YEHEZKIEL 3:20 - ALLAH NIHYET MEM TUNGWATU NYA

²⁰ Gino no di ningon kwes-kwau sindi ngkwei hanyen ndam mun di mbuk bibor leu api disindui sut ba, mun di buhun cut igkep noni lo, asok kep noni bi lene noni mitug midut drek dip nide sisar. Midiyok ngon kep niyai munti di kei bibor nya pima bu bi noro suar abiang nimaisi nibuhunti hanyen.

YEHEZKIEL 3:20 ပူးပေါင်းရင်းမြစ်များ

NIBOHON MBEN ISRAEL GI NICAN 24:2

Ei nijam di Imam Yoyada niyaijo yo lene Yoas bon kep mun nyeng di bipwoi tuhan ningon kikau.

NIBOHON MBEN ISRAEL GI NICAN 25:15

Nibon munti dima bindei ba, tuhan gga Amazia bicuk nabi gom buug ngat noni. Nabi dima pai bak “Nggon rino Na Di Andigpoi akuk na bak mben ngkiai ide kwar di isindem mem gima iteu ide limwa nya leu anda nsi di ingwes ngun ug bi dima i?”

MAZMUR 119:165

Yo di ingon ngakei Ade nikos tutti nya ijo nyahan ba, ibong kei igwam kei. Hi di bindei ba, icut bi.

MAZMUR 125:5

Noro ma akes hukum ei yo di ingon can nya dip ei mpe di akes hukum ei yo di isibut nya dip. Asindui sut ba, Ade limwa nya ibong kei igwam kei!

MAZMUR 36:3

No dima kon nonti nok no di mipbor ngat apino ningon guhukti tut nitunggweisi nya bi. Ningon hukti bi apino ningon gimpo tut niyai munti di kinei nya bi a.

NIPINGOK NINGONTI 25:12

Nisok kepti di no di ningon ki bipingok hiter di nitingou dile ningonti nibok kak bibor dor njiriek srak kin miep di iba mas di pimbai kei bibon.

YESAYA 64:6

Nahagom nirom ndok ba, nyende niyai munti di kei nya noyam kin minyahas di map kui ba, mpiei bibor. Nyende sisar mibindei ba, nisar biningwig noyam kin mahai-meng di mui bibit hou.

YESAYA 8:14

Dingon kwes-kwausi rinok tig mma nindig di bindei ba, timiei Yehuda nya kin mben Israel indrat bicut. Dinok bon di timiei minu ndig Yerusalem nya ibiam.

YEREMIA 34:16

Noro niabiati bu jiluei jingonti ba, jibindei map kui dinyeng tug hon gi jikat awak di igyati kwes hanyen ba, jibidip huk yok binok awak mem je hanyen bu.

YEREMIA 6:21

Midibindei ba, indrat ndiyok bikinoi. Pinai nya kin imunggwom bat nya kin yo di inttig-tta nya kin ide adig-ajoi nya yahagom misar bingwig.”

YEHEZKIEL 14:3

“Na di tungwatu di ayaijo kikau bi e, yo dini ikuk yonti bak kwar nya apino icut ei sisarti tu. Leu api nggon rima ihig ser Da i?

YEHEZKIEL 18:24

Gino no di ningon kwes kes hon ba, yai mun di igbit bu bi noro sindi ngkwei hanyen kep mun di mbuk bibor di mpiei bibor biyai bram yo di imbuk bibor nya igyai kepti nya ne no dima hek tut niyaisi e? E bi! Midiyok ngon kep niyai munti di kei bibor nya bu bi leu api noni miyai nimai drek dip ningon di gom bi kin nide sisar nya cem.

YEHEZKIEL 18:26

Gino no di ningon kwes kes hon ba, yai mun di igbit bu bi noro sindi ngkwei hanyen kep mun di mbuk bibor ne noni miyai nimai drek dip niyai munti di mbuk bibor nya.

YEHEZKIEL 3:18

Gino disok dihyet tut no di mbuk igkei ei nani dip bipia jei bi ne no dima mitug midut lo, asok kep no dima leu binhyepo noni ttin ser nide sisar biningwes ngun bi lene noni mimai ei nide sisarti noro suar abiang nimaisi nibuhunti hanyen.

