YEHEZKIEL 3:3 - ALLAH NIHYET MEM TUNGWATU NYA

³ Noni pai bida bu “Na di tungwatu di ayaijo kikau bi e, ayem srat kijum dini di diyai bina hak ug. Apwoi srat kijum ei anghopti.” Lene diyem srat dima bingwig lo, nyop bidem ahwei lon ningei ei dinsi.

YEHEZKIEL 3:3 ပူးပေါင်းရင်းမြစ်များ

AYUB 23:12

Dibit Allah nicuk dati nya bikwop mmun-njap. Digibit mun di diyok dingon mem nya bi leu binhyepo dibit Nonti ningon kanti nya.

MAZMUR 119:103

Ahyet ui-gwang kei ba, nyop kei dor njiriek ahwei lon ningei cem!

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 119:97

Dingon ngakei Ade nicukti nindig bibor. Dikan-kan nyen tut bikwop mmun-njap hagom.

MAZMUR 19:10

Nikuk nye bak tuhanti dima ne kwes-kwau. Dem tut gima ikuk nye bak bijo ninno bijo kikau. tuhan nikos tutti nya hagom igbit cem sren-srau cem bijo ninno bijo kikau.

MAZMUR 19:11

tuhan nikos tutti nya bon ninyeng ba, brim ingon nindig bibor leu mas di indig kep hum bipimbai kei. Gima yok nyop kei dor njiriek ahwei lon ningei di pimbai kei.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

YEREMIA 20:9

Ne gino dikan “Nna ba misingon prion ser tuhan hak ug ba, sitri tut nihyet tug hon Nonti ninyeng bu bi.” Noro ahyet noyam kin hum mbom di drit ei dingon bei. Dibingon mem gima diku ahyet ei dingonti noro dindei bi.

YEREMIA 6:11

tuhan e, Ade nigga yokti dima tit hum ei dingonti. Nggruk mem gima doom dingonti tut a.” Leu api tuhan pai bida “Asiber ningon sibuisi dima ug ei munggwom di ingat rin ei puig ndigsi nya kin pilei di idem yam ei gom nya dip. Siceu nya mikat pinai nya kin sop nya ug ei ingkiaisi. Yo di ide njap ug ninno tu cem mingwes ngun leu bi.

YEHEZKIEL 2:10

Ninda dima kwek srat kijum dima bidingat lo, srat bokti jo bei ninghim noho. Nipas kepti dima tut ningon di ngguk biborti kin ninso-nso nyenti kin niweisi.

YEHEZKIEL 2:8

Na di tungwatu di ayaijo kikau bi e, ma ayok ngon kep dihyet lene ma aham ambuk kep Dani au. Noro ma ahap aji ba, ayem mun di diyai bina hak.”

YEHEZKIEL 3:4

Allah pai bida bu “Na di tungwatu di ayaijo kikau bi e, ma aug ngat mben Israel ba, atri tut mun di disok ei na dip bak yoni.

YOHANES 7:38

Lewo Allah nihyet pai ‘Minyei niyaijo nijep mibiam kwei leu no di ba ningon com Da ningonti.’ ” (

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.