YEHEZKIEL 31:9 - ALLAH NIHYET MEM TUNGWATU NYA

⁹ Dani rino dibindei di kei bibor kei di bitut ninda nya di jei ndig ngat di nimeng nggrou kei dima. Biei ninyeng hi di hei ei Allah de miai mitou ngohousi kin biei nghousi ibou dut ser noni.

YEHEZKIEL 31:9 ပူးပေါင်းရင်းမြစ်များ

YEHEZKIEL 28:13

Ba, abong ei Allah de miai Eden. Aba tig permata ninyeng hagom bimau sinsun ade ba, tig permata dima rino tig delima kin tig intan kin tig topas kin tig pirus kin tig yakut kin tig ratna kin tig cempaka kin tig nilam kin tig zamrud kin tig alkali ningwoi cem. Aba mas cem mang-mang bimau nanti. Ndigban dima yok jo nijoti mem na mpe di dipai tes nani.

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

NITRITI 13:10

Lene Lot cap ser minu dima bingat mbang briep ndig ei Yordan nyai bingat lo, bon minyei nimangti kikau ug bipek minu ndig Zoar ba, noyam kin tuhan de miai kin minu Mesir cem. (Minu dima hagom nok gima nipou tirigi tuhan cok tut Sodom kin Gomora bigyo.)

ZAKHARIA 11:2

Buom nitu nya e, ma jipim nggruet lewo buom di jei nya itti tu. Biei ubbu nya hagom tti tu. Biei ndig ngat di ya ei hanjop Basan e, ma jipim lewo hum cok tut bigbehei di dimbun nya titut yam bijjem hak tu.

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

YEHEZKIEL 31:18

Biei dima bindo tut nibou ndig minu Mesir bitut nide limwa nya. Biei di hei ei miai Eden hi gi jei bibor ba, kei-kau nok biei dima bi. Noro tini bu ne biei dima juk ug ei minu nimai nya ide noyam kin biei Eden nya bibicom yam bit yo di ikan tut Allah bi kin yo di ikrop ei pranti nya. Da di tuhan Di Dinyeng Jei Bibor disimbot dat tu.”

YEHEZKIEL 31:16

Mpe dino dicom biei dima ug ei minu nimai nya ide lene nitti ug ei dihyeisi nibimbiti biyai mben nya bingon ttin bibor. Biei ei miai Eden kin biei di kei bibor kei ei minu Libanon di minyei bindei ba, nggrou kei nya hagom di ijuk ug ei minu di jo dihyei jou ngat nipou su nya ingon kei sut biei dima nittiti.

YEHEZKIEL 17:24

Biei nindigsi nya ei minu dima hagom mingon huk niti bipia Dani ne tuhan ri. Diwim biei di jei ndig nya lene dibindei ba, biei mon nya hei bijei ndig. Dibindei biei di ngun-ngau nya mui bingak-cai lene dibindei ba, biei di mui nya nikioi tug hanyen ba, bimahan kep. Da di tuhan disimbot dat tu ba, mun di dipai nya hagom mipek kep.”

YEHEZKIEL 17:22

tuhan Di Ninyeng Jei Bibor pai “Mididahat buom di jei bibor ninggrupti leu api didahat ninda di krop hi. Midita ninda dima ei nungug di kui sur bumbuhui nijun kepti,

YEHEZKIEL 16:14

Ngkiai nya yahagom ikon anyeng tut ade nuubbuti di ubbu ngat dima. Lewo Dani rino dibindei di anok sop ubbu ngat. Da di tuhan Di Dinyeng Jei Bibor disimbot dat tu.

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

NIBA NINGON SRIP HUKTI 4:4

Lene dikan tut bipia tungwatu nya igyai midyai sindem drek dip gi ingat yo di inttig-tta nya ide ndigban di itug ndei leu midyai di ibrim ingkek tut nya. Gima yok hagom ne mun di bit bon dingon dorti tut kan bi rin ba, dem kep nok niyon igkep hou nimig.

NIPINGOK NINGONTI 27:4

Ningon di nggrom kep hiter ne sisar rin binggek tut noro tou rahau mem hiter di ningon kinei sut noni i?

SAMUEL GI NIGOM 18:15

Tirigi Saul ngat lo, Daud yai bipek kep midyai di yai nya hagom nok gi kei lene ttin tut noni nindig bibor bu.

NEHEI LEUSI 9:16

Noro disindui sut noni biniyaijo leu binhyepo dindo Ditde nisindemti binoni apino tungwatu nya mitri tut dinyeng di jei kikau ug bipek minu nohon keti.

NITRITI 37:11

Gima rino nikindig bat nya ingon kinei sut noni noro nicig bisrip tut Yusuf de mun di mumpriem nya ei ningonti.

NITRITI 26:14

Noro timiei minu Filistin nya ingon kinei sut noni drek dip nide mindhe-ndhe nya nok domba nya kin sapi nya mang bibor bitut nide awak nya cem imang bibor.

YEHEZKIEL 36:35

Leu api yahagom minggap leu sut. Lewo beisi di nipou ngoi-nga dima tini bu ne noyam kin Miai Eden bu. Minu di nipou timek bingwig dima tini bu ne mpung tut timiei nya di ipindi tentara nibousi di igya coi nya hanyen tu.