YEHEZKIEL 31:2 - ALLAH NIHYET MEM TUNGWATU NYA

² “Na di tungwatu di ayaijo kikau bi e, ma atri tut Ditde nisokti dini bak nibou ndig minu Mesir kin nide limwa nya yahagom bipia, Nani ne ndigpoi ndig di mipbor ngat nijit ri! Hi di noyam kin nani bi!

YEHEZKIEL 31:2 ပူးပေါင်းရင်းမြစ်များ

YEHEZKIEL 29:19

Gima rino Da di tuhan Di Dinyeng Jei Bibor dipai bipia midiyai minu Mesir bak Nibou Ndig Nebukadnezar. Noni miba nisibut bicat ide ndigban bikikam hagom bingwig ba, pian ide mun di inyeng tut nya hagom buug sut bikwas tut nide tentara nya nok imuhup.

YEHEZKIEL 31:18

Biei dima bindo tut nibou ndig minu Mesir bitut nide limwa nya. Biei di hei ei miai Eden hi gi jei bibor ba, kei-kau nok biei dima bi. Noro tini bu ne biei dima juk ug ei minu nimai nya ide noyam kin biei Eden nya bibicom yam bit yo di ikan tut Allah bi kin yo di ikrop ei pranti nya. Da di tuhan Di Dinyeng Jei Bibor disimbot dat tu.”

YEHEZKIEL 30:10

tuhan Di Ninyeng Jei Bibor pai “Midiba Nibou Ndig Nebukadnezar leu minu Babel bindei timek ndigban di mben Mesir inyeng tut nya hagom.

NINGAT-HI-NGAT NYA 10:11

Dimiap nihyet gom di cuk da “Ma atri tut Allah ningon kanti mbigom kin bu bak minu nya kin mben nya kin nihyet nya kin nibou ndig nya.”

YEREMIA 1:17

Yeremia e, ma atin ei! Aug ngat yok ba, atri tut dicuk nati nya hagom biyok. Ma attin tut yok au. Leu binhyepo dibindei ba, attin yok nindig bibor bu tirigi aya ei yoho bei bi.

YEREMIA 1:5

“Nipou tirigi dipai tes na ei apmem ninghopti ba, noni srek tut na bigyo lene didimig na bidikon anyeng nok nabi mem mben dihyeisi dini hagom.”

YEHEZKIEL 29:15

dor njiriek minu hiter ei dihyei njek dip hagom. Midibindei ba, jijet-jop bibor apino bit bon jinyeng tak kep mben hiter nya bijikon jinyeng bijei kan bi.