YEHEZKIEL 3:15 - ALLAH NIHYET MEM TUNGWATU NYA

¹⁵ Leu api duug krau minu Tel Abib di mben Israel ibong ser ei ingkiaisi simiak Minyei Kebar. Dibong nyahan ei sirima mem mmun-njap muhwindacan lewo mun po dimiap bidingat bou diyai him cem pima hagom bindei ba, dibou ngwak sibui nindig bibor.

YEHEZKIEL 3:15 ပူးပေါင်းရင်းမြစ်များ

MAZMUR 137:1

Nigwam ei mam bei simiak minyei nggram nya di biam ei minu Babel biniyai nggwei kibor tirigi niyok ngon kep Sion.

AYUB 2:13

Lene igwam bit noni ei dihyeisi mem mmun-njap muhwindacan lo, yahap iji bi lewo ingat igbit nide ninggwenti di buhun bibor dima.

YEHEZKIEL 1:1

Ug ei hon njap gi nimuhwi ei bed gi nibitai mem ari bingwam gi ningot ningai lene da di Imam Yehezkiel di dicig ninyeng Busi dibong bit mben Yehuda ei ingkiaisi simiak Minyei Kebar ei minu Babel. Mpe dima lene dingat lo, mpia-bbed him kau leu api Allah ndo ningat-hi-ngat gom bida.

NITRITI 50:10

Tirigi ikwei krau gumihyep di tungwatu nya ibui gandum ngan eisi ei Goren-Haatad ei Yordan nyai nite dima ug lene ipim kui jei sut nimai. Lene Yusuf bon midut ningon ngguk ei mpia dima kikau mem mmun-njap muhwindacan.

HABAKUK 3:16

Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.

YEHEZKIEL 10:15

Kerub dima yok ripo nipou yo dingat ei Minyei Pmem Kebar nipimat pima. Lene ipri bikui ug ei anai.

YEREMIA 23:9

Ditri tut nihyet tut nabi nya. Dingon buhun bibor ba, didigit nindig bibor. tuhan ba nihyet di kwes-kwau bindei ba, dinok no di dut ba anggur ngei nindig bibor di pu no ba, dingon him wei.

YEHEZKIEL 3:23

Gima rino dijuk ug ei mbang briepti leu api dingat tuhan de nikei-kau-keisi bou diyai him bit leu nok gi po dingat ei Minyei Kebar pima lene dikuk da bidiba dingwak bikik dihyei.

YEHEZKIEL 43:3

Ningat-hi-ngat dima noyam kin gi hi di dingat mpe di Allah kwei mem gima bindei timek minu ndig Yerusalem ba, noyam kin gi dingat ei Minyei Kebar nyai pima cem. Leu api ditti ug ei dihyeisi bidiba dingwak bikik dihyei bidikuk da bak.

YEHEZKIEL 1:3

Leu api tuhan mbrap bit da ba, Nide nisindemti kui da tirigi dibong simiak Minyei Kebar ei minu Babel.