YEHEZKIEL 26:8 - ALLAH NIHYET MEM TUNGWATU NYA

⁸ Tentara dima yok migyai nimai bak timiei di ibong ser minu ndig di jiwin ei mam bei dideu minu ndig Tirus yahagom ei pran dimati. Tentara dima mitig got di jut bibor mem gima igya nding bitig dihyei binjei keyam bikui sur ngug tig niya nding mem ibiyon ttai nani lene iba ide mun di ibipukep tibor ninggwenti nya di nindig bitas mem gima igya nding leu binhyepo ibihwen na.

YEHEZKIEL 26:8 ပူးပေါင်းရင်းမြစ်များ

SAMUEL GI NICAN 20:15

Yoab de limwa nya imiap tut bipia Seba ningat rin ei mpia dima leu api injei siceu bigyon ttai minu ndig dima mem gima ihwen yok. Itig dihyei bikam ba, injei keyam kui ngug tig dima nisai leu api ikinyon ei nitig dihyei ei ngug tig dima nikiouti leu binhyepo ibindei ba, ngug tig dima nonti tti.

YEREMIA 32:24

Mben Babel ingot ig ninggilai nut yam bijo anai mem ibiyon ttai minu ndig nya mem gima ibiyai minu ndig dini bigyati tu. Ba, ikinyon ei nihwenti cem tu. Pran kin ninggum kin nsuwer ajar mibindei ba, minu ndig dini cut ei indati. Angat bipia mun di asimbot dat nya hagom pek kep bijo nibreisi tu.

YEREMIA 52:4

Gima rino nibou ndig dima ya tut nide tentara yahagom ba, ikwei kon pran bit timiei minu ndig Yerusalem mem njap nisimnai ei bed nisimnai tirigi Zedekia ninyeng tak kep timiei Yehuda nya mem ari bingwam muhwindatai tu. Tentara dima yok yohok ide prak meng yati bigyon ttai ngug tig ei minu ndig Yerusalem nisai ba, ibon ide ngug tig di bipu kep tibor ninggwenti nya cem.

YEREMIA 6:6

tuhan Di Sindem Bibor cuk yo di inyeng jei pima yok leu binhyepo iwim biei nya ba, iroi dihyei keyam bikui sur ngug tig nidip ttai minu ndig Yerusalem. Noni pai “Midikes hukum ei minu ndig dini dip lewo timiei nya ibon kep nico kep tungwatu nyati bijo ninno ei ninsi tu.

YEHEZKIEL 21:22

Leu api jo nibreisi bipia tibor di ba ninda com bikit bindo tut minu ndig Yerusalem! Gima ne mun di bindo bipia suar noni njei siceu ndam minu ndig dima bihwen. Noni cuk nide limwa nya mem gima imbos-hi-mbos ba, ighyet sra tut pran bicuk nide tentara nya mem gima idimig biei tou ndig di ipindur hammi Yerusalem de dimbou pmem mem gima ibinggek. Lene itig dihyei binjei keyam bikui sur ngug tig niya ndingti mem ibiyon ttai minu ndig ba, ibitig got di bikrop ttai cem.

YEHEZKIEL 26:6

Yoni mipos ndigban ba, igyai nimai bak timiei ngot di ibong ser minu ndig ngot di iwin ei nite mam bei dideu minu ndig Tirus nya. Leu api timiei Tirus nya mikan tut bipia Dani ne tuhan ri.”

YEHEZKIEL 26:9

Yoni midimig biei ttou di nindig ba, ipindur hammi ade ngug ting nya mem gima ibinggek ngug tig nya lene iba ngkimom nitu binggek ade ig di bon ninggre nut yam di jo anai nya bitti.

HABAKUK 1:10

Tentara Babel iba ighyet bicig nibou ndig nya lene iba yo di inyeng jei nya bikek. Ingwes pri gau bikwop minu ndig di bon tentara nibousi ser yo dima yahagom ikweisi. Tentara dima yok iroi dihyei keyam bikui sur ngug tig nya lene ikui bibindei minu ndig dima timek bingwig.

LUKAS 19:43

Lewo ei nijam di mittau ei nidipti bu ne siceu nya igyon ttai jide minu ndig bibon mun-mun hi bibikwam ser jingwak him bibinggam je ei ninsi.