YEHEZKIEL 24:6 - ALLAH NIHYET MEM TUNGWATU NYA

⁶ tuhan Di Ninyeng Jei Bibor pai “Buhun bibor mem minu ndig di mpung tut niyai nimai bak tungwatuti dima! Minu ndig dima dem kep yeng brek di prap yem di ipiap cem bigyo. Ibindei hei mikwau nghui di jo niti gom-gom leu ninsi kikau ba, niken hi jo ninsi bi kep.

YEHEZKIEL 24:6 ပူးပေါင်းရင်းမြစ်များ

SAMUEL GI NICAN 8:2

Lene noni hwen mben Moab cem ba, bindei timek yok. Noni cuk yok ba, ibong kimus ei dihyeiti leu api yai nimai bak ibou can lene njiriek tungwagom leu api yai nimai bak ibou can kin bu lene njiriek tungwagom bu nok gima kikau ug bipek nipekti. Gima rino mben Moab icut bak Daud lene nindigsi nya igo kep belasten bak noni.

NIBOU NDIG NYA GI NICAN 21:16

Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

NIBOU NDIG NYA GI NICAN 24:3

Ba, ningat ne suar hukum dima cut igkep yok bit leu tuhan nikos tutti leu binhyepo bijji yok leu minu di Noni yai biyok pima drek dip sisar nyeng hagom di Nibou Ndig Manasye bon kep nya ba,

NIBOU NDIG NYA GI NICAN 24:4

ningat-ngat rino drek dip gi noni yai nimai bak yo di ingon ngun pima yok cem bibie ug e. Bit bon tuhan kos ser Manasye niyai munti di kinei bibor dima kan bi.

YEREMIA 2:22

Mbro nok gino jiba sabun di sindem bibor bikek minyeiti lo, nirom di kui je jo nibreisi bou diyai him.

YEREMIA 6:29

Tong di tukan kwen ngkimom nitu eisi dut bibor noro mumpiang di srig ngkimomti jet bingwig leu bi. Dibingon Ditde limwa nya bijo ninno leu binhyepo ingon kwes noro dem tut bi. Lewo yo di imbuk bibor di isrig ikieti ijet bingwig leu yok bi.

YEHEZKIEL 11:11

Ba, mijibong kei jigwam kei ei minu ndig dini ba, jidem kep mikwau nghui di jo ei yeng dihyei pimati bi. Miduhuk je bidikes hukum ei je dip ei mpia di jingat rin eisi ei minu Israel.

YEHEZKIEL 11:3

Yoni ipai “Jei bi ne niwin ig dini yok hanyen bu. Minu ndig dini nok yeng dihyei di iba igtuyap bibon ba, nyeni inok mikwau nghui di jo ninsi a. Nyeni mibong kei migwam kei lewo yeng dihyei dima mingkiem ser nye leu hum di cig-cai yo.”

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

YEHEZKIEL 22:2

“Na di tungwatu di ayaijo kikau bi e, atin ei mem gima agwam nok nikei mem minu ndig di mpung tut nihwen mun cig dima tu e? Ma ando nide nibon munti di igyai kou ningat nya bak.”

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

YEHEZKIEL 22:3

tuhan Di Ninyeng Jei Bibor cuk da biditri tut nisokti dini bak minu ndig Yerusalem “Njap nimbus angonti dideu kwei su. Lewo abon mun tunggwei nindig bibor tirigi ayai nimai bak ade timiei nya lene abindei ba, map kui nati tug hon gino akuk na bak kwar nya.

YEHEZKIEL 24:3

Da di tuhan Ditde nihyet nibiti nindati gom mem gima atri tut bak Ditde limwa nya di yaham imbuk kep Da kikau nya pai bipia, Akiber minyei ei yeng brekti leu api akes tut ei humti.

YEHEZKIEL 24:9

tuhan Di Ninyeng Jei Bibor pai “Buhun bibor mem minu ndig di mpung tut nihwen mun cig dima! Danti rima dinju biei kep bidindig hum kep a.

YOEL 3:3

Iko bibinggok tut yo di ikat yok nya leu binhyepo ikwas yok tut yam bit leu nok gi iko tut pima. Itri munggwom pinai nya kin munggwom sop nya di ikat yok nok awak bibipek mitiei mem gima ibigo gau sop di ibou sibui nya kin ba anggur ngei.

OBAJA 1:11

Njap di ide nitok nya inggek dimbou pmem ei minu ndig Yerusalem bigyai minu ndig dima bigyati lene jeni no jimbres jenti ei minu ting. Mpe di ipos mun di inyeng tut nya hagom ei minu ndig Yerusalem bimbut tut bikwas tut yam ne jigimbrap bi ba, jikimut juhui hak. Jeni cem jisibut bibor noyam kin ide nitok dima yok.

YUNUS 1:7

Leu api kiten kibar kin Yunus ikui ug ei kibar dip bingat lo, timiei kibar nsi nya ipai biyam “Jikwei ba, iko bibinggok tut no di bindei dino sigau yem nye hak nontini dini ug e.” Tirigi iko bibinggok tut tu lene jo nibreisi mem yok bipia Yunus rino bindei dino sigau yem yok a.

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

NAHUM 3:1

Buhun bibor mem minu ndig dini di mpung tut nisuglai mun cig nya kin nihwen mun cig nya. Lene minu ndig dini mpung tut ndigban di ipos nya kin gi icat nya cem.

NAHUM 3:10

Mbro nok gima lo, siceu nya ikat timiei minu ndig pmem Tebe bibindei ba, isima ei ingkiaisi. Ibui nimunggwom bat nya bimai bidem simpak nahau yamti hagom. Iba lante biteu nibou di inyeng jei nya yahagom ba, iko bibinggok tut leu api ikwas yo dima tut yam biyuubon yok nok awak.

MATIUS 23:35

Gima hagom nok apino mijitug ndei hukum drek dip yo di ingon ngun nya di tungwatu nya ikimukep yok yahagom ei nimbie him tirigi ikimukep Habel di ningon ngun kikau kwei bipek nijam di je di mben Yahudi jikimukep Zakharia di Berekhya nipmot ei Allah De Ninsi Di Kwes kin nimbar hum dok nikieti.

NINDAT KEP TUHAN NICUKTI NYA 23:13

Gino juug ei sirima lene ma jipwoi nimbumbati di jisuar nya bitut hyen gom. Lene ma jiba hyen dima bitig jui mem gima jooi eisi leu api jibiji kep hanyen.

YOSUA 10:22

Gima leu api Yosua pai bak tentara nya “Nogindini jirim tig leu hak mihyeti dima nuhui ba, jikri nibou ndig ibou muhwi dima kwei ei doho bei.”

NINGAT-HI-NGAT NYA 17:6

Dingat lo, mun di pu noni ne Allah de limwa nya kin yo di igyai nimai drek dip ingon di gom tut Yesus inggrom ri. Tirigi dingat noni lene dinga leu tut nindig bibor.

NINGAT-HI-NGAT NYA 18:24

Minu ndig Babel tug ndei hukum drek dip nabi nya kin Allah de limwa nindigsi nya kin hiter di igyai nimai nya yahagom inggrom di biam ei minu ndig dima.