YEHEZKIEL 27:31 - ALLAH NIHYET MEM TUNGWATU NYA

³¹ Ikak ibou nta leu ba, ijuk sinsun kron cem lewo ingon ngguk drek dip na. Iba ingon di ngguk bibor bipim kui jei sut mun di cut igkep na.

YEHEZKIEL 27:31 ပူးပေါင်းရင်းမြစ်များ

YEHEZKIEL 7:18

Yoni mijuk sinsun kron ba, idigit-digoi. Ikak ibou nta apino hiter ingwes pri gau yok drek dip ide nimmaisi.

YESAYA 22:12

tuhan Di Ninyeng Jei Bibor di Sindem Bibor cem cuk je ei mpe dima leu binhyepo jipim ba, jibwos-bwos nyen cem jikak jibou nta leu ba, jibijuk sinsun kron cem.

YESAYA 16:9

Noro tini bu ne dipim tut ba anggur nghousi ei Sibma noyam kin gi dipim tut minu ndig Yaezer. Diyai nggwei kibor tut minu ndig Hesybon kin Eleale lewo ide siceu nya igyem ba anggur ngat bingwig leu su.

YESAYA 15:2

Timiei minu ndig Dibon nya ikui ug ei mbigdip mem gima ipim ei mpia di ikuk yok bak kwar nya eisi a. Timiei minu Moab iba ingon di ngguk bipim nggruet tut minu ndig Nebo kin Medeba. Ikak ibou nta kin yuhui nta leu nok bindo tut gi yuum ningon nggukti.

YESAYA 22:4

Ma jiwaisi dani au. Ma jisindui sut ba, dipim bidibwos kep ditde mben di imai nimbiam nya ug e. Ma jigwam ser dingon au.

MIKHA 1:16

Je di mben Yehuda e, ma jikos jibou nta nok mun di bindo bipia jingon ngguk tut jimunggwom bat di jingon ngakei yok nya. Ma jikak jibou nta bidia kei noyam kin ha di nindig krop di yem kep mun di mai nya lewo jide siceu nya mikat jimunggwom bat nya ug ei ingkiaisi.

MIKHA 1:8

Gima rino mun dima yok bindei ba, da di Mikha dingon buhun bibor bidingon ngguk bibor cem. Midikwek srop leu dimig jou bidikui mai he leu api diya-ya nyen nok mun di bindo bipia dingon buhun bibor. Midiyau-yau nyen noyam kin nsien bigbehei ba, dihyet noyam kin ha unta niyausi.

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

YEREMIA 48:37

Yahagom ikak ibou nta kin yuhui nta ba, idat inda pang nya bijuk sinsun kron di bindo tut ide ningon nggukti tu.

YEREMIA 47:5

Ningon ngguk biborti cut igkep timiei Gaza nya. Timiei Askelon nya igwam bibbwe ei yamti. Mben Filistin di niken-ken nya ingon ngguk kikau bipek apig bu i?

YEREMIA 16:6

Yo di inyeng kin yo di yuhui mbum mimai ei minu dini noro tungwa hi dima mitig yok bipim tut yok cem bi. Tungwahi dima yai nibok binonti ba, kak nibou nta leu cem nok bindo tut ningon di ngguk tut yok bi sren.

NINDAT KEP TUHAN NICUKTI NYA 14:1

“Jeni ne tuhan Allah de limwa nya ri. Gima rino mpe di jingon ngguk tut nimai lene harin dima jidigo jingkek dip ba, jikak jibou nta bei jingwak dip leu cem noyam kin ngkiai nya igyai kepti a.

IMAM NYA IDE MIDYAI 21:5

Harin dima imam hi kak nibou nta ndrim hi leu nibou ba, kos nuhui nta cem leu a. Harin dima noni ba mun di nggwen biciu ningut mem bindo tut bipia no gwam ningon di nggukti yo a.

YESAYA 3:24

Nogindini yoni iba mini ibou di ui-gwang kei biprok yonti noro niabiati ne inghap mpiei. Midiba kuk di singga biluei ide bang di nggriu-nggrop kei di ibikri intig bou. Yoni mikak ibou nta di kei-kau leu ibou bile. Iba sinsun di rik-ta biluei ide sinsun di nggriu-nggrop kei nya. Yuubuti mipror hanyen leu yok lewo dibindei ba, nimmai nggai kep yok.

YEHEZKIEL 29:18

“Na di tungwatu di ayaijo kikau bi e, Nibou Ndig Nebukadnezar leu minu Babel cuk nide tentara nya ba, injei bihwen minu ndig Tirus sindem tu. Noni cuk yok ba, ikon ndigban di buhun bibor apino ibou le drek dip ba, inghat bok bibor cem. Noro nibou ndig kin nide tentara nya igitug ndei ningat bipek kep yahanggwap di icom dima bi.

YUNUS 3:6

Tirigi nibou ndig ei minu ndig Niniwe kan tut igyai munti dima lene noni kes nide banggo mbrei bijo ei leu api juk sinsun nibou ndig leu no lene juk sinsun kron bigwam tut ei atriemti.

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.