YEHEZKIEL 32:19 - ALLAH NIHYET MEM TUNGWATU NYA

¹⁹ Apai biyok ‘Jikan bipia jeni rino juubbu ngat dor njiriek nindigsi nya e? Mijijuk ug ei minu nimai nya ide bijibong nyahan ei yo di ikan tut Allah bi nya ikieti.’

YEHEZKIEL 32:19 ပူးပေါင်းရင်းမြစ်များ

YEHEZKIEL 31:18

Biei dima bindo tut nibou ndig minu Mesir bitut nide limwa nya. Biei di hei ei miai Eden hi gi jei bibor ba, kei-kau nok biei dima bi. Noro tini bu ne biei dima juk ug ei minu nimai nya ide noyam kin biei Eden nya bibicom yam bit yo di ikan tut Allah bi kin yo di ikrop ei pranti nya. Da di tuhan Di Dinyeng Jei Bibor disimbot dat tu.”

YEHEZKIEL 32:24

Minu Elam ningat rin ei mpia dima ba, nide tentara nya ijui bigahai minu Elam de jui dip ba, ikrop ei pranti nipou tirigi igyai midut sunat bigyo leu api ijuk ug ei minu nimai nya ide. Tirigi igyaijo yo ne ibindei ba, ngkiai nya yahagom ingon ttin bibor noro tini bu ne imai ba, suar ibiang ide nimmai sut yonti nibuhunti bit yo di ikrop ei pranti nya.

YEHEZKIEL 32:21

Tentara di mimbri kui ingkek di ibrim ingkek nya kin yo di itti kin mben Mesir di ikon pran nya iba ingon di nggei-hi-nggei bicigit mben Mesir bikwei ei minu nimai nya ide. Yahara ‘Yo di ikan tut Allah bi dima ikrop ei pranti ba, nogindini yo rini kwei ba, ikwei bong ei mpia dini o!’

YEHEZKIEL 31:2

“Na di tungwatu di ayaijo kikau bi e, ma atri tut Ditde nisokti dini bak nibou ndig minu Mesir kin nide limwa nya yahagom bipia, Nani ne ndigpoi ndig di mipbor ngat nijit ri! Hi di noyam kin nani bi!

YEHEZKIEL 28:10

Tungwatu di ikan tut Allah bi nya migyai nimai bina ba, amaisi dima noyam kin yo di ibon inyeng bi nya imaisi. Da di tuhan Di Dinyeng Jei Bibor disimbot dat tu.”

SAMUEL GI NIGOM 17:36

Dibui singa nya kin beruang nya bimai lene midibindei mai ngkiai mben Filistin dima cem bimai drek dip gi noni srep huk Allah di niyaijo de tentara nya.

SAMUEL GI NIGOM 17:26

Lene Daud hig ser yo di igya ei sirima “Ui! No di ngkiai di mben Filistin dima brim ningkek bisrep huk Allah di niyaijo de tentara e! No di bindei timek noni bibindei ba, noni minim kep nye di mben Israel bu bi mitug ndei mindei ngan i?”

YEHEZKIEL 32:26

Minu ndig Mesekh kin Tubal ingat rin ei mpia dima ba, ide tentara nya ijui bigahai yonti ijui a. Yahagom ikrop ei pranti nipou tirigi igyai midut sunat bigyo. Tirigi igyaijo yo ne ibindei ba, ningon ttin biborti kiju ei dihyeisi dini.