YEHEZKIEL 30:3 - ALLAH NIHYET MEM TUNGWATU NYA

³ Ma aba nihyet dini bahara ba, abibwos-bwos nyen cem bipia, Ayo! tuhan de njap dideu kwei su o! Noni miyai nibou tut haninyai ug rin o! Njap dima dindi ba, wer bumbuhui ningkom ei nituti di ngkiai nya mitug ndei hukum o!

YEHEZKIEL 30:3 ပူးပေါင်းရင်းမြစ်များ

MAZMUR 110:6

Noni mikes hukum bidem ei ngkiai nya dip bibindei ba, ingut di wer nimbiam mikui sur mpia. Noni mibindei sar nibou ndig dihyeisi dini hagom ningwig a.

MAZMUR 37:13

Noro tuhan pa ndip yo di isibut nya lewo Noni kan tut bipia igyaijo ningwig honti dideu su.

NEHEI LEUSI 14:20

Cou bumbuhui dima jo hacan ei mben Mesir kin mben Israel ikieti bibindei ba, nidinditi nggai kep mben Mesir lo, nipigati piga digai mben Israel. Gima rino bit bon idideu yam mem mmun dima kikau binjap kep kan bi.

NEHEI LEUSI 14:24

Lo bi lene tuhan po gwam nai cou hum kin cou bumbuhui dip pima cap tentara Mesir nya ei gimu mem itangganti bibindei ba, yahagom ingon tai-tai bou sut mun di micut igkep yok.

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YESAYA 13:9

tuhan de njap mikwei ba, njap dima ne tuhan bindei mbut nigga biborti kin nimbuk biborti di bindei ninggap leusi. Noni mibindei ba, dihyeisi dini nok iggum ndigsi ba, bikwop yo di ibon sisar misar.

YESAYA 19:1

Gini ne nisok nihyetti tut mben Mesir ri. tuhan kwei ei minu Mesir bikui bumbuhui di bit hou haninyai. Kwar di tungwatu nya ikuk yok bak nya ei minu Mesir yahagom idigit-digoi ei Noho bei lene mben Mesir ingon mien ttin.

YEREMIA 25:31

Nihyet dima bong mpiati ninno ug bipek kin dihyei nisurti-nipekti. tuhan bon munhyet bit ngkiai nya. Noni mimbus yahagom ingonti leu api kes hukum ei yo di isibut bibor nya dip.’ ”

YEHEZKIEL 13:5

Igya ser mpia di ngug tig tti leusi nya ba, igikinding ngug tig nikineisi dima yok bi. Gima rino ei njap di Da di tuhan dibindei ba, pran di biang hukum di dikes ei yok dip dima cut kwei lene yoni mingkiem ser Israel kan bi.

YEHEZKIEL 29:12

Midibindei minu Mesir ba, mpia mbum-bra bram. Minu Mesir nimbum-brati dor tunggwei bibor leu minu hiter ide nimbum-brati a. Minu ndig ngot ei minu Mesir miwer ig kum kroi bibor dor njiriek minu ndig nindigsi nya ide niwer ig kum kroisi nya. Midibindei ba, mben Mesir inok yo di ipri-pri nyen bintek bidem minu hagom bibong ngkiai ei yo di hiter nya ikieti he.”

YEHEZKIEL 30:18

Ei nituti dima lene dibicut minu Mesir ninyeng di jei ningwigsi ba, dibiyai nide nisindemti di ningon jei sut leu lene nidinditi minggai kep minu ndig Tahpanhes. Siceu nya mikat timiei sop nya nok awak biyuug sut.

YEHEZKIEL 32:7

Nituti dima dibindei sar nani ne midinggai kep ser mpia-bbed him bidibindei ba, ham com nimig haigtu bi. Midiku mpia njap bijo nding ei bumbuhui ninghim lene bed com nimig bi.

YEHEZKIEL 34:12

noyam kin gembala di hek tut nide domba nya di noni jem hanyen kwei leu israwir eisi. Midijem yok hanyen kwei leu minu di israwir eisi hagom mem njap di mmun ken nggai kep yok ei mpe di po icut bak ide siceu nya pima.

YEHEZKIEL 7:10

Njap di mun di buhun cut igkep mben Israel tau tu. Nisibutti digek tu. Tungwatu nya ide ninggei sut yonti kui bipek kin ninggram him tu.

YEHEZKIEL 7:12

Nituti kwei haninyai ba, njap dima cem dideu tu! Nitri-nipek mun cig mitug ndei ningat nibikum eisi hi bi. Lewo Allah mikes hukum ei yo di yahagom dip.

YEHEZKIEL 7:19

Yoni micom ide mas kin perak ei puig sinon nok mumpiang. Lewo ei njap di tuhan siber niggati ei yok dip ne bit bon mas kin perak dima teu yok bingwes ngun kan bi. Noro mas kin perak dima bindei ba, icut ei sisarti. Iba mas dima bimpu ingon priti bicut ba, igyem mas kin perak dima kep inggumti kan bi.

YEHEZKIEL 7:7

Je di mben di jibong ei minu dini e, mun nyeng hagom ngwig hon nohonti mem je tu. Nogindini nibon pestati ei nimbar hum dok ngot di jo ei nungug him bu bi. Niyok nisinsiou ei niti he rijo ba.

YOEL 1:15

Tto bou di tuhan preu ei mem je dideu su. Njap dima mibindei ba, jahagom jidigit tut lewo tuhan Di Sindem Bibor mibindei ba, jitimek bijingwig.

OBAJA 1:15

“Njap di Da di tuhan digwam nok nikei bidimbus ngkiai nya yahagom ingonti dideu su. Midibuhup mun di mben Edom ibon bak yonti hanyen. Ingkek kan bipia mun di ibon micut igkep yok hanyen.

ZEFANYA 1:14

tuhan de njap nimbus tungwatu ingonti dideu kwei su. Igbit ri! Njap dima dideu bibor bitau kros kep nye ri. Njap dima mpung tut ninghuisi wei bibor di bindei ba, tentara di mimbri kui ingkek nya cem mipim kui jei drek dip ide ningon dahat leusi!

ZEFANYA 1:7

tuhan de njap dideu kwei su ba, ei njap dima ne Allah miyai nibou tut Nide limwa nya igyai munti nya. Gima rino ma joom jenti nyahan ei Noho bei hak ug. tuhan tin ei mem gima ba Nide limwa nya yonti njem bibon midut di noyam kin midut nindig mindhe-ndhe ei nimbar hum dokti. Ba, Noni nduk mben Yehuda ide nitok nya kwei mem gima ihwen yok.

MATIUS 24:33

Nok gima cem tirigi jingat mun pima yok hagom pek kep mem je tu lene jikan tut bipia tto bou dideu kwei su.

FILIPI 4:5

Handei kon ba, tungwatu yahagom ingat bou igyai him bipia jiba jibou coi mem yam lewo jei bi ne Tuhan mikwei hanyen.

YAKOBUS 5:9

He disut bat jen, ma jinso yam bijinjei kep yam nyen-nyen au leu binhyepo Allah kes hukum ei je dip bi. Lewo Nikei dima ttau ei dimbou heisi kwei su.

NINGAT-HI-NGAT NYA 6:17

Lewo njap di bindei di tungwatu nya ingon digit tut yok ttau kep nye tu ba, tou rima ningwes ngun leu inda nsi i?”