YEHEZKIEL 30:9 - ALLAH NIHYET MEM TUNGWATU NYA

⁹ Mpe di njap dima dem ba, minu Mesir timek tu lene midipinak tungwatu nya di ibri kibar minyei nya mem gima yuug bigyai mben Sudan ingon di digit biyok lewo ikan tut minu Mesir nicutti bi. Ba, gima mibindei ba, igwam nittinti. Ningat ne njap dima dideu su!”

YEHEZKIEL 30:9 ပူးပေါင်းရင်းမြစ်များ

YESAYA 23:5

Gino mben Mesir cem imiap tut minu ndig Tirus nitimekti lene midigit tut ba, ighyet sra tut cem.

ZEFANYA 2:15

Mun dima yok hagom micut igkep minu ndig di ninggei ngwig sut nide nisindemti di kan bipia ibong kei igwam kei dima. Timiei nya ikan bipia ide minu ndig dima nindig bibor dor njiriek minu ndig dihyeisi dini hagom. Ayo! Minu dima mpia mbum-bra bibor lewo hi di bong ser bi. Noro mindhe-ndhe bigbehei nya he rino itot yaham eisi! Yo di ikak puig binjiriek minu ndig dima midigit tut ba, ingkek hyenha tut.

ZEFANYA 2:12

tuhan mikes hukum nimai ei timiei minu Sudan nya cem dip.

AMOS 4:2

Da di tuhan Di Dinyeng Jei ne tuhan kwes-kwau rin ba, dipreu ei mem je tu bipia ‘Jei bi ne jide siceu nya miba ngkimom koisi kin simper bikri bibikwop jahagom ug ei jingkiaisi.

YEHEZKIEL 39:6

Midibindei ba, hum yem mpia ei minu Magog kin les him ei mpia di timiei nya ibong kei igwam kei eisi apino tungwatu nya yahagom mikan tut bipia Dani ne tuhan ri.

YEHEZKIEL 38:11

Akos tut mem gima anjei siceu ba, ahwen minu di bon ngug tig bi dima. Biken tirigi timiei minu dima ingon jo nyahan ba, ibong kei igwam kei ei minu ndig ngot di mbun nide ngug tig bi kin ide minggwen hi di ibiya ngkiem ser cem bi dima.

YEHEZKIEL 33:33

Nihyet di tibim ei ahui him hagom mipek kep mem yok. Tirigi tto bou dima dem ne mijo nibreisi mem yok bipia nabi gom ngat no srig ikieti.”

YEHEZKIEL 27:35

Yo di ibong muk nipimat yahagom imiap tut mun di cut igkep na apino idigit tut. Nibou ndig di ide nya cem ittin bibor biyon ningkek di henha ei yokti ba, gima jo nibreisi ei iimaisi a.

YEHEZKIEL 26:16

Nibou ndig di inyeng tak kep minu di jo sir muk pimat nya mingat mun di cut igkep na lene mikiju leu ide banggo mbrei bijuk ide sinsun nibou ndig kin sinsun di iba minghas linen bibon bikes ei leu yok. Leu api igwam nidigit-digoiti ei dihyeisi. Ittin bibor ba, gi mbun ingon jo nyahan kan bi.

YEREMIA 49:31

‘Jikwei ba, yuug bihwen yo di ikan bipia ibong nyahan igwam nyahan dima! Minu ndig di ide jo bas hak lewo bon dimbou pmem kin ngkimom nitu nibikibi dimbou pmemti cem hi bi.’ ”

YEREMIA 49:21

Mpe dino minu Edom cut lene tungwatu nya mimiap nibimbi di nindig bibor di bindei ba, dihyei dini ugwa-kwei. Timiei ighyet di yahara nya mitibim kikau ug bipek kin Muk Lipigya.

YESAYA 47:8

Gima rino na di ata abou ei nuhuk bram ningon llei biborti e, ma angig atingou mem Dihyet! Akan bipia abong kei agwam kei ba, hi ginoyam kin nani bi. Akan bipia aginok kibom ba, ade nintun him yamti di bram yam nya misar bi sren.

YESAYA 20:5

Yo di iba ingon com mben Sudan ba, inggei sut mben Mesir cem ne minso ba, ide niba ningon com yo dimati mitimek hak.

YESAYA 20:3

Mpe di tentara Asyur igyon ttai minu ndig Asdod ne tuhan pai “Ditde awak di Yesaya mbut tut ningat ngu ba, juk srop cem bi mem nijam ari bingwam ningai tu. Gini ne bindo di bindo tut mun di micut igkep mben Mesir kin Sudan ri.

YESAYA 19:17

Nihyet di kui yam bibor ei minu Yehuda rinok mun di biyai nidigit bak mben Mesir ba, bipingok kep ingonti tut tuhan Di Ninyeng Jei Bibor Nide nikos tutti di bitut yoni.

NIJAM NIKEI NYA 18:7

Gima leu lene ibou muhwi dima ikiju bimbut ug ei minu ndig Lais. Lene ingig igyai kep timiei di ibong ei minu ndig dima ba, jo nibreisi mem yok bipia timiei Lais igyai kepti noyam kin mben Sidon igyai kepti. Mbro nok gino mben Lais iba ibou coi mem tungwatu nya ba, mun nyeng hi bindin yok bi ba, ibong kei igwam kei cem lo, tungwatu di imbuk tut yok hi bi. Ibongti kin imati kin igyemti dem mem yok ba, mun nyeng hi di nggruk mem yok bi.

TESALONIKA GI NIGOM 5:2

Lewo jikan mungkun tut Tuhan de njap nikwei hanyenti di mittau kep nye dima midem kep ninggimang mun cig di ttau mem mmun.

YEHEZKIEL 24:14

Da di tuhan Di Dinyeng Jei Bibor disimbot dat tu. Njap ngon bou dem mem gima dibindei nani tu. Midibbwe ser ade sisar bidikos ser bi. Ba, dingondut nani cem bi. Atug ndei hukum drek dip ade nibon munti nya hagom. Da di tuhan Di Dinyeng Jei Bibor disimbot dat tu.”

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.