo acuk ade tentara nya mem gima ipos ndigban cem icincau bipos mas kin perak kin mindhe-ndhe nimuhup tu nya ba, jipian gima yok hagom bijuug sut e?’ ”

MBEN ISRAEL IMBUT-MBUT NYEN 24:9

Mben Israel dem kep nok mindhe singa nikre kin niwek di bong mai kep ninghuisi. Tou ribrim ningkek biwin noni i? Tungwa tou rino ngat nadi tindei mun di kei mem yok miyai mun di kei hanyen leu Allah. Tungwa tou rino mbriom yok mitug ndei nimbriomti hanyen leu Allah.”

MATIUS 7:24

“Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.