YEHEZKIEL 3:12 - ALLAH NIHYET MEM TUNGWATU NYA

¹² Leu api Allah Ninnei kon da kui lene dimiap nihyet gom ei dinghim dip di nok kru di cut bipai “Ma jinggei sut tuhan nikei-kau-keisi ei gwamti.”

YEHEZKIEL 3:12 ပူးပေါင်းရင်းမြစ်များ

KISAH 8:39

Hammi tirigi ikiju kui leu minyei ugyousi rino Allah Ninnei teu Filipus leu mpia ttou nsi dima. Andigpoi dima ngat noni bu bi. Noro ba ningon di llei bibor bikak puig dima kikau.

YEHEZKIEL 8:3

Mun di nok tungwatu dima su ninda bikrau dibou nta leu api diba ningat-hi-ngat pima bingat lo, Allah Ninnei kon da anai ug ei hou him bibuwak da ug ei tuhan De Ig ei minu ndig Yerusalem. Noni kes da kui dimbou di ibicoi ug ei mpia di jo bas hak ei ninsi gom di jo ei nite bei mpia nijjai. Ba, kwar di tungwatu nya ikuk yok bak di bibon tuhan nigga biborti jo ei sirima.

YEHEZKIEL 11:1

Leu api Allah Ninnei kon da bibuwak da ug ei dimbou pmem di jo ei nite bei mpia nipriti ei tuhan De Ig. Dingat lo, ibou nyatungwagom muhwi ingat rin ei sirima. Lene dingat mben Israel ide nibou nya ibou can di igya hak ei ikieti. Nibou cin dima inyeng rino Yaazanya di Azur nipmot kin Pelaca di Benaya nipmot.

KISAH 2:2

Idrui sut lo, imiap nibimbi gom nok sigau di tibim kros kwei leu mpia-bbed him bimpung ei ig bei di yahagom idem yam eisi.

YEHEZKIEL 3:14

tuhan de nisindemti coi kwei ei dingonti sindem bibor ba, Ninnei kon da bittei da apino dingon mpo-mpam ba, wam cem.

NINGAT-HI-NGAT NYA 19:6

Leu api dimiap nisu di nok tungwatu ningot ndig ighyet di kui yam noyam kin minyei ninyei di nisu bong nindig bibor kin kru di cut nibimbiti di nindig bibor cem di pai “Jikwei ba, inggei sut ide Allah Di Sindem Bibor lewo Noni ne Nibou Ndig ri!

NINGAT-HI-NGAT NYA 1:15

Nimig cem mbom kei dem kep ngkimom-tembaga di indig kep hum bibindei ba, pimbai kei. Nihyet dem kep minyei ninyei ba, nisu bong nindig bibor.

NINGAT-HI-NGAT NYA 1:10

Allah Ninnei bie tut da mem njap nigwam ninghuisi. Ba, dimiap nihyet nindig bibor ei dinghim dip di nok pun mbrei nugwei bong di tibim.

YEHEZKIEL 10:4

Nipigati di piga mpia kei di bindo tut tuhan di ningat rin ei mpia dima piga mpia ei kerub dima yok igyati bipri ug ei dimbou hui di ibicoi tuhan De Ig. Apino nipigati dima piga mpia kei ei mpia di jo bas hak ei tuhan De Ig.

YEHEZKIEL 9:3

Leu api nipigati di piga kei di bindo tut Allah Israel di ningat rin ei mpia dima piga mpia srig kerub nya ikieti bipri leu nijoti buug ya kui dimbou di ibicoi kwei ei tuhan De Ig. Lene tuhan jem no di juk sinsun linen dima bipai bak,

YEHEZKIEL 2:2

Hammi tirigi nihyet dima tibim ei ditingou nsi rino Allah Ninnei coi kwei ei dingonti bibindei ba, dikiju bidiya pijum. Leu api dimiap nihyet dima pai bida bu,

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

MAZMUR 148:2

Je di malaikati nya e, ma jahagom jinggei sut tuhan! Je di tentara gwamti e, ma jahagom jinggei sut tuhan!

NIBOU NDIG NYA GI NICAN 2:16

Bipai binoni “Nyeni nibou ningot muhwi nahagom nimbut sindem. Ma asindui sut nye ba, ninggok-nggok nyen ser ade andigpoi e? Mpaba tuhan Ninnei buwak noni ug ei mbigdip gom e, he ug ei mbang briep gom bikes noni ei mpia dima tu e?” Noro Elisa buhup “E bi! Jinggok ser noni au.”

NIBOU NDIG NYA GI NIGOM 18:12

Notou mem da gino duug pai akweisi binoni lo, tuhan Ninnei teu na ug ei minu hiter di dikan tut bi i? Tirigi nibou ndig kwei nggok ser na lo, ngat angat bi lene noni miyai nimai bida drek dip. Ma ayok ngon kep bipia habiei dimien kwei bipek ammani kep lene diba dingon gom bikuk da bak tuhan.

YEHEZKIEL 3:11

Leu api ma aug ngat asut bat mben Israel di ibong ei ingkiaisi ba, atri tut mun di Da di tuhan Di Dinyeng Jei Bibor disok ei na dip hagom biyok. Mpaba ingig itingou mem ahyet e, he bi e, dikan tut bi.”

MAZMUR 26:8

tuhan e, dingon ngakei Ade Ig lewo gima ne mpia di agwam tut Ade nikei-kau-keisi di nindig bibor eisi ri.

YEHEZKIEL 43:4

Nisieng-siausi dima kwei bicoi kak dimbou pmem di birok kik mpia nipriti dima leu api coi kikau ug ei tuhan De Ig.

YEHEZKIEL 43:5

tuhan Ninnei kon da ba, buwak da ug ei mpia di jo bas hak di jo ei sirima bidingat lo, tuhan De Ig mpung tut Nide nisieng-siausi di piga kei di bindo bipia Allah ningat rin ei mpia dima.