YEHEZKIEL 28:2 - ALLAH NIHYET MEM TUNGWATU NYA

² “Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

YEHEZKIEL 28:2 ပူးပေါင်းရင်းမြစ်များ

NITRITI 3:5

Allah pai gima bije nok lewo Noni kan tut bipia tirigi jiyem biei ngat dima lene mijingon dor niti tut gi kei nya kin gi kinei nya dem kep nok Nonti ningon dor nititi.”

NIBOHON MBEN ISRAEL GI NICAN 26:16

Tirigi Nibou Ndig Uzia sindem bibor tu lene cut ei nillei-llau sut nontiti. Lene gima bindei timek ninyeng jei biborti cem. Noni tunggwei nide tuhan Allah de nicukti tug hon gi coi ug ei tuhan De Ig bindig biei nggrai di ui-gwang kei ei nimbar dima dip.

MAZMUR 9:20

tuhan e, akiju ba, agwam nok nikei mem ngkiai nya ba, asindui sut yok ba, yaham imbuk kep Nani au!

NIPINGOK NINGONTI 16:18

Ninggei-nggwangti bindei ba, nisarti ntun him. Nillei-lausi micut ninyeng jeisi.

NIPINGOK NINGONTI 18:12

Yo di illei-lau nya micut. Tungwatu nya inggei sut no di ba nibou coi mem yok.

YESAYA 2:12

Njap dima ne tuhan Di Sindem Bibor mico kep yo di ikon yonti yahagom bikes hukum ei yo di inggei sut yonti kin yo di ingon jei nya yahagom dip.

YESAYA 23:8

Yoni ne tungwatu nitri-nipek kep mun cig nya di intun yo di inyeng jei him di tungwatu nya ibou cut biyok bibor ei dihyeisi dini rin bi e? Tou rima kos tut mem gima bindei timek minu ndig Tirus di ninyeng jei bibor dini i?

YESAYA 31:3

Mben Mesir ne tungwatu dihyeisi dini he ri. Isindemti noyam kin Allah bi. Ide kuda nya inok mindhe di mipbor ngat bi noro kuda nitu he yo. Mpe dino tuhan brim ningkek ne mben di isindem bibor dima mikinoi ug ei dihyeisi leu api mben di isindem bi po iba ingon com gi hi di isindem bibor pima micut bihigom. Mben cin dima yahacem mitimek bingwig.

YESAYA 47:8

Gima rino na di ata abou ei nuhuk bram ningon llei biborti e, ma angig atingou mem Dihyet! Akan bipia abong kei agwam kei ba, hi ginoyam kin nani bi. Akan bipia aginok kibom ba, ade nintun him yamti di bram yam nya misar bi sren.

YEHEZKIEL 16:49

Minu ndig Sodom ya tut nide minu mien nya bikon yonti lewo ide njita di jo mem yok nya ne nindig bibor. Ibong nyahan ba, ibong kei igwam kei cem. Noro igingondut nuhwap mbum nya kin nikinei-kinau nya bi.

YEHEZKIEL 26:17

Leu api ikon doia nibitig nimaisi dini drek dip na di nibimbiti pai bipia, Minu ndig di ninyeng jei bibor cut hak tu! Icok tut nide kibar minyei nya hagom leu muk ndigsi tu. Timiei nya di nipou inyeng tak kep bidem muk ngeisi titut yam pima ibindei ba, yo di ibong les him nya ittin tut yok.

YEHEZKIEL 28:1

Lene tuhan pai bida,

YEHEZKIEL 28:17

Aimaisi di ubbu ngat dima bindei ba, angon jei. Anyeng jeisi bindei ba, aba angon di mbum bibon mun. Gima rino dinjei na ug ei dihyeisi. Dibindei ba, anok bindo di bipingok nibou ndig nindigsi nya ingonti leu binhyepo ibiyok ngon kep.”

YEHEZKIEL 28:9

Tto bou dima dem ne mpaba apai sut nanti bipia nani ne Allah rin e? Noro yo di ikwei yai nimai bina mingat bou igyai him bipia nani lene tungwatu nitu he ri.