YEHEZKIEL 33:18

Dindat kep mbigom kin bu bipia gino no di ningon sren kes hon bibon kep mun di kei bibor bu bi noro sindi bon kep sisar hanyen lene noni mitug ndei nimai drek dip.

YEHEZKIEL 33:6

Ne gino no di ya ser ngat siceu nya di idideu kwei su noro bui brem-brem di bitto tut siceu nya ikweisi bi leu api ikwei hwen yo di ibon sisar ne suar no di ya ser buhup hanyen biDa tut yahagom imaisi.

YEHEZKIEL 7:19

Yoni micom ide mas kin perak ei puig sinon nok mumpiang. Lewo ei njap di tuhan siber niggati ei yok dip ne bit bon mas kin perak dima teu yok bingwes ngun kan bi. Noro mas kin perak dima bindei ba, icut ei sisarti. Iba mas dima bimpu ingon priti bicut ba, igyem mas kin perak dima kep inggumti kan bi.

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

IMAM NYA IDE MIDYAI 19:17

Harin dima jingon koi kep nindigsi nya a. Ma jimbus yam ngonti leu binhyepo jingon kwes kin yam apino mijicut ei sisarti drek dip yam bi.

ZEFANYA 1:6

Midibindei sar yo di ikuk yok biDa bi nya kin yo di yahara Da leu binhyepo dibie tut yok bi nya kin yo di iba inghim biDa kin yo di ikou sut gi ibit dihyet yahagom.”

MATIUS 18:15

“Gino asut hi bon sisar tut na lene ma aug ngat noni ba, ando nide sisar brei bak nyahan binding leu nindigsi nya igyai him. Gino noni ce tut ade nipingokti lene bindo bipia jingon kwes kin yam hanyen tu.

LUKAS 2:34

Simeon ngat nadi tindei mun di kei mem yok leu api pai bak ningwoi-ngwoi nipmem Maria bipai “Allah dimig munggwom dini leu binhyepo Noni mibindei sar mben Israel imang bibor lene mibindei ba, imang bibor igyai niteu leu sisarti bigyai niyaijo nijep. Noni minok bindo di kwei leu Allah leu api tungwatu nya imang bibor misrep tut Noni

LUKAS 8:15

Njita ngan di cut ug ei dihyei suti bindo tut yo di imiap nihyet leu api ipwoi ei ingon di gomti kin ingon di kwes keiti. Yo dini ita ibou eisi bikui dip ningat di kei ntun him.”

ROMA 11:9

Daud cem pai sut yok, “Nnaba tirigi ibon pesta lene ma ibiam bon tug hon pesta di srou yok dima di nok juig di bindei cut yok ei nikineisi ba, itug ndei hukum!

KORINTUS GI NIGOM 1:23

Noro tut nyeni ne nitri tut Kristus nimai ei biei salibti. Mben Yahudi ingon mpo tut nihyet dima ba, ngkiai nya ikan bipia nihyet dima ne nihyet minyei he ri. Lene ngkiai nya ikan bipia nihyet dima ne nihyet pei mbum ri.

NINDAT KEP TUHAN NICUKTI NYA 13:3

ma jingig jitingou mem nihyet au. Lewo tuhan di nok jide Allah ba no dima bibingon je leu binhyepo Noni mikan tut bipia jiba jingon titut bingon ngakei Noni e, he bi e.

IBRANI 10:38

Ba, Ditde limwa di ingon sren nya migyai niyaijo lewo ingon gom tut Da. Noro dijoi sut Ditde limwa di ingkwei hanyen nya bi.”

IBRANI 13:17

Ma jibit jide nibou nya ide nicuk jeti nya ba, jibou cut biyok. Yoni inyohou jingonti bikwop mmun-njap lewo suar ibuhup hanyen bak Allah drek dip igyai munti nya. Gino jibit ighyet lene yoni miba ingon di llei biyai midyai nya. Gi bi lene iba ingon di buhun binyohou jingonti apino gima bindei bijiyai mun di kei nya hi bi.

PETRUS GI NIGOM 2:8

Lene Allah nihyet hi bu pai “Tig mma dima mibindei bitungwatu nya indrat bicut.” Indrat lewo ingon jo kep nihyet bi. Lo, gima bit leu Allah ningon kanti mem yok.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.