YEHEZKIEL 30:2 - ALLAH NIHYET MEM TUNGWATU NYA

² “Na di tungwatu di ayaijo kikau bi e, ma atri tut ahyet ba, abipai bak mben Mesir tut mun di Da di tuhan Di Dinyeng Jei dipai biyok nya.

YEHEZKIEL 30:2 ပူးပေါင်းရင်းမြစ်များ

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YESAYA 14:31

Minu ndig Filistin nya e, ma jipim kui jei bijahara mem tungwatu nya ikwei mpu je! Ma jahagom jihyet kui yam tut ba, jidigit ei yamti! Bumbuhui ttou gom di nok dihyei ntui kui dat mpia-bbed him leu nite bei mpia nijjai ba, bindo tut nimpung siceu di injei kwei ri. Ba, nibindei ttin cig hi srig ikieti bi.

YESAYA 15:2

Timiei minu ndig Dibon nya ikui ug ei mbigdip mem gima ipim ei mpia di ikuk yok bak kwar nya eisi a. Timiei minu Moab iba ingon di ngguk bipim nggruet tut minu ndig Nebo kin Medeba. Ikak ibou nta kin yuhui nta leu nok bindo tut gi yuum ningon nggukti.

YESAYA 16:7

Gima rino nnaba mben Moab ipim kui jei sut yam. Gino ingon kan njita di kei di igyem kep ei minu ndig Kir-Hareset bingon ngguk tut lene nnaba ipim bibikiek ug. Nnaba ingon ku yonti ba, inso-nso nyen hak ug.

YESAYA 23:1

Gini ne nisok nihyetti tut minu ndig Tirus ri. Niyai midyai ei muk ngwa dip cig leu minu Spanyol di jiba kibar bimbut muk ndigsi e, ma jipim ba, jibwos-bwos nyen! Mpe di jibri kibar ba, jijo leu Mios Siprus lene jimiap tut bipia minu ndig Tirus timek tu. Muk nuhuisi di kibar yati dima kin ig nya nggek sinsiou tu.

YESAYA 23:6

Timiei mukti e, ma jipim ba, jibwos-bwos nyen leu api jingwes ngun ug ei Spanyol cem.

YESAYA 65:14

Ningat ne yoni miba ingon di nggei-hi-nggei bimbos-hi-mbos nyen noro jiba jingon di ngguk bibor bipim.

YEREMIA 4:8

Gima rino ma jipim bijiba nicot pai cem. Jijuk sinsun kron di bindo tut ningon nggukti cem lewo tuhan De nigga biborti di cig-cai cut leu minu Yehuda bigyo.

YEREMIA 47:2

tuhan pai “Angat i! Minyei biam kwei leu nite bei mpia nijjai ba, kui mpia bidem kep minyei ndig di su bihwen minu dini bitut mun di joti nya kin minu ndig nya bitut timiei di ibong niti nya cem. Tungwatu nya yahara nimpu yokti ba, limwa nya yahagom mipim nggruet.

YEHEZKIEL 21:12

Na di tungwatu di ayaijo kikau bi e, apim nggruet ba, abahara! Lewo singau simeda dima tin ei mem gima hwen Ditde limwa nya bidat Israel ide nibou di ibie tut yok nya bitut ide limwa nya titut yam leu api yahagom misar. Gima rino ma aba angon di ngguk bibor bittem angon him.

YEHEZKIEL 30:1

tuhan mbrap bu bipai,

YOEL 1:11

Je di jiyai miai e, ma jingon ngguk bibor! Je di jinyohou ba anggur e, ma jiyai nggwei kibor! Lewo hum yem jide gandum nitu kin gandum-jelai hagom bitut njita nindigsi bijjem bingwig leu je tu.

YOEL 1:5

Je di pes pu je e, ma jikiju bijiya! Je di nidut ba anggur ngei cig e, ma jiyai nggwei kibor! Lewo hai ceng nya igyem ningat di sindi ntun ba anggur him bingwig leu je tu.

ZEFANYA 1:11

Timiei minu ndig nite bijehei jen e, mpe di jimiap gima yok lene ma jipim ba, jibwos-bwos nyen. Lewo nitri-nipek mun cig nya kin yo di idahat mitiei ngwam bak hi ter nya itug ndei nimai hak tu!

ZAKHARIA 11:2

Buom nitu nya e, ma jipim nggruet lewo buom di jei nya itti tu. Biei ubbu nya hagom tti tu. Biei ndig ngat di ya ei hanjop Basan e, ma jipim lewo hum cok tut bigbehei di dimbun nya titut yam bijjem hak tu.

YAKOBUS 5:1

Disut bat je di jinyeng bibor e, ma jingig jitingou mem ditde nipingok jeti ug e. Ma jiyai nggwei kibor ba, jipim nggruet cem tut mun di buhun bibor di micut igkep je hak ei nidipti bu!

NINGAT-HI-NGAT NYA 18:10

Igya igyati ei minu ting lewo idigit tut bipia mpaba yoni cem mitug ndei hukum bit noni. Ba, yahara “Ayo! Ayo! Notou mem na di minu ndig Babel di anyeng jei ba, asindem bibor i? Atug ndei hukum ei jam gom ngat he!”