YEHEZKIEL 31:3 - ALLAH NIHYET MEM TUNGWATU NYA

³ Adem kep buom minu Libanon di nddong kei bimpung tut ninda di tti tut nimeng di nggrou kei ba, kei bibor kei cem. Ninjem sren kei ba, ninggrupti di sren kei dima kui sur bumbuhui nijunti.

YEHEZKIEL 31:3 ပူးပေါင်းရင်းမြစ်များ

MAZMUR 92:12

Dingat ditde siceu nya di ikiju kep da di ihwen da icut bou diyai him. Dimiap tut ingon kanti di kinei di ikos tut mem dani cem tu.

YESAYA 37:24

Apinak ade tungwatu bipai-pai wai bipia abindei timek nungug di jei bibor nya ei Libanon tug hon ade kroba pran di mang bibor dima tu. Abikon nanti tut bipia awim buom Libanon di ninggrup jei bibor ba, kei-kau-kei nya tu. Lene abiya bidem bigbehei dima di dimbun kei nya cem tu.

YEREMIA 17:8

Noni dem kep nok biei ndig di hei simin minyei pmem di biam ba, nigau huk kikau ug bipek kin minyei ngeisi. Noni ttin tut ngei-ndung bi. Nimeng ngun-ngau bijo kikau. Mbro nok gino ngei-ndung tot nide minu bibindei ba, hagom mui bingwig lo, ningon giku no tut bi lewo ngat ningat bijo kikau.

YEREMIA 50:18

Gima rino Da di tuhan Di Disindem Bibor di Allah Israel midikes hukum ei Nibou Ndig Nebukadnezar kin nide minu dip noyam kin gi dikes hukum ei nibou ndig minu Asyur dip.

YEHEZKIEL 17:22

tuhan Di Ninyeng Jei Bibor pai “Mididahat buom di jei bibor ninggrupti leu api didahat ninda di krop hi. Midita ninda dima ei nungug di kui sur bumbuhui nijun kepti,

YEHEZKIEL 19:11

Ninda di tug ninjem sindem ba, krop mem gima idahat bi. Ba, ninjem dem mem gima irop binok tom ninyeng tak kepti mem nibou ndig. Ninggrupti jo anai bibor ug bipek kin bumbuhui nijunti. Tungwatu nya yahagom inggap leu sut noni lewo jo anai bibor ba, nimeng nggrou cem.

YEHEZKIEL 31:10

Gima rino tuhan Di Ninyeng Jei Bibor pai bije tut mun di mipek kep mem biei di kui ninno di ninggrupti kui sur bumbuhui dima. Nijeisi kum eisi bibindei ba, nikon nonti cem bikum eisi,

YEHEZKIEL 31:16

Mpe dino dicom biei dima ug ei minu nimai nya ide lene nitti ug ei dihyeisi nibimbiti biyai mben nya bingon ttin bibor. Biei ei miai Eden kin biei di kei bibor kei ei minu Libanon di minyei bindei ba, nggrou kei nya hagom di ijuk ug ei minu di jo dihyei jou ngat nipou su nya ingon kei sut biei dima nittiti.

YEHEZKIEL 31:17

Yoni minjei bit ug ei minu nimai nya ide ba, ibicom yam bit biei di tti bicut nipou su nya. Lene yo di nipou yo igwam coi biei behei dima yahagom intek gimahap bibong ei mben ngkiai nya ikieti.

YEHEZKIEL 31:5

Minyei di pingge leu bi dima bindei ba, buom dima hei kin gi nnum ba, ninda nindig ngat ba, jei cem. Noni rino jei ndig bibor bidor njiriek biei bigbehei nya hagom.

YEHEZKIEL 31:6

Ha nya ninyeng hagom itot yaham ei ninda nyati. Mindhe-ndhe di hek nya ibep imien nya ei ninda behei a. Ngkiai nya di igya bidem dihyeisi dini hagom igwam kep inghuisi ei nibehei di bon nohousi a.

YEHEZKIEL 31:8

Dem mem gima ibinai buom ngot di hei ei Allah de miai Eden kin noni bi. Buom di kui sur noni kin biei di ninda jei ndig nok noni hi bi. Jit, biei di kei bibor kei nok noni hi hei ei Allah de miai bi.

YEHEZKIEL 32:22

Minu Asyur bong ei mpia dima. Iba ide tentara nya ijui bigahai minu Asyur lewo yahagom ikrop ei pranti.

DANIEL 4:10

Tirigi dibong mai lene dingat ningat-hi-ngat gom. Biei di jei ndig krop ninjem gom hei ei dihyeisi dini ninggimau.

DANIEL 4:12

Nimeng nggrou ba, ningat di kei-kau-kei ntun him. Ningat dima mang bibor bidem mem tungwatu dihyeisi dini hagom ipuk bigyem. Mindhe-ndhe di yehek bi nya ikkou bibong igbit nohousi. Ha nya cem itot yaham bidem ninda nya ba, mun di ninnei tau nuhwap nsi ninyeng hagom igyem ningat di ntun him nya cem.

DANIEL 4:7

Tirigi yo di ingon ki kin yo di nung kui yok kin yo di inda dut kin yo di iko mun ibinggok tut ndiyok nya yahagom idem yam ei su leu api dipai sut mumpriem dima biyok noro bit bon ipai ningat bida kan bi.

ZEFANYA 2:13

Gima leu api tuhan miba Nide nisindemti bihwen mben Asyur bitimek hak. Noni mibindei ba, minu ndig Niniwe nigkumti noyam kin mpia nintiti kin iggum ndigsi di ngoi bibor cem.

ZAKHARIA 11:1

Hanjop Libanon e, ma akau ade dimbou pmem nya leu binhyepo hum yem ade buom di jei nya!

ZAKHARIA 11:2

Buom nitu nya e, ma jipim nggruet lewo buom di jei nya itti tu. Biei ubbu nya hagom tti tu. Biei ndig ngat di ya ei hanjop Basan e, ma jipim lewo hum cok tut bigbehei di dimbun nya titut yam bijjem hak tu.

NIJAM NIKEI NYA 9:15

Lene cibou nggwen dima buhup ‘Gino jahagom jice tut yam bipia dinok nibou ndig mem je lene ma jinduk yam bijigwam coi da. Gi bi lene mbigom hum di cig-cai misror kwei leu ditde ninda-nda nya biyem baham bitut buom Libanon nya.’ ”