YEHEZKIEL 29:3

tuhan Di Ninyeng Jei Bibor cuk da biditri tut nisokti dini bak nibou ndig minu Mesir. “Na di unggor ndig bibor di abong ei minyei nggimau yon e, Dani ne ade nitok ri. Asuglai mun bipia ajem Minyei Pmem Nil bou na nok ade lewo nani rino apai tes a.

YEHEZKIEL 29:9

Minu Mesir miwer minu prenti di mpia mbum-bra bram apino akan tut bipia Dani ne tuhan ri.” tuhan pai “Nibou ndig minu Mesir e! Ajem Minyei Pmem Nil bou na nok ade lewo nani rino apai tes e?

YEHEZKIEL 31:10

Gima rino tuhan Di Ninyeng Jei Bibor pai bije tut mun di mipek kep mem biei di kui ninno di ninggrupti kui sur bumbuhui dima. Nijeisi kum eisi bibindei ba, nikon nonti cem bikum eisi,

DANIEL 11:12

Leu api ningon jei sut gino om kep siceu kin gi bindei mai imang bibor ei pranti dima cem. Noro nide nisindemti jo kikau bi.

DANIEL 11:36

Nibou ndig minu Siria bon mun igbit ningon kanti. Noni ba ningon di jei bipai bipia ninyeng jei bibor dor njiriek kwar di tungwatu nya ikuk yok bak nya kin Allah Di Ninyeng Jei Bibor cem hagom. Noni sindem mem gima yai igbit ningon kanti dima kikau ug bipek njap di Allah kes hukum ei noni dip. Lewo suar mun di Allah kos tut ei su mbut bipek kep.

DANIEL 11:37

Nibou ndig dima miba ningha bak kwar di nidigup bat-nidigai bat nya ikuk yok bak kin kwar di sop nya ikuk yok bak cem. Ningat ne ba ningha bak kwar di tungwatu nya ikuk yok bak dima yok hagom lewo noni kan bipia ninyeng jei dor njiriek hagom.

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

ZEFANYA 2:15

Mun dima yok hagom micut igkep minu ndig di ninggei ngwig sut nide nisindemti di kan bipia ibong kei igwam kei dima. Timiei nya ikan bipia ide minu ndig dima nindig bibor dor njiriek minu ndig dihyeisi dini hagom. Ayo! Minu dima mpia mbum-bra bibor lewo hi di bong ser bi. Noro mindhe-ndhe bigbehei nya he rino itot yaham eisi! Yo di ikak puig binjiriek minu ndig dima midigit tut ba, ingkek hyenha tut.

ZAKHARIA 9:2

Ninyeng tak kep minu Hamat di bikkin minu Hadrakh cem. Mbro nok gino timiei minu ndig Tirus kin Sidon nya ingon ki lo, tuhan ninyeng mitak kep yok cem.

LUKAS 14:9

lene nibou ig bei di hig jahacem kwei ei nibon pestati bit noni pima kwei pai bina ‘Ma ati bileu lewo ditin ei bilen dima mem no dini bigwamti bibie.’ Gi pai nok lene ammai sut nanti drek dip gima aom nanti kikau ug ei nohon keti.

NINDAT KEP TUHAN NICUKTI NYA 8:14

ma jingon sok kep jenti ser nhyema jingon jei ba, jibbwe ser tuhan di nok jide Allah au. Lewo Noni teu je bijingwes ngun leu gi jiwer awak ei minu Mesir tu.

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

TIMOTIUS GI NIGOM 3:6

Ma ata no di sindi nok no di Kresten nijep-jep binok nibou mbusyamei au. Leu gi nok ne ningon jei apino Allah misigion noni noyam kin Bilis di tug ndei nisigion noti.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”

NINGAT-HI-NGAT NYA 17:3

Leu api Allah Ninnei bie tut da ba, malaikati dima buwak da ug ei iggum ndigsi. Ei sirima ne dingat lo, sop gom bri bigwam ei mindhe ningwoi di niten-pos dip. Leu api srat bokti di tibim tut ninyeng di wer mpiahi tut Allah jo bidem mindhe ningkek dip hagom. Mindhe dima bon nibou muhwindacan ba, nibou nggai simnai ntun him.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